AtuartigukRoyal Arctic Linep Qaanaaq, Ittoqqortoormiillu tikinnerusalerniarpaat, Atlantikorlu ikaarlugu pajuttaat sisamanngornikkut Nuummut tikittalissalluni
Nassiussisuuvoq: Aningaasaqarnermut Akileraartarnermullu Naalakkersuisoqarfik
Royal Arctic Linep Qaanaaq, Ittoqqortoormiillu tikinnerusalissagaat, qangaaniilli Naalakkersuisunit kissaatigineqarpoq. Royal Arctic Linep Qaanaamut, Ittoqqortoormiinullu ukiup ingerlanerani tikittarnini ataatsimik ilaniarmagit, tamanna 2024-mi pisussanngorpoq. Aningaasaqarnermut Akileraartarnermullu Naalakkersuisoq Erik Jensen ima oqaaseqarpoq:
”Royal Arctic Line-p Qaanaamut, Ittoqqortoormiinullu ukiumut marloriaannarani, pingasoriarlunili tikittalertussaanermigut Qaanaami, Ittoqqortoormiinilu innuttaasunut usinik assartuisarnerminik ukioq manna pitsanngorsaaniarmat nuannaarutigingaarpara. Tassunga tunngatillugu silap pissusiata allanngoriartornera, Kalaallit Nunaanni aamma inoqarfiit allat ilanngullugit angallaviginninnermik suli pitsaanerulersitsissanersoq ataavartumik nakkutigissallugu Naalakkersuisunut pingaaruteqarpoq.”
Taassumap saniatigut Erik Jensen ima oqaaseqarpoq:
”Illoqarfiit pingaarnersaanni niuertarfiit sapaatip akunnerata naanissaa sioqqullugu nioqqutissanik tigusisarnissaat qulakkeernerusussanngorlugu, usinik tunniussisarnermut naleqqunnerulersillugu atlantikoq ikaarlugu pajuttaatip tikittarnera aaqqissuunneqarsinnaammat aamma naammagisimaarpara.”
Sapaatip akunnerata naanera sioqqullugu nioqqutissanik tunniussisarnissaq qulakkeerumallugu, Atlantikoq ikaarlugu pajuttaat sisamanngornikkut Nuummut tikittartussanngussaaq. Tamanna niuertarfiit sivitsortumik kissaatiginikuuaat, tamannalu angalanermut pilersaarummi pingaarnermi eqqumaffigineqarsimammat Naalakkersuisut nuannaarutigaat.
Kalaallit Nunaannut, Kalaallit Nunaanniillu pitsaanerpaamik usinik assartueriaasissap oqaloqatigiissutigineqarnissaanut, piffissami aggersumi inuussutissarsiornermi soqutigisaqaqatigiit Naalakkersuisut aggersassamaarpaat.
Annertunerusumik paasisaqarusunnermi Aningaasaqarnermut Akileraartarnermullu Naalakkersuisoqarfik attaveqarfigineqassaaq, uunga oed@nanoq.gl
”Royal Arctic Line-p Qaanaamut, Ittoqqortoormiinullu ukiumut marloriaannarani, pingasoriarlunili tikittalertussaanermigut Qaanaami, Ittoqqortoormiinilu innuttaasunut usinik assartuisarnerminik ukioq manna pitsanngorsaaniarmat nuannaarutigingaarpara. Tassunga tunngatillugu silap pissusiata allanngoriartornera, Kalaallit Nunaanni aamma inoqarfiit allat ilanngullugit angallaviginninnermik suli pitsaanerulersitsissanersoq ataavartumik nakkutigissallugu Naalakkersuisunut pingaaruteqarpoq.”
Taassumap saniatigut Erik Jensen ima oqaaseqarpoq:
”Illoqarfiit pingaarnersaanni niuertarfiit sapaatip akunnerata naanissaa sioqqullugu nioqqutissanik tigusisarnissaat qulakkeernerusussanngorlugu, usinik tunniussisarnermut naleqqunnerulersillugu atlantikoq ikaarlugu pajuttaatip tikittarnera aaqqissuunneqarsinnaammat aamma naammagisimaarpara.”
Sapaatip akunnerata naanera sioqqullugu nioqqutissanik tunniussisarnissaq qulakkeerumallugu, Atlantikoq ikaarlugu pajuttaat sisamanngornikkut Nuummut tikittartussanngussaaq. Tamanna niuertarfiit sivitsortumik kissaatiginikuuaat, tamannalu angalanermut pilersaarummi pingaarnermi eqqumaffigineqarsimammat Naalakkersuisut nuannaarutigaat.
Kalaallit Nunaannut, Kalaallit Nunaanniillu pitsaanerpaamik usinik assartueriaasissap oqaloqatigiissutigineqarnissaanut, piffissami aggersumi inuussutissarsiornermi soqutigisaqaqatigiit Naalakkersuisut aggersassamaarpaat.
Annertunerusumik paasisaqarusunnermi Aningaasaqarnermut Akileraartarnermullu Naalakkersuisoqarfik attaveqarfigineqassaaq, uunga oed@nanoq.gl