AtuartigukMeeqqanut tarnimikkut erloqissutilinnut ulloq unnuarlu angerlarsimaffik nutaaq Nuummi sananeqalerpoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inatsisartut Aningaasaqarnermut Akileraartarnermullu Ataatsimiititaliaata meeqqat tarnimikkut erloqissutilinnut ulloq unnuarlu angerlarsimaffiup Nuummiittussap sananeqarnissaanut aningaasanik atugassanngortitsinissamut Naalakkersuisut qinnuteqaataat akueraat. Akuersissuteqartoqarneratigut suliarinnittussanut isumaqatigiissutit inaarutaasut atsiorneqarsinnaalissapput suliarlu aallartissinnaalissalluni. Ulloq unnuarlu angerlarsimaffiup nutaap 2026-mi aggustimi atorneqalernissaminut piareernissaa naatsorsuutigineqarpoq.
Meeqqanut, Inuusuttunut, Ilinniartitaanermut, Kulturimut, Timersornermut Ilageeqarnermullu Naalakkersuisoq Aqqaluaq B. Egede oqarpoq:
”Ulloq unnuarlu angerlarsimaffeqarneq artorsarfiuvoq, aammalu meeqqat ulloq unnuarlu angerlarsimaffinnut inissinneqartartut amerliartortut takusinnaavarput. Meeqqanut tarnimikkut erloqissutilinnut ulloq unnuarlu angerlarsimaffiup Nuummiittussap sananeqarneratigut ulloq unnuarlu angerlarsimaffinni pisinnaasat amerlissapput. Ulloq unnuarlu angerlarsimaffik ullutsinni avatangiisinut sinaakkutissanut atortunullu, meeqqat inuusuttullu inissitat ulluinnarni toqqissisimanissaannik, isumannaatsuunissaannik perorsaanermillu pingaartitsiffiusunut qitiusussanut assersuutitut sananeqassaaq.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Nuannaarutigaara, Nuummi ulloq unnuarlu angerlarsimaffissap nutaap suliarineqarnissaa maanna aallartissinnaalermat. Suliassaq pisariusoq, avatangiisitigut sinaakkutissanik, meeqqat immikkut pisariaqartitaannut naleqqussakkanik pitsaasunik pilersitsinissamik annertuumik pingaartitsiffiusoq matumani pineqarpoq. Ulloq unnuarlu angerlarsimaffik nutaaq meeqqat toqqissisimasumik peroriartornissaannut iluaqutaassasoq neriuutigaara.”
Meeqqanut tarnimikkut erloqissutilinnut angerlarsimaffik Nuummiittussaq ulloq unnuarlu inissitanut 20-nut, immikkoortortanut pingasunut agguagaasunut imaqassaaq, kiisalu allaffissornermut aammalu sammisaqartitsinermut ilinniartitsinermullu immikkoortortaqassalluni. Ulloq unnuarlu angerlarsimaffik Nuummi Mannguanut, Nuussuup aqqutaata kitaaniittumut inissinneqassaaq. Illut illunut avatangiisunut naleqqussarneqassapput, taamaalillunilu ulloq unnuarlu angerlarsimaffik inissiaqarfiup ilaatut isikkulerneqassalluni. Tamarmiulluni 1.300 m²-it missaannik annertussuseqassaaq.
Angerlarsimaffik meeqqanut 8-18-inik ukiulinnut, ulloq unnuarlu angerlarsimaffimmut inissinneqarnissamik, imaluunniit perorsaanikkut tarnikkullu misissorneqarnissamik pisariaqartitsisunut atugassiaassaaq. Sullinneqartussat pisariusuussapput, tamarmik immikkut assigiinngitsunik tapersersorneqarnissamut katsorsarneqarnissamullu pisariaqartitsisuussallutik. Taamaattumik ulloq unnuarlu angerlarsimaffik meeqqat immikkut pisariaqartitaat aallaavigalugit ilusiligaassapput, aammalu sullissivinnik allanik sanaartornissamut assersuutitut sananeqassalluni.
