Uumasut nujuartat eqqissisimatikkit

Kalaallit Nunaanni Uumasunut Nakorsaqarfik Inuussutissalerinermullu Oqartussaaffiup (UNIO) ilisimavaa Ittoqqortoormiit eqqaanni massakkut narlumukaarpassuaqartoq, uumasullu illoqarfimmiunut qanillattortartut.
Tamanna tunngavigalugu UNIO-p erseqqissaatigissavaa uumasut nujuartat eqqissimatinneqartussaaneri qanillattoqqusaanatillu.

Taamatut erseqqissaasoqarpoq uumasut illersorneqarnissaat tunngavigalugu aamma nappaatinik inunnut tunillaassuuttunik inuit nappaateqalinnginniassammata.

Uumasunik nujuartanik tigumminnittarneq tigusaqartarnerlu Uumasunik illersuineq pillugu Inatsisartut inatsisaat nr. 25, 18. december 2003-meersoq naapertorlugu uumasunik ikiuiniarnerunngippat kiisalu uumasut piaraannik anaanaannit arsaarinninnerit uumasunik naalliutitsinertut isigineqarput inatsimmillu unioqqutitsinerulluni.

Uumasut nujuartat perlerorsinnaasarput allanilluunniit nappaateqarsinnaasarlutik inunnut tuniluussinnaasartunik. Taamaattumik tunillatsinnissaq aarleqqutigineqarsinnaammat, tamannalu pinaveersaarniarlugu uumasut tamatigut attornaveersaartariaqarpatit.

Uumasoq perlerulersimaguni qisimigut viruseqalersarpoq, taannalu kiisinermigut tunillaassutilertarpoq imaluunniit assaat ikeqarsimappata ikikkoorlugu tunillaassuussinnaasarluni.
Uumasoq tunillatsissimasoq perlerornermik nappaammik ersiuteqanngikkaluarluni sapaatip akunnerini arlalinni tunillaassuisinnaasarpoq.

Uumasut perlerortut nalinginnaasumik ilisarnaatigisarpaat:

• Tassanngaannaq saassusseriartarnertik aamma qaasoriartarneq

• Allatut pissuseqalerneri soorlu uumasunut nujuartanut allanut qunugisaaruttarnerat

• Nuakoorneq

• Takorruukkaminnik kiiseriartarnerit

• Niaqqutik pissusissarinngisaatut inissisimatittarpaat

• Tamakkiisumik ilaannakortumilluunniit nukillaarsimasarput, pingaartumik alleqqui uppataalu

Kiitissimaguit piaarnerpaamik imermik qaqorsaammillu ikit salissavat piaarnerpaamillu peqqinnissaqarfik attavigalugu. Inuit perlerornermik tunillatsissimasut katsorsarneqanngikkaangamik tunillannertik toqqutigisarpaat.

Apeqqutaasinnaasut saaffiginnissutillu uunga nassiunneqassapput:
Kalaallit Nunaanni Uumasunut Nakorsaqarfik Inuussutissalerinermullu Oqartussaqarfik
Noorlernut 4, init quleriit allersaat
3900 Nuuk
Email: uumasut@nanoq.gl
Oqarasuaat: 34 50 00