AtuartigukMeeqqat Ulluat: Meeqqat tamaasa inissaqartissavagut
Nassiussisuuvoq: Meeqqanut Inuusuttunullu Naalakkersuisoqarfik
Meeqqanik isumassuineq suliassatta pingaarnersaraat ataatsimullu akisussaaffigalutigu, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqarpoq.
Nunatsinni Meeqqat Ulluat juunip aallaqqaataani malunnartinneqarpoq. Meeqqanut ulloq pingaartuuvoq, tassani sinerissami illoqarfinni najugaqarfinnilu assigiinngitsuni aaqqissuussat sammisallu pissanganartut misiginissaannut meeqqat, ilaqutariit nalunngisallu katersuutsinneqassapput.
Uagut inuiaqatigiittut akisussaaffigaarput meeqqat ulluinnaat isumaqarluartuutinnissaat. Tamatumunnga atatillugu tulluartuuvoq Carl Schambergip taalliaa erseqqissassallugu, taanna ima nipeqartoq: “Meeqqat pinnguarsinnaatitaallutillu ilinniarsinnaatitaalik, sinnattorsinnaatitaallutillu ilusilersuisinnaatitaalik, inuusinnaatitaallutillu meeraasinnaatitaalik. Taamaallaat meeqqat toqqissisimaffigisinnaasaminni pilluarneq pilersinnaavoq, qanga oqartarnerattut.”.
Meeqqat sumi peroriartorsimanersut, kikkut ilaqutarinerai inuunerminnilu suut atugarisimanerai apeqqutaatinnagit pitsaasumik toqqissisimasumillu peroriartornissaannut pisinnaatitaaffeqarput. Meeqqap inersimasutut inuunermut ikaarsaarnissaanut peqqinnartumik ineriartornissaanut pinnguarneq, atugarissaarneq, isumassorneqarneq, pilluarneq, ineriartorneq ilinniarnerlu pingaarutilimmik tunngavissaassapput.
Iliuusissatut pilersaarutit suliniutillu aallartinneqareersut tamarmik, aamma siusissukkut suliniuteqarneq aamma ujartuilluni sulineq massakkut annertuumik ukkatarineqarluartoq eqqarsaatigissagutsigit uagut inuiaqatigiittut eqqaamassavarput angusagut tulluusimaarutigissallugit, puigornagulu suli angusassarpassuaqarnerput. Meeqqatta toqqissisimanartumiinnissaat aamma pisariaqartitaattut isumassorneqarnissaat, tapersersorneqarnissaat asanninnermillu tuniorarneqarnissaat ataatsimoorluta qulakkiissavarput.
Massakkumut suli takusarpavut meeqqat sumiginnagaasartut, meeqqat qinngasaarneqartartut, meeqqat kaaallutik innartartut, meeqqat tusaaneqanngitsut, meeqqat kinguaassiuutitigut atornerlunneqarlutillu nakuuserfigineqartartut, soorluttaaq meeraqartoq innarluutillit piffissaagallartillugu ikiorneqarnissaminnut periarfissaqartuaannanngitsut.
Meeqqat toqqissisimanartumik avatangiiseqarlutik peroriartorsimagaluarpata imaluunniit artornarnerpaamik atugaqaraluarpata meeqqanik tamanik inissaqartitsinissarput tamatsinnut atuuppoq. Sapinngisamik siusinnerpaamik peqataatitsinerpaamillu pitsaasumik toqqissisimanartumillu perorsaanissamik qulakkeerinnissinnaasunik sinaakkutinik toqqissisimanartunik pilersitsinissamut ilaqutariinnik isumassuisunillu ikiuillutalu tapersersuissaagut.
Tamanna angussavarput ilaatigut pingaarnertut suliassatut sulianik suliarinnittarnermik siunnerfeqarluta suliaqarnikkut, aamma inissiisarnernik pinaveersaartitsisumik toqqissisimasumillu peroriartortitsinissamik aamma ilaqutariit inuuneqarnissaannik tapersersuisunik piffissaagallartillugu ikiuinissamut isumalluutinik amerlanngitsunik pingaartitsinikkut.
Eqqaamallugu siunissami meeqqat pingaarnertut sakkussarigatsigit. Meeqqat ulluinnarni, ullumikkut siunissamilu aqqusaartagaannik unamminartunik pingaartitsisa.
Naalakkersuisut Meeqqat Ulluanni ullorsiorluarnissassinnik kissaappaasi.
Aqqaluaq B. Egede.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.
Nunatsinni Meeqqat Ulluat juunip aallaqqaataani malunnartinneqarpoq. Meeqqanut ulloq pingaartuuvoq, tassani sinerissami illoqarfinni najugaqarfinnilu assigiinngitsuni aaqqissuussat sammisallu pissanganartut misiginissaannut meeqqat, ilaqutariit nalunngisallu katersuutsinneqassapput.
Uagut inuiaqatigiittut akisussaaffigaarput meeqqat ulluinnaat isumaqarluartuutinnissaat. Tamatumunnga atatillugu tulluartuuvoq Carl Schambergip taalliaa erseqqissassallugu, taanna ima nipeqartoq: “Meeqqat pinnguarsinnaatitaallutillu ilinniarsinnaatitaalik, sinnattorsinnaatitaallutillu ilusilersuisinnaatitaalik, inuusinnaatitaallutillu meeraasinnaatitaalik. Taamaallaat meeqqat toqqissisimaffigisinnaasaminni pilluarneq pilersinnaavoq, qanga oqartarnerattut.”.
Meeqqat sumi peroriartorsimanersut, kikkut ilaqutarinerai inuunerminnilu suut atugarisimanerai apeqqutaatinnagit pitsaasumik toqqissisimasumillu peroriartornissaannut pisinnaatitaaffeqarput. Meeqqap inersimasutut inuunermut ikaarsaarnissaanut peqqinnartumik ineriartornissaanut pinnguarneq, atugarissaarneq, isumassorneqarneq, pilluarneq, ineriartorneq ilinniarnerlu pingaarutilimmik tunngavissaassapput.
Iliuusissatut pilersaarutit suliniutillu aallartinneqareersut tamarmik, aamma siusissukkut suliniuteqarneq aamma ujartuilluni sulineq massakkut annertuumik ukkatarineqarluartoq eqqarsaatigissagutsigit uagut inuiaqatigiittut eqqaamassavarput angusagut tulluusimaarutigissallugit, puigornagulu suli angusassarpassuaqarnerput. Meeqqatta toqqissisimanartumiinnissaat aamma pisariaqartitaattut isumassorneqarnissaat, tapersersorneqarnissaat asanninnermillu tuniorarneqarnissaat ataatsimoorluta qulakkiissavarput.
Massakkumut suli takusarpavut meeqqat sumiginnagaasartut, meeqqat qinngasaarneqartartut, meeqqat kaaallutik innartartut, meeqqat tusaaneqanngitsut, meeqqat kinguaassiuutitigut atornerlunneqarlutillu nakuuserfigineqartartut, soorluttaaq meeraqartoq innarluutillit piffissaagallartillugu ikiorneqarnissaminnut periarfissaqartuaannanngitsut.
Meeqqat toqqissisimanartumik avatangiiseqarlutik peroriartorsimagaluarpata imaluunniit artornarnerpaamik atugaqaraluarpata meeqqanik tamanik inissaqartitsinissarput tamatsinnut atuuppoq. Sapinngisamik siusinnerpaamik peqataatitsinerpaamillu pitsaasumik toqqissisimanartumillu perorsaanissamik qulakkeerinnissinnaasunik sinaakkutinik toqqissisimanartunik pilersitsinissamut ilaqutariinnik isumassuisunillu ikiuillutalu tapersersuissaagut.
Tamanna angussavarput ilaatigut pingaarnertut suliassatut sulianik suliarinnittarnermik siunnerfeqarluta suliaqarnikkut, aamma inissiisarnernik pinaveersaartitsisumik toqqissisimasumillu peroriartortitsinissamik aamma ilaqutariit inuuneqarnissaannik tapersersuisunik piffissaagallartillugu ikiuinissamut isumalluutinik amerlanngitsunik pingaartitsinikkut.
Eqqaamallugu siunissami meeqqat pingaarnertut sakkussarigatsigit. Meeqqat ulluinnarni, ullumikkut siunissamilu aqqusaartagaannik unamminartunik pingaartitsisa.
Naalakkersuisut Meeqqat Ulluanni ullorsiorluarnissassinnik kissaappaasi.
Aqqaluaq B. Egede.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.