AtuartigukImigassaq pillugu inassuteqaatit annertuumik suleqatigiissutigineqarnerinik aallarnisaaneq
Nassiussisuuvoq: Peqqissutsimut Naalakkersuisoqarfik
Peqqissutsimut Naalakkersuisoqarfiup suliassaq, sullissisut arlallit suleqatigalugit imigassaq pillugu politikkimut, ukiuni arlalinni uppernarsaatinik tunngaveqartumut inassuteqaatinik ineriartortitsinissamik siunertaqarfiusoq pillugu Kalaallit Nunaanni Innuttaasut Peqqissusiannik Ilisimatusarfik aamma WHO/Europe suleqatigiinnissamik isumaqatigiissuteqarfigai.
Imigassaq pillugu politikkimut inassuteqaatit ineriartortinniarlugit suliassat 14.-16. maajimi online-kkut aallarnisarfiusumik sammisaqartitsilluni aallartinneqarput. Tassunga Peqqissutsimut Naalakkersuisoq Agathe Fontain, Naalakkersuisoqarfiit akimorlugit aqutsisoqatigiinni ilaasortat, ataatsimiititaliaq siunnersuisartoq aamma suliassaqarfiit akimorlugit suleqatigiissitaq, inassuteqaatinik ineriartortitsilluni suliassanik isumaginnittuusussaq peqataapput.
- Siunissami imigassaq pillugu politikkimut inassuteqaatit annertuumik suleqatigiiffiusumik ingerlanneqarnissaat, aammalu inassuteqaatit paasisanik pissarsiarineqarsinnaasunik pitsaanerpaanik tunngaveqarnissaat pingaaruteqartorujussuuvoq. Ajoqutaasumik imigassamik atuineq ajornartorsiutaavoq pisariusoq, immikkoortortanut tamanut aammalu inuiaqatigiinni immikkoortunut tamanut sunniuteqartartoq. Taamaattumik ataatsimoorluta ataatsimut aaqqiissutissanik ujartuinissarput pisariaqarpoq, Peqqissutsimut Naalakkersuisoq Agathe Fontain oqarpoq nangillunilu:
- Inassuteqaatit nuna tamakkerlugu imigassaq pillugu politikkip siunnerfeqartup, siunissamut ungasissumut atuuttussap pitsaasullu aalajangiiffigineqarnissaanut tunngaviliinissaat siunertaavoq. Nunatut siunissami imatut ataatsimut siunnerfeqarfiusumik katersuussinnaanissarput neriuutigisorujussuuara: Inuiaqatigiinni toqqissisimanartuni innuttaasut nukittuut, meeqqat inuusuttullu arlaannaataluunniit imigassamit innarlerneqarfiginngisaat.
Inatsisartut Naalakkersuisunut, imigassaq pillugu politikkimut, ukiuni arlalinni uppernarsaatinik tunngaveqartumut inassuteqaatinik kingusinnerpaamik 2025-mi upernaakkut ataatsimiinnermi saqqummiusseqqullugit peqqusisuuvoq. Inassuteqaatini pingaartumik suliniutit, meeqqat ilaqutariinni aanngajaarniutinik ajornartorsiuteqarfiusuni peroriartunnginnissaannik qulakkeeriiffiusinnaasut, aamma suliniutit inooqatigiinnermi kingornuttakkanik unitsitseqataasinnaasut aallunneqassapput. Tamatuma saniatigut inassuteqaatit WHO-p imigassaq pillugu politikkimut, uppernarsaatinik tunngaveqartumut inassuteqaataanik, kiisalu Kalaallit Nunaanniit nunaniillu issittumiittunit allanit misilittakkanik uppernarsaatinillu attuumassutilinnik tunngaveqassapput.
Inuuneritta III-mi naleqqani sisamani – Inuuneritta III – 2020-2030 meeqqat inuunerinnissaat pillugu suleqatigiinnissamut Naalakkersuisut periusissiaanni suliaq suliniutitut aallartinneqarpoq. Meeqqat tamarmik pitsaasumik toqqissisimasumillu peroriartornissaat naleqqani sisamani pineqarpoq, tassani nakuuserfigineqarnermut kannguttaatsuliorfigineqarnermullu illersorneqarput aammalu aanngajaarniutinit tupanillu innarlerneqassanatik.
Imigassaq pillugu innersuussutit suliarineqarnerini Peqqissutsimut Naalakkersuisoqarfiup Kalaallit Nunaanni Innuttaasut Peqqissusiannik Ilisimatusarfik aamma WHO/Europe qanittumik suleqatigai. Inassuteqaatit ineriartortinneqarnerini naalakkersuisoqarfiit immikkoortortaqarfiillu allat annertuumik suleqatigineqarput, tassanilu sullissisut attuumassutillit tamarmik, taakkununngalu pingaartumik innuttaasut kommunillu ilanngullugit, akuutinneqarnissaannik qulakkeernissaq siunertarineqarpoq.
WHO/Europe tassaavoq Nunarsuarmi Peqqissuseq pillugu Suliniaqatigiiffik (World Health Organisation) Europap Immikkoortua, taannalu WHO-mi nunarsuup immikkoortuanut immikkoortortaqarfiuvoq, Europami peqqissuseq pillugu apeqqutinik aallussisuusoq.
