AtuartigukKujataani sikorsuit inuussutissarsiortunut unamminartorsiortitsisut
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Kujataani sikorsuit illoqarfinnut nunaqarfinnullu mattussisimaneri pillugit ulluni kingullerni Naalakkersuisut kujataani kommunimit inuussutissarsiortunillu assigiinngitsunit saaffigineqallattaavoq.
Silamik ilimasaarutit takuneqarsinnaasut naapertorlugit sikorsuit juulip ingerlanerani unamminartorsiortitsinissaat ilimasaarutigineqarpoq.
Naalakkersuisunit pisut pinartutut isigineqarput, tassami takornarissanik inuussutissarsiuteqartut annertuumik eqqugaareersimammata, taakkuami ikilisaasariaqarsimapput piffissamilu qaninnermi sulisut akissarsiaqartinnagit angerlartinneqartariaqalissallutik.
Sikorsuit peqqutaallutik ilaatigut takornariartaatit tikissinnaasimanngillat. Umiarsuit takornariartaatit 130-t missaanniittut kujataanut tikinnissaat pilersaarutaagaluarpoq. Juulimili sapaatip akunnera ingerlariilaartoq tikittussat 30-t tikinnissartik taamaatiinnarsimavaat. Pissutsit juulip naanissaata tungaanut allannguuteqanngippata, tikittussat 50-60-t tungaanut amerlassusillit tikinngitsuussapput. Umiarsuaq takornariartaat minnerusoq Kalaallit Nunaannut 1 mio. kr.-inik missaanik isertitsissutaasarpoq.
”Naalakkersuisunit pisut pingaaruteqarneri ilisimaneqarpoq, isertitassatut annaasat annertussusaat misissorneqaleruttorpoq. Inuussutissarsiortut ilaqutariillu sikorsuaqarnerani toqqaannartumik eqqugaasut Naalakkersuisut Kommune Kujalliullu qanoq ikiorneqarsinnaanersut misissuleruttorpaat,” Naalakkersusisoq Naaja H. Nathanielsen taama oqarpoq.
Kommune Kujallermilu Borgmesteriusoq, Stine Egede ima oqarpoq: ”Ukiut qulikkaat arlallit matuma siorna kingullermik taama sikorsuaqartiginera ajornartorsiutigitigaarput. Ukiuni kingullerni inuussutissarsiutinik ingerlatsisut ineriartorsimaqaat, ingammik takornariaqarnerup iluani, taakkualu aasaq manna aatsaat taamak suliassaqartiginissartik naatsorsuutigisimagaluarpaat. Inuussutissarsiutillit arlallit angallatisiortorsimapput, unnuisarfinnik sanaartorsimapput, neriniartarfittaartorsimapput suliffissanillu allanik aamma pilersitsisimallutik, taakkualu annaaneqarnissaat ernumanarpoq. Ilaqutariippassuit eqqugaapput, sikorsuaqaannarneralu ajornartorsiortitsileraluttuinnarluni. Naalakkersuisiut aaqqiissutaasinnaasunik ujartuiniarnerat qujarutigeqaarput, taamaaliortoqarneratigummi Kujataani inuussutissarsiorfiit pingaarutillit qulakkeerneqarsinnaassapput.”
Aalisartut piniartullu silaannaap allanngoriartornerata kingunerisaanik isertitassanik annaasaqarsimasut aningaasaqarnermut inatsimmi konto 51.01.04, Aallarteqqinnissamut tapiissuteqartarneq atorlugu Aalisarnermut Piniarnermullu Naalakkersuisoqarfimmut ajunaarnersuartut ittumik pisoqartillugu ikiorserneqarnissamut qinnuteqarsinnaapput. Inoqarfimmi aalajangersimasumi aalisartut piniartullu, kinaassutsitik ersitsillugit, ataatsimut qinnuteqaasiornissaat kaammattuutigineqarpoq. Taamaaliornikkut suliaq sukkanerusumik ingerlanneqarsinnaassaaq. Qinnuteqaat akuerineqarpat, qinnuteqartut ataasiakkaat ikiorsiissutinik tunineqassapput. Uani paasissutissat sukumiinerusut atuakkit: Silap pissusaata allanngornerani ajunaarnersuartut ittumik pisoqartillugu inuussutissarsiorsinnaanngikkallarnermi ikiorsiissutinik qinnuteqarfissaq (sullissivik.gl)
Qinnuteqarsinnaaneq pillugu sukumiinerusumik paasissutissat Aalisarnermut Piniarnermullu Naalakkersuisoqarfimmut saaffiginnissutigineqassapput uunga esu@nanoq.gl.
Inuussutissarsiutinik allaanerusunik ingerlataqartut naammagittaqqaartariaqassapput, tassami ingerlatsisut eqqugaasut oqaloqatiginerisa kingorna, isertitallu annaasat annertussusaat paasereeriarutsigu ikiorsiissutit naapertuuttut aatsaat isumagineqassapput.
