AtuartigukNaligiimmik Pinninnissaq Pillugu Aalajangiisartut nutaat pilersinneqarput
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naalakkersuisut maannakkut piukkunneqartutut inassutigineqartut aallaavigalugit Kalaallit Nunaanni Naligiimmik Pinninnissaq Pillugu Aalajangiisartunngortussanut ilaasortassanik toqqaareerput. Naligiimmik Pinninnissaq Pillugu Aalajangiisartoqalernerani innuttaasut tamarmik assigiinngisitsineq pillugu naammagittaalliuutit allaffissornikkut naammagittaalliortarfimmut suliakkiissutigisinnaalerpaat.
Naligiissitaaneq assigiinngisitsinnginnissarlu pillugit Inatsisartut inatsisaata atuutilernerani kinaluunniit inummut allamut suiaassuseq, naartuneq, meeravissiartaarneq erninermi sulinngiffeqarneq, kinguaassiutitigut sammivik, suiaassutsini kinaassuseqarneq, suiaassutsimik takutitsineq, suiaassutsit ilisarnaataat, kingoqqiffik, ammip qalipaataa, inuiaqatigiinni, inooqatigiinnermi imaluunniit inuianni pinngorfik, innarluuteqarneq, ukiut, politikkikkut isiginnittaaseq, upperisaq imaluunniit upperisaqarneq pissutigalugit assigiinngisitseqqusaanngilaq.
Naligiimmik Pinninnissaq Pillugu Aalajangiisartut inatsisip ulloq 1. juli 2024 atuutilernera aallarnerfigalugu ukiunut pingasunut toqqarneqarput. Aalajangiisartut siulittaasoqarput sisamanillu allanik ilaasortaqarlutik.
Naalakkersuisut nunatsinni eqqartuussisoq Kirsten Thomassen siulittaasutut toqqarpaat.
Naligiimmik Pinninnissaq Pillugu Aalajangiisartunut ilaasortat toqqarneqartut allat sisamat tassaapput:
• Qillaq Ilannguaq Olsen, MIO-mit, Sipineq+-imit aamma Inuit Pisinnaatitaaffiinut Siunnersuisooqatigiinnit inassutigineqartoq
• Ditte Enemark Sølbeck, MIO-mit inassutigineqartoq
• Lise Mørup Dalsgaard, Inuit Pisinnaatitaaffiinut Siunnersuisooqatigiinnit inassutigineqartoq
• Poul Erik Munk Pedersen, Ilisimatusarfimmit inassutigineqartoq
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq oqarpoq:
”Naligiimmik Pinninnissaq Pillugu Aalajangiisartoqalernerani innuttaasunut tamaginnut inuiaqatigiinni naligiinnerusumik inissisimalernissap tungaanut annertuumik alloriarpugut. Kinaluunniit assigiinngisitsivigineqassanngilaq, kisianni ajoraluartumik ilai assiginngisitsivigineqartarput. Innuttaasutut misigisimagaanni kinaassusersiorluni assigiinngisitsivigineqarluni, maannakkut suliassaq allaffissornikkut naammagittaalliortarfimmut ingerlatinneqarsinnaalerpoq. Tamanna tamaginnut naligiinnerusumik naapertuilluarnerusumillu inissisimalersitseqataassaaq. Taamaattumik nunarput tamakkerlugu iluaqutaasussamik Naligiimmik Pinninnissaq Pillugu Aalajangiisartunik suliatigut nukittuunik piginnaaneqarluartunillu Naalakkersuisut pilersitsisimasut, nalunaarutigisinnaagakku nuannaarutigaara. Kattuffiit, peqatigiiffiit suliffeqarfiillu Naligiimmik Pinninnissaq Pillugu Aalajangiisartunut ilaasortassatut piukkutaminnik inassuteqarsimasut qutsavigaakka. Ilaasortat nutaat pilluaqquakka”.
Paasissutissanik annertunerusunik piniarnermi attaveqarfigineqassaaq Naalakkersuisup allattaa Jeanette L. Petersen, jalp@nanoq.gl, tlf.: 34 52 06
Naligiissitaaneq assigiinngisitsinnginnissarlu pillugit Inatsisartut inatsisaata atuutilernerani kinaluunniit inummut allamut suiaassuseq, naartuneq, meeravissiartaarneq erninermi sulinngiffeqarneq, kinguaassiutitigut sammivik, suiaassutsini kinaassuseqarneq, suiaassutsimik takutitsineq, suiaassutsit ilisarnaataat, kingoqqiffik, ammip qalipaataa, inuiaqatigiinni, inooqatigiinnermi imaluunniit inuianni pinngorfik, innarluuteqarneq, ukiut, politikkikkut isiginnittaaseq, upperisaq imaluunniit upperisaqarneq pissutigalugit assigiinngisitseqqusaanngilaq.
Naligiimmik Pinninnissaq Pillugu Aalajangiisartut inatsisip ulloq 1. juli 2024 atuutilernera aallarnerfigalugu ukiunut pingasunut toqqarneqarput. Aalajangiisartut siulittaasoqarput sisamanillu allanik ilaasortaqarlutik.
Naalakkersuisut nunatsinni eqqartuussisoq Kirsten Thomassen siulittaasutut toqqarpaat.
Naligiimmik Pinninnissaq Pillugu Aalajangiisartunut ilaasortat toqqarneqartut allat sisamat tassaapput:
• Qillaq Ilannguaq Olsen, MIO-mit, Sipineq+-imit aamma Inuit Pisinnaatitaaffiinut Siunnersuisooqatigiinnit inassutigineqartoq
• Ditte Enemark Sølbeck, MIO-mit inassutigineqartoq
• Lise Mørup Dalsgaard, Inuit Pisinnaatitaaffiinut Siunnersuisooqatigiinnit inassutigineqartoq
• Poul Erik Munk Pedersen, Ilisimatusarfimmit inassutigineqartoq
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq oqarpoq:
”Naligiimmik Pinninnissaq Pillugu Aalajangiisartoqalernerani innuttaasunut tamaginnut inuiaqatigiinni naligiinnerusumik inissisimalernissap tungaanut annertuumik alloriarpugut. Kinaluunniit assigiinngisitsivigineqassanngilaq, kisianni ajoraluartumik ilai assiginngisitsivigineqartarput. Innuttaasutut misigisimagaanni kinaassusersiorluni assigiinngisitsivigineqarluni, maannakkut suliassaq allaffissornikkut naammagittaalliortarfimmut ingerlatinneqarsinnaalerpoq. Tamanna tamaginnut naligiinnerusumik naapertuilluarnerusumillu inissisimalersitseqataassaaq. Taamaattumik nunarput tamakkerlugu iluaqutaasussamik Naligiimmik Pinninnissaq Pillugu Aalajangiisartunik suliatigut nukittuunik piginnaaneqarluartunillu Naalakkersuisut pilersitsisimasut, nalunaarutigisinnaagakku nuannaarutigaara. Kattuffiit, peqatigiiffiit suliffeqarfiillu Naligiimmik Pinninnissaq Pillugu Aalajangiisartunut ilaasortassatut piukkutaminnik inassuteqarsimasut qutsavigaakka. Ilaasortat nutaat pilluaqquakka”.
Paasissutissanik annertunerusunik piniarnermi attaveqarfigineqassaaq Naalakkersuisup allattaa Jeanette L. Petersen, jalp@nanoq.gl, tlf.: 34 52 06