AtuartigukKalaallit Nunaanni Uumasunut Nakorsaqarfik Inuussutissalerinermullu Oqartussaaffik: Raajat igitat nerineqassanngillat
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik (UNIO) Royal Greenlandimit februaarip 20-anni 2024-mi saaffigineqarpoq nalunaarluni Ilulissani containerimut eqqaavigisartakkaminni raajat kasiilerneqarsimasut, iginneqarsimasut tillinneqarsimasut, taakkulu Facebookikkut inunnut assigiinngitsunut tuniniarneqarsimasut.
Royal Greenland Facebookikkut nalunaaruteqarpoq raajat tillinneqarsimasut nerisassatut naatsorsuutigineqarsinnaanngitsut, mianersoqqusillunilu tuniniarneqartut pisiarineqassanngitsut nerineqassanngitsullu.
UNIO Royal Greenlandip nalunaarutaa matumuuna mianersoqqutigalugu ingerlateqqippaa raajat kasiilerneqarsimasut pisiarineqaratillu nerineqassanngitsut.
Namminersornerullutik Oqartussat suliffeqarfiit inuussutissaleriffiusut pillugit nalunaarutaat naapertorlugu inuussutissat tunineqarsinnaanngillat allanulluunniit ingerlateqqinneqarsinnaanngillat nappaateqalersitsisinnaappata, toqunartoqarpata, imaluunniit inuussutissaq nappaammik allannguuteqarpat, ajortunnguussimappat, mingutsinneqarsimappat, kukkusumik nerisassiarineqarsimappat, imaluunniit allamik pissuteqartumik inunnit nerineqarsinnaanngippat inuussutissaq nerisassiarineqassanngilaq.
Tamanna aamma nerisassianut, soorlu raajat kasiilikkanut atuuppoq, nerisassatut naleqqutinngimmata.
Royal Greenland ilisimatitsivoq attaveqatigiinnermut pisortaq Merete Lindstrøm paasissutissanik amerlanernik uunga saaffigalugu pisoqarsinnaavoq: meli@royalgreenland.com
Sukumiinerusumik paasisaqarusukkaanni Uumasunut Nakorsaqarfik Inuussutissalerinermullu Oqartussaaffimmut saaffiginnittoqarsinnaavoq, e-mail: uumasut@nanoq.gl