Paasissutissat sukumiinerusut pissarsiarerusukkussigit
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik e-mailimut isiin@nanoq.gl attavigineqarsinnaavoq.
Silamik ilimasaarutit takuneqarsinnaasut naapertorlugit sikorsuit juulip ingerlanerani unamminartorsiortitsinissaat ilimasaarutigineqarpoq.
Naalakkersuisunit pisut pinartutut isigineqarput, tassami takornarissanik inuussutissarsiuteqartut annertuumik eqqugaareersimammata, taakkuami ikilisaasariaqarsimapput piffissamilu qaninnermi sulisut akissarsiaqartinnagit angerlartinneqartariaqalissallutik.
Sikorsuit peqqutaallutik ilaatigut takornariartaatit tikissinnaasimanngillat. Umiarsuit takornariartaatit 130-t missaanniittut kujataanut tikinnissaat pilersaarutaagaluarpoq. Juulimili sapaatip akunnera ingerlariilaartoq tikittussat 30-t tikinnissartik taamaatiinnarsimavaat. Pissutsit juulip naanissaata tungaanut allannguuteqanngippata, tikittussat 50-60-t tungaanut amerlassusillit tikinngitsuussapput. Umiarsuaq takornariartaat minnerusoq Kalaallit Nunaannut 1 mio. kr.-inik missaanik isertitsissutaasarpoq.
”Naalakkersuisunit pisut pingaaruteqarneri ilisimaneqarpoq, isertitassatut annaasat annertussusaat misissorneqaleruttorpoq. Inuussutissarsiortut ilaqutariillu sikorsuaqarnerani toqqaannartumik eqqugaasut Naalakkersuisut Kommune Kujalliullu qanoq ikiorneqarsinnaanersut misissuleruttorpaat,” Naalakkersusisoq Naaja H. Nathanielsen taama oqarpoq.
Kommune Kujallermilu Borgmesteriusoq, Stine Egede ima oqarpoq: ”Ukiut qulikkaat arlallit matuma siorna kingullermik taama sikorsuaqartiginera ajornartorsiutigitigaarput. Ukiuni kingullerni inuussutissarsiutinik ingerlatsisut ineriartorsimaqaat, ingammik takornariaqarnerup iluani, taakkualu aasaq manna aatsaat taamak suliassaqartiginissartik naatsorsuutigisimagaluarpaat. Inuussutissarsiutillit arlallit angallatisiortorsimapput, unnuisarfinnik sanaartorsimapput, neriniartarfittaartorsimapput suliffissanillu allanik aamma pilersitsisimallutik, taakkualu annaaneqarnissaat ernumanarpoq. Ilaqutariippassuit eqqugaapput, sikorsuaqaannarneralu ajornartorsiortitsileraluttuinnarluni. Naalakkersuisiut aaqqiissutaasinnaasunik ujartuiniarnerat qujarutigeqaarput, taamaaliortoqarneratigummi Kujataani inuussutissarsiorfiit pingaarutillit qulakkeerneqarsinnaassapput.”
Aalisartut piniartullu silaannaap allanngoriartornerata kingunerisaanik isertitassanik annaasaqarsimasut aningaasaqarnermut inatsimmi konto 51.01.04, Aallarteqqinnissamut tapiissuteqartarneq atorlugu Aalisarnermut Piniarnermullu Naalakkersuisoqarfimmut ajunaarnersuartut ittumik pisoqartillugu ikiorserneqarnissamut qinnuteqarsinnaapput. Inoqarfimmi aalajangersimasumi aalisartut piniartullu, kinaassutsitik ersitsillugit, ataatsimut qinnuteqaasiornissaat kaammattuutigineqarpoq. Taamaaliornikkut suliaq sukkanerusumik ingerlanneqarsinnaassaaq. Qinnuteqaat akuerineqarpat, qinnuteqartut ataasiakkaat ikiorsiissutinik tunineqassapput. Uani paasissutissat sukumiinerusut atuakkit: Silap pissusaata allanngornerani ajunaarnersuartut ittumik pisoqartillugu inuussutissarsiorsinnaanngikkallarnermi ikiorsiissutinik qinnuteqarfissaq (sullissivik.gl)
Qinnuteqarsinnaaneq pillugu sukumiinerusumik paasissutissat Aalisarnermut Piniarnermullu Naalakkersuisoqarfimmut saaffiginnissutigineqassapput uunga esu@nanoq.gl.
Inuussutissarsiutinik allaanerusunik ingerlataqartut naammagittaqqaartariaqassapput, tassami ingerlatsisut eqqugaasut oqaloqatiginerisa kingorna, isertitallu annaasat annertussusaat paasereeriarutsigu ikiorsiissutit naapertuuttut aatsaat isumagineqassapput.
Paasissutissat sukumiinerusut pissarsiarerusukkussigit
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik e-mailimut isiin@nanoq.gl attavigineqarsinnaavoq.