AtuartigukNaalakkersuisut nunatsinni kommuninut tamanut eqqagassalerinermut immikkut ittