AtuartigukNaalakkersuisut inuussutissarsiortunit oqariartuutigineqartut pingaartillugit tusarnaarpaat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naalakkersuisut piffissami 24. april - 5. juni 2024 tamanut ammasumik tusarniaassutigalugu nassiuppaat Takornariartitsinermut, sumiiffinni nunami aalajangersimasuni zonenut agguaasarneq il.il. inuussutissarsiutigalugu ingerlatsinermi aammalu killeqartumik sumiiffiit ilaanni angalaarsinnaaneq pillugit Inatsisartut inatsisissaattut siunnersuut.
Siunnersuut nunatsinni inuussutissarsiortunik annertuumik soqutiginninnermik peqataajumanermillu pilersitsivoq, Naalakkersuisoqarfiullu tusarniaanermit akissutit amerlasuut tigusimavai. Tusarniaanermi akissutigineqartut maanna suliamut ilanngussorneqarput. Tusarniaanermilu akissutit tusarniaasarnermut quppersakkami atuarneqarsinnaalerput.
Piffissami tusarniaavigineqartumi akissutit tunniunneqartut kinguneraat inatsisissatut siunnersuummi allannguuteqartitsinerit, ilaatigut aamma akuersissuteqartarnermik aaqqissuussinermi killiliussanik ersarissaanerit aamma piginnittut najugaqartuunissaannik piumasaqaatini. Naalakkersuisut tusarniaavigineqartut isummersuutaat pingaartillugillu ilumoorummatigit aalajangertoqarpoq siunnersuut allannguuteqartinneqartoq ilassutitut tusarniaassutigineqassasoq. Piffissaq ilassutitut tusarniaavigineqartussaq tassaassaaq 2. julimiit 16. juli ilanngullugu, taamalu siunnersuut Inatsisartut ukiakkut ataatsimiinneranni 2024-mi saqqummiunneqassalluni.
Inuussutissarsiornermut, Niunermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq tamatumunnga atatillugu imatut oqaaseqarpoq:
”Aatsaat siullermeerluta takornariartitsinermi killiliussamik inatsimmik pilersitsilerpugut, taamaattumillu pingaaruteqarpoq aallaqqaataaniilli eqqortumik aallariarnissarput. Ataatsimeeqateqartoqartarsimavoq 20-it missaannik illuatungiusunik inuussutissarsiummik ilisimasaqarnerpaasunik, piffissap tusarniaavigineqartup saniatigut, taakkulu aamma naleqarluartunik suliamut tunniussaqarput. Inatsimmi siunertaasut allannguuteqanngillat. Suli Naalakkersuisut anguniagaraat inatsisikkut nukittorsarneqassasut najukkani namminermi peqataaneq aamma najuunneq, inuussutissarsiummi siuariartortitsineq, qularnaarisoqarlunilu oqimaaqatigiissumik ineriartortitsinermik, taamalu uagut inuiaqatigiittut takornariartitsinermit “uppitinneqannginnissarput” – kisiannili takornariartitsinermik iluaquteqassasugut. Neriuppunga inuussutissarsiortut naak piffissaq takornarialerinermi ulapiffiulluaraluartoq piffissaqarumaartut inatsisissatut sinnersuummik nutartikkamik aamma atuarnissaminnut.”
Annertunerusunik paasisaqarumagaanni attavigineqassaaq Naalakkersuisup allattaa - ministersekretær Jeanette L. Petersen - oqarasuaammi 34 52 06 imaluunniit mail isiin@nanoq.gl aqqutigalugu.
Siunnersuut nunatsinni inuussutissarsiortunik annertuumik soqutiginninnermik peqataajumanermillu pilersitsivoq, Naalakkersuisoqarfiullu tusarniaanermit akissutit amerlasuut tigusimavai. Tusarniaanermi akissutigineqartut maanna suliamut ilanngussorneqarput. Tusarniaanermilu akissutit tusarniaasarnermut quppersakkami atuarneqarsinnaalerput.
Piffissami tusarniaavigineqartumi akissutit tunniunneqartut kinguneraat inatsisissatut siunnersuummi allannguuteqartitsinerit, ilaatigut aamma akuersissuteqartarnermik aaqqissuussinermi killiliussanik ersarissaanerit aamma piginnittut najugaqartuunissaannik piumasaqaatini. Naalakkersuisut tusarniaavigineqartut isummersuutaat pingaartillugillu ilumoorummatigit aalajangertoqarpoq siunnersuut allannguuteqartinneqartoq ilassutitut tusarniaassutigineqassasoq. Piffissaq ilassutitut tusarniaavigineqartussaq tassaassaaq 2. julimiit 16. juli ilanngullugu, taamalu siunnersuut Inatsisartut ukiakkut ataatsimiinneranni 2024-mi saqqummiunneqassalluni.
Inuussutissarsiornermut, Niunermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq tamatumunnga atatillugu imatut oqaaseqarpoq:
”Aatsaat siullermeerluta takornariartitsinermi killiliussamik inatsimmik pilersitsilerpugut, taamaattumillu pingaaruteqarpoq aallaqqaataaniilli eqqortumik aallariarnissarput. Ataatsimeeqateqartoqartarsimavoq 20-it missaannik illuatungiusunik inuussutissarsiummik ilisimasaqarnerpaasunik, piffissap tusarniaavigineqartup saniatigut, taakkulu aamma naleqarluartunik suliamut tunniussaqarput. Inatsimmi siunertaasut allannguuteqanngillat. Suli Naalakkersuisut anguniagaraat inatsisikkut nukittorsarneqassasut najukkani namminermi peqataaneq aamma najuunneq, inuussutissarsiummi siuariartortitsineq, qularnaarisoqarlunilu oqimaaqatigiissumik ineriartortitsinermik, taamalu uagut inuiaqatigiittut takornariartitsinermit “uppitinneqannginnissarput” – kisiannili takornariartitsinermik iluaquteqassasugut. Neriuppunga inuussutissarsiortut naak piffissaq takornarialerinermi ulapiffiulluaraluartoq piffissaqarumaartut inatsisissatut sinnersuummik nutartikkamik aamma atuarnissaminnut.”
Annertunerusunik paasisaqarumagaanni attavigineqassaaq Naalakkersuisup allattaa - ministersekretær Jeanette L. Petersen - oqarasuaammi 34 52 06 imaluunniit mail isiin@nanoq.gl aqqutigalugu.