AtuartigukKalaallit nunnaani peqqinnissaqarfimmi atortunut ilisimatuut isersinnaatitaanerat
Nassiussisuuvoq: Peqqissutsimut Naalakkersuisoqarfik
Arlaannaannulluunniit attuumassuteqaratik ilisimatusartut 1960-imiit 1992-imut naartunaveersaasersuineq pillugu suliami qulaajaanermik suliaqartut piffissap qiteqqunnerani nalunaarusiaminnik saqqummiusseqqammerput. Suliap ingerlaqqinnissaanik sunniuteqartumik peqqinnissaqarfimmiit atortunik pissarsiniarnermik ajornartorsiuteqarlutik ilisimatusartut nalunaarusiami allapput. Ilisimatusartunit eqqartorneqarpoq Kalaallit Nunaanni peqqinnissaqarfimmi aqutsisuniit akuersissut utertinneqarsimasoq, atortunut isersinnaatitaanermut piumasaqaatit periarfissallu nalornissutigineri pissutigalugit. Tamatuma kingunerisaanik ilisimatusartut atortunut isersinnaatitaaneq pillugu qinnuteqaammik nutaamik nassiussipput, taannalu ulloq 12. juni 2024-mi itigartinneqarluni.
Qulaajaalluni sulinermut Kalaallit Nunaanni peqqinnissaqarfik tunngaviusumik tapersersuipput ilisimatusartullu ingerlariaqqinnissaannut akornutaarusunnatik. Atortunut attuumassuteqartunut isersinnaatitaanerup pingaaruteqarnera peqqinnissaqarfimmit paasineqarpoq. Kisianni aamma peqqissuseq pillugu paasissutissat inummut tunngasut innuttaasut paasissutissaataannik paarsinissaq peqqinnissaqarfimmut suliassatut pingaaruteqarluni. Taamaattumik ilisimatusarnermut attuumassuteqartunik paasissutissanut ilisimatusartut taamaallaat isersinnaatitaanissaat pisariaqarluni.
Unammillernartoq tassaavoq misissuinissaq siunertaralugu peqqissuseq pillugu innuttaasut ataasiakkaat paasissutissaataannut killeqanngitsumik isersinnaatitaanissaq inatsisinut naapertuutinngitsumik Peqqinnissaqarfimmit akuerineqarsinnaannginnera. Tamanna isumaqarpoq innuttaasoq akuersiteqqaarnagu 1992 sioqqullugu inunngorsimasunut innuttaasut ataasiakkaat pillugit inummut tunngalluinnartunik paasissutissanut periarfissiisoqassasoq. Taamaattumik paasissutissat suut katersorneqassanersut qanorlu taakku nalunaarsorneqarnissaannik erseqqissumik nassuiaasoqarnissaa pisariaqartinneqarpoq, taamaalilluni naartunaveersaasersuineq pillugu suliami pingaaruteqartumi qulaajaanissaq pillugu anguniakkami innuttaasup arlaannaataluunniit nammineq inuunera innarlerneqarnani.
Peqqinnissaqarfik aamma Peqqissutsimut Naalakkersuisoqarfik soorunami inatsisit iluanni aaqqiissutissamik nassaarnissamut piareersimapput. Aaqqiinikkut ilisimatusartut paasissutissanut attuumassuteqartunut isersinnaatitaanissaat qulakkeerneqarluni aamma innuttaasut isertugaqarsinnaatitaanerat ataqqineqarluni. Paasissutissanut isersinnaanissamut periarfissaqarneq pillugu ilisimatusartunik oqaloqateqarneq kinguneqarluartussamik aamma sukkasuumik paasinnittoqartariaqarneranik paasinnittoqarluni ingerlaqqissaaq.
Paasissutissat annertunerusut pillugi attavigineqassaaq Naalakkersuisoqarfimmi pisortaq Jørgen T. Hammeken-Holm, email: joeh@nanoq.gl; oqar.: 34 68 46.
Qulaajaalluni sulinermut Kalaallit Nunaanni peqqinnissaqarfik tunngaviusumik tapersersuipput ilisimatusartullu ingerlariaqqinnissaannut akornutaarusunnatik. Atortunut attuumassuteqartunut isersinnaatitaanerup pingaaruteqarnera peqqinnissaqarfimmit paasineqarpoq. Kisianni aamma peqqissuseq pillugu paasissutissat inummut tunngasut innuttaasut paasissutissaataannik paarsinissaq peqqinnissaqarfimmut suliassatut pingaaruteqarluni. Taamaattumik ilisimatusarnermut attuumassuteqartunik paasissutissanut ilisimatusartut taamaallaat isersinnaatitaanissaat pisariaqarluni.
Unammillernartoq tassaavoq misissuinissaq siunertaralugu peqqissuseq pillugu innuttaasut ataasiakkaat paasissutissaataannut killeqanngitsumik isersinnaatitaanissaq inatsisinut naapertuutinngitsumik Peqqinnissaqarfimmit akuerineqarsinnaannginnera. Tamanna isumaqarpoq innuttaasoq akuersiteqqaarnagu 1992 sioqqullugu inunngorsimasunut innuttaasut ataasiakkaat pillugit inummut tunngalluinnartunik paasissutissanut periarfissiisoqassasoq. Taamaattumik paasissutissat suut katersorneqassanersut qanorlu taakku nalunaarsorneqarnissaannik erseqqissumik nassuiaasoqarnissaa pisariaqartinneqarpoq, taamaalilluni naartunaveersaasersuineq pillugu suliami pingaaruteqartumi qulaajaanissaq pillugu anguniakkami innuttaasup arlaannaataluunniit nammineq inuunera innarlerneqarnani.
Peqqinnissaqarfik aamma Peqqissutsimut Naalakkersuisoqarfik soorunami inatsisit iluanni aaqqiissutissamik nassaarnissamut piareersimapput. Aaqqiinikkut ilisimatusartut paasissutissanut attuumassuteqartunut isersinnaatitaanissaat qulakkeerneqarluni aamma innuttaasut isertugaqarsinnaatitaanerat ataqqineqarluni. Paasissutissanut isersinnaanissamut periarfissaqarneq pillugu ilisimatusartunik oqaloqateqarneq kinguneqarluartussamik aamma sukkasuumik paasinnittoqartariaqarneranik paasinnittoqarluni ingerlaqqissaaq.
Paasissutissat annertunerusut pillugi attavigineqassaaq Naalakkersuisoqarfimmi pisortaq Jørgen T. Hammeken-Holm, email: joeh@nanoq.gl; oqar.: 34 68 46.