Avatangiisitigut sinaakkusiussani pisinnaasat annertusitinnissaat, meeqqat inuusuttullu inissitat akornanni toqqissisimanerup ineriartornerullu annertusarnissaat, ilaqutariit pinaveersaartitsiffiusumik sullinneqarnerinik nukittorsaanissaq, ikaarsaarfinnut ajornakusoortunut tapersersuinissaq aammalu suliatigut pisinnaasat immikkullu ilisimasassat annertusarnissaat aallaavigineqarput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Meeqqanut, Inuusuttunut, Ilinniartitaanermut, Kulturimut, Timersornermut Ilageeqarnermullu Naalakkersuisoq Aqqaluaq B. Egede oqarpoq:
”Ulloq unnuarlu angerlarsimaffeqarneq artorsarfiuvoq, aammalu meeqqat ulloq unnuarlu angerlarsimaffinnut inissinneqartartut amerliartortut takusinnaavarput. Meeqqanut tarnimikkut erloqissutilinnut ulloq unnuarlu angerlarsimaffiup Nuummiittussap sananeqarneratigut ulloq unnuarlu angerlarsimaffinni pisinnaasat amerlissapput. Ulloq unnuarlu angerlarsimaffik ullutsinni avatangiisinut sinaakkutissanut atortunullu, meeqqat inuusuttullu inissitat ulluinnarni toqqissisimanissaannik, isumannaatsuunissaannik perorsaanermillu pingaartitsiffiusunut qitiusussanut assersuutitut sananeqassaaq.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Nuannaarutigaara, Nuummi ulloq unnuarlu angerlarsimaffissap nutaap suliarineqarnissaa maanna aallartissinnaalermat. Suliassaq pisariusoq, avatangiisitigut sinaakkutissanik, meeqqat immikkut pisariaqartitaannut naleqqussakkanik pitsaasunik pilersitsinissamik annertuumik pingaartitsiffiusoq matumani pineqarpoq. Ulloq unnuarlu angerlarsimaffik nutaaq meeqqat toqqissisimasumik peroriartornissaannut iluaqutaassasoq neriuutigaara.”
Meeqqanut tarnimikkut erloqissutilinnut angerlarsimaffik Nuummiittussaq ulloq unnuarlu inissitanut 20-nut, immikkoortortanut pingasunut agguagaasunut imaqassaaq, kiisalu allaffissornermut aammalu sammisaqartitsinermut ilinniartitsinermullu immikkoortortaqassalluni. Ulloq unnuarlu angerlarsimaffik Nuummi Mannguanut, Nuussuup aqqutaata kitaaniittumut inissinneqassaaq. Illut illunut avatangiisunut naleqqussarneqassapput, taamaalillunilu ulloq unnuarlu angerlarsimaffik inissiaqarfiup ilaatut isikkulerneqassalluni. Tamarmiulluni 1.300 m²-it missaannik annertussuseqassaaq.
Angerlarsimaffik meeqqanut 8-18-inik ukiulinnut, ulloq unnuarlu angerlarsimaffimmut inissinneqarnissamik, imaluunniit perorsaanikkut tarnikkullu misissorneqarnissamik pisariaqartitsisunut atugassiaassaaq. Sullinneqartussat pisariusuussapput, tamarmik immikkut assigiinngitsunik tapersersorneqarnissamut katsorsarneqarnissamullu pisariaqartitsisuussallutik. Taamaattumik ulloq unnuarlu angerlarsimaffik meeqqat immikkut pisariaqartitaat aallaavigalugit ilusiligaassapput, aammalu sullissivinnik allanik sanaartornissamut assersuutitut sananeqassalluni.
Avatangiisitigut sinaakkusiussani pisinnaasat annertusitinnissaat, meeqqat inuusuttullu inissitat akornanni toqqissisimanerup ineriartornerullu annertusarnissaat, ilaqutariit pinaveersaartitsiffiusumik sullinneqarnerinik nukittorsaanissaq, ikaarsaarfinnut ajornakusoortunut tapersersuinissaq aammalu suliatigut pisinnaasat immikkullu ilisimasassat annertusarnissaat aallaavigineqarput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl