AtuartigukGreenland Airportsimi kinguaattooqattaarnerit Naalakkersuisunit naammagineqannngitsut
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut siulittaasuat Múte Bourup Egede Ineqarnermullu Attaveqaasersuutinullu Naalakkersuisoq Hans Peter Poulsen Nuummi mittarfimmik sanaartornermi piffissami kingullermi kinguaattooqattaarnerit naammaginngilluinnarpaat.
”Sulisut ilungersorlutik aaqqiissutissanik ujartuingaluarput, taamaattorli ingerlatsinermi unammilligassarpassuaqarput, tamannalu inuiaqatigiinnut kingunerluppoq, Naalakkersuisoq Hans Peter Poulsen oqarpoq nangillunilu:
”Kinguaattooqattaarnerit isiginngitsuusaaginnarsinnaanngilagut taamaattumillu naatsorsuutigilluinnarparput Greenland Airportsip piffissaliussat killinganik avammut nalunaarutigisimasaminnik eqquutitsissasut, Hans Peter Poulsen oqarpoq.
Naalakkersuisut isumaqarput ajornartorsiutaasut piaarnerpaamik aaqqiivigineqartariaqartut, taamannalu anguniarlugu aqutsisunut piumasaqaateqarput.
”Greenland Airportsip siulersuisuini siulittaasoq tullersortaasorlu sukkanerpaamik ataatsimeeqatiginissaat piumasaraarput. Pissutsit kipiluttunartut aaqqiiviginiarneqarnissaat naatsorsuutigaarput aaqqiinissallu erngertumik pinissaat naatsorsuutigalugu, Naalakkersuisut siulittaasuat Múte Bourup Egede oqarpoq.
Sukumiinerusumik paasisaqarusukkuit Naalakkersuisup siulittaasuata allattaa Niels Dorph attavigiuk, oqarasuaat 34 56 61 imaluunniit 288443, mail: ndor@nanoq.gl