AtuartigukKitaani misileraalluni saarullinniarnissani tunngavigineqartussat piumasaqaatillu aamma atugassarititat peqataanissamullu qinnuteqaqqusissutit
Nassiussisuuvoq: Aalisarnermut Piniarnermullu Naalakkersuisoqarfik
Kitaani misileraalluni saarullinniarnissat aalajangersimasunik atugassaqartitsiffiunngitsut Naalakkersuisunit ukiup aallartinnerani akuerineqarput. Tamatuma malitsigisaanik Aalisarnermut Piniarnermullu Naalakkersuisoqarfiup Pinngortitaleriffik suleqatigalugu tunngavigineqartussat piumasaqaatillu aamma atugassarititassat aalajangersarsimavai. Tunngavigineqartussat piumasaqaatillu aamma atugassarititat maanna aalajangersarneqarsimalerput misileraallunilu aalisarneq pillugu allaaserisami atuarneqarsinnaallutik UANI
Misileraalluni aalisarnissani immikkut piumasaqaatit ilaat Naalakkersuisoqarfimmit erseqqissumik saqqummiukkusunneqarput. Imartani sumiiffinni NAFO-mik ilisarnaasikkani pingasuusuni misileraaffigineqartussani sumiiffiit ilaat ataasiinnaq marlulluunniit kisiisa misileraaffiginissaanut qinnuteqartoqarsinnaanngilaq. Pisassat peqataasussat akornanni ajornanngippat assigiimmik agguaanneqassapput imartanilu NAFO-mik ilisarnaasikkani ataasiakkaani qinnuteqartut akuerineqarsimasut pisassaminnik tunineqassallutik.
Naalakkersuisoqarfiup erseqqissaatigissavaattaaq peqataasut ilisimatuussutsikkut atugassanik misiliutissanik tigusisarnissamik aamma Pinngortitaleriffimmut aalisakkanik ilivitsunik nassitsisarnissamik piumasaqaat malittussaammassuk. 2023-mi misileraanermit milittakkat naapertorlugit misiliutissanik tigusisarnissamik ilitsersuutit maleqqissaarneqarsimanngillat, tamannalu misileraalluni aalisarnerup ingerlasimaneranik nalilersuinermi ajornakusoortitsivoq. Ilisimatuussutsikkut misissugassanik misiliutissanik tigusisarneq misileraanermi tunngaviit pingaarnersaraat, taamaattumillu misiliutissat tamarmik pimoorullugit naammassineqartassapput, nalunaarsorneqartassapput nalunaaqqutserneqarlutillu misiliutissanillu tigusisarnissanut ilitsersuut akuersissummut ilanngullugu nassiunneqarsimasoq naapertorlugu Pinngortitaleriffimmut nassiunneqarlutik. Tamanna akuersissuteqarnermut atatillugu piumasaqaataammat 2024-mi misiliutissanik tigusisarnissat 2025-mi misileraanerit ingerlanneqassappata tassani qinnuteqartut aallaavigalugit ingerlanneqassapput.
2024-mi misileraalluni aalisarnissani peqataanissamut qinnuteqarusuttut qinnuteqarfissaq Sullissivik-miittoq aqqutigalugu qinnuteqarsinnaapput, linki una atorlugu:
Ulloq qinnuteqarfissaq kingulleq tassaavoq: 29/05/2024
Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk , apn@nanoq.gl.
______________________________________________________________________________
Ilisimatitsissutit: Misileraalluni aalisarnissani atugassarititat suliarineqarneri pillugit Pinngortitaleriffimmit ilisimatitsissutit makkuusut Aalisarnermut Piniarnermullu Naalakkersuisoqarfimmit ingerlateqqikkusunneqarput:
Saarullinniarnermi DNA atorlugu misissueqqissaartarnerit peqassutsinut tunngatillugu Pinngortitaleriffiup nalilersuisarnerini pingaarnerpaapput, Pinngortitaleriffillu naapertorlugu tamakku misissoqqissaarneqartarnissaat akissaqartinneqanngilaq. Misissoqqissaagassat misissorneqartarnissaanut ingerlatseqatigiiffiit peqataasinnaanerat Pinngortitaleriffimmit ujartorneqarpoq. Pinngortitaleriffiup ingerlatseqatigiiffinnit peqataasunit misissueqqissaarnissamut aningaasanik tapiissuteqarnissaat ujartorpaa.
Ingerlatseqatigiiffiit aningaasaleeqataassutissaat misileraanermi peqataanermut sanilliullugu amerlagisassaanngillat. Pinngortitaleriffiup nalunaarutigaa sumiiffinni NAFO-mik ilisarnaatilinni ataasiakkaani misiliutissat amerlanerpaamik 200-ussasut misissugassallu ataatsip misissorneqarnera 200 koruunit missaannik akeqartoq.
Annertunerusumik paasisaqarusukkuit Pinngortitaleriffimmut saaffiginnigit, fisk-afdeling@natur.gl
Misileraalluni aalisarnissani immikkut piumasaqaatit ilaat Naalakkersuisoqarfimmit erseqqissumik saqqummiukkusunneqarput. Imartani sumiiffinni NAFO-mik ilisarnaasikkani pingasuusuni misileraaffigineqartussani sumiiffiit ilaat ataasiinnaq marlulluunniit kisiisa misileraaffiginissaanut qinnuteqartoqarsinnaanngilaq. Pisassat peqataasussat akornanni ajornanngippat assigiimmik agguaanneqassapput imartanilu NAFO-mik ilisarnaasikkani ataasiakkaani qinnuteqartut akuerineqarsimasut pisassaminnik tunineqassallutik.
Naalakkersuisoqarfiup erseqqissaatigissavaattaaq peqataasut ilisimatuussutsikkut atugassanik misiliutissanik tigusisarnissamik aamma Pinngortitaleriffimmut aalisakkanik ilivitsunik nassitsisarnissamik piumasaqaat malittussaammassuk. 2023-mi misileraanermit milittakkat naapertorlugit misiliutissanik tigusisarnissamik ilitsersuutit maleqqissaarneqarsimanngillat, tamannalu misileraalluni aalisarnerup ingerlasimaneranik nalilersuinermi ajornakusoortitsivoq. Ilisimatuussutsikkut misissugassanik misiliutissanik tigusisarneq misileraanermi tunngaviit pingaarnersaraat, taamaattumillu misiliutissat tamarmik pimoorullugit naammassineqartassapput, nalunaarsorneqartassapput nalunaaqqutserneqarlutillu misiliutissanillu tigusisarnissanut ilitsersuut akuersissummut ilanngullugu nassiunneqarsimasoq naapertorlugu Pinngortitaleriffimmut nassiunneqarlutik. Tamanna akuersissuteqarnermut atatillugu piumasaqaataammat 2024-mi misiliutissanik tigusisarnissat 2025-mi misileraanerit ingerlanneqassappata tassani qinnuteqartut aallaavigalugit ingerlanneqassapput.
2024-mi misileraalluni aalisarnissani peqataanissamut qinnuteqarusuttut qinnuteqarfissaq Sullissivik-miittoq aqqutigalugu qinnuteqarsinnaapput, linki una atorlugu:
Ulloq qinnuteqarfissaq kingulleq tassaavoq: 29/05/2024
Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk , apn@nanoq.gl.
______________________________________________________________________________
Ilisimatitsissutit: Misileraalluni aalisarnissani atugassarititat suliarineqarneri pillugit Pinngortitaleriffimmit ilisimatitsissutit makkuusut Aalisarnermut Piniarnermullu Naalakkersuisoqarfimmit ingerlateqqikkusunneqarput:
Saarullinniarnermi DNA atorlugu misissueqqissaartarnerit peqassutsinut tunngatillugu Pinngortitaleriffiup nalilersuisarnerini pingaarnerpaapput, Pinngortitaleriffillu naapertorlugu tamakku misissoqqissaarneqartarnissaat akissaqartinneqanngilaq. Misissoqqissaagassat misissorneqartarnissaanut ingerlatseqatigiiffiit peqataasinnaanerat Pinngortitaleriffimmit ujartorneqarpoq. Pinngortitaleriffiup ingerlatseqatigiiffinnit peqataasunit misissueqqissaarnissamut aningaasanik tapiissuteqarnissaat ujartorpaa.
Ingerlatseqatigiiffiit aningaasaleeqataassutissaat misileraanermi peqataanermut sanilliullugu amerlagisassaanngillat. Pinngortitaleriffiup nalunaarutigaa sumiiffinni NAFO-mik ilisarnaatilinni ataasiakkaani misiliutissat amerlanerpaamik 200-ussasut misissugassallu ataatsip misissorneqarnera 200 koruunit missaannik akeqartoq.
Annertunerusumik paasisaqarusukkuit Pinngortitaleriffimmut saaffiginnigit, fisk-afdeling@natur.gl