Imigassaq pillugu politikkimut, ukiuni arlalinni uppernarsaatinik tunngaveqartumut inassuteqaatit suliarineqarnissaannut malitassat
Annertunerusumik paasisaqarusunnermi naalakkersuisup allattaa Birgithe Heinrich e-mail: bihe@nanoq.gl aqqutigalugu imaluunniit tlf: +299 34 66 17-imut attaveqarfigineqarsinnaavoq.
Imigassaq pillugu politikkimut inassuteqaatit ineriartortinniarlugit suliassat 14.-16. maajimi online-kkut aallarnisarfiusumik sammisaqartitsilluni aallartinneqarput. Tassunga Peqqissutsimut Naalakkersuisoq Agathe Fontain, Naalakkersuisoqarfiit akimorlugit aqutsisoqatigiinni ilaasortat, ataatsimiititaliaq siunnersuisartoq aamma suliassaqarfiit akimorlugit suleqatigiissitaq, inassuteqaatinik ineriartortitsilluni suliassanik isumaginnittuusussaq peqataapput.
- Siunissami imigassaq pillugu politikkimut inassuteqaatit annertuumik suleqatigiiffiusumik ingerlanneqarnissaat, aammalu inassuteqaatit paasisanik pissarsiarineqarsinnaasunik pitsaanerpaanik tunngaveqarnissaat pingaaruteqartorujussuuvoq. Ajoqutaasumik imigassamik atuineq ajornartorsiutaavoq pisariusoq, immikkoortortanut tamanut aammalu inuiaqatigiinni immikkoortunut tamanut sunniuteqartartoq. Taamaattumik ataatsimoorluta ataatsimut aaqqiissutissanik ujartuinissarput pisariaqarpoq, Peqqissutsimut Naalakkersuisoq Agathe Fontain oqarpoq nangillunilu:
- Inassuteqaatit nuna tamakkerlugu imigassaq pillugu politikkip siunnerfeqartup, siunissamut ungasissumut atuuttussap pitsaasullu aalajangiiffigineqarnissaanut tunngaviliinissaat siunertaavoq. Nunatut siunissami imatut ataatsimut siunnerfeqarfiusumik katersuussinnaanissarput neriuutigisorujussuuara: Inuiaqatigiinni toqqissisimanartuni innuttaasut nukittuut, meeqqat inuusuttullu arlaannaataluunniit imigassamit innarlerneqarfiginngisaat.
Inatsisartut Naalakkersuisunut, imigassaq pillugu politikkimut, ukiuni arlalinni uppernarsaatinik tunngaveqartumut inassuteqaatinik kingusinnerpaamik 2025-mi upernaakkut ataatsimiinnermi saqqummiusseqqullugit peqqusisuuvoq. Inassuteqaatini pingaartumik suliniutit, meeqqat ilaqutariinni aanngajaarniutinik ajornartorsiuteqarfiusuni peroriartunnginnissaannik qulakkeeriiffiusinnaasut, aamma suliniutit inooqatigiinnermi kingornuttakkanik unitsitseqataasinnaasut aallunneqassapput. Tamatuma saniatigut inassuteqaatit WHO-p imigassaq pillugu politikkimut, uppernarsaatinik tunngaveqartumut inassuteqaataanik, kiisalu Kalaallit Nunaanniit nunaniillu issittumiittunit allanit misilittakkanik uppernarsaatinillu attuumassutilinnik tunngaveqassapput.
Inuuneritta III-mi naleqqani sisamani – Inuuneritta III – 2020-2030 meeqqat inuunerinnissaat pillugu suleqatigiinnissamut Naalakkersuisut periusissiaanni suliaq suliniutitut aallartinneqarpoq. Meeqqat tamarmik pitsaasumik toqqissisimasumillu peroriartornissaat naleqqani sisamani pineqarpoq, tassani nakuuserfigineqarnermut kannguttaatsuliorfigineqarnermullu illersorneqarput aammalu aanngajaarniutinit tupanillu innarlerneqassanatik.
Imigassaq pillugu innersuussutit suliarineqarnerini Peqqissutsimut Naalakkersuisoqarfiup Kalaallit Nunaanni Innuttaasut Peqqissusiannik Ilisimatusarfik aamma WHO/Europe qanittumik suleqatigai. Inassuteqaatit ineriartortinneqarnerini naalakkersuisoqarfiit immikkoortortaqarfiillu allat annertuumik suleqatigineqarput, tassanilu sullissisut attuumassutillit tamarmik, taakkununngalu pingaartumik innuttaasut kommunillu ilanngullugit, akuutinneqarnissaannik qulakkeernissaq siunertarineqarpoq.
WHO/Europe tassaavoq Nunarsuarmi Peqqissuseq pillugu Suliniaqatigiiffik (World Health Organisation) Europap Immikkoortua, taannalu WHO-mi nunarsuup immikkoortuanut immikkoortortaqarfiuvoq, Europami peqqissuseq pillugu apeqqutinik aallussisuusoq.
Imigassaq pillugu politikkimut, ukiuni arlalinni uppernarsaatinik tunngaveqartumut inassuteqaatit suliarineqarnissaannut malitassat
Annertunerusumik paasisaqarusunnermi naalakkersuisup allattaa Birgithe Heinrich e-mail: bihe@nanoq.gl aqqutigalugu imaluunniit tlf: +299 34 66 17-imut attaveqarfigineqarsinnaavoq.