Piginnittuuneq pillugu politiki: Ukiumoortumik naliliinissaq qaammammi uani pissaaq

Sermitsiaq.Ag ataasinngornermi ulloq 4. martsimi saqqummiussaqarpoq ima qulequtserlugu ”Demokraatit: Piginnittuuneq pillugu politiki nutaaq quiasaarutaavoq".

Saqqummiussaq eqqortuunngimmat Naalakkersuisut ima erseqqissaateqassapput:

Piginnittuuneq pillugu politikki ulloq 28. marts 2023-mi atsiorneqarpoq, naallu tusagassiortoq allakkaluartoq ukiut pingasut ingerlasimasut aamma piginnittuuneq pillugu politikki suli piareersimanngitsoq.

Isumaqatigiissuteqartartunit isumaqatigiissutaavoq ukiumut ataasiarluni killiffissiuisoqartassasoq kiisalu isumaqatigiissut ukiut tallimat qaangiunnerani nalilersorneqassasoq. Tamanna ersarilluinnartumik isumaqatigiissummi atuarneqarsinnaavoq.

Isumaqatigiissutip atsiorneqarneranit suli ukioq ataaseq qaangiutinngilaq aamma Naalakkersuisut isumaqatigiissutaareersoq naapertorlugu qaammat una ukiumoortumik nalilersuissapput.

Tamakku tamarmik ataani piginnittuunermut politikkimi atuarneqarsinnaapput:

aftale-om-ejerskabspolitik-kal---ny.pdf (naalakkersuisut.gl)

Taamatuttaarlu pilersaarut qulaani isumaqatigiissut naapertorlugu politikki 2024-p ingerlanerani atuutsilersinneqartussaavoq.

”Suliassat pillugit tabeli" Aningaasanut inatsimmit peerneqarsimammat eqqorpoq, kisiannili piginneqatigiiffinni iluanaarutissatut anguniakkat, aningaasaatit aaqqissuunneqarnerat aamma iluanaarutinit agguagassarsiat pillugit politikki nalunaarusiami ersarinnerujussuarmik nassuiaammik peqarpoq, taanna Naalakkersuisut nittartagaanni tamanut saqqummiunneqarsimalluni, saqqummiussissut uani takuuk: kal2023regoerelse-til-inatsisartut.pdf (naalakkersuisut.gl)

Tamatuma saniatigut Inatsisartuni ilaasortat tamarmik nalunaarusiaq pissarsiarisimavaat.

Tusagassiortup saqqummiussaa Naalakkersuisunut saqqummiunneqanngilaq.

Sukumiinerusumik paasisaqarusukkaanni Siulittaasoqarfik attavigineqarsinnaavoq, govsec@nanoq.gl, 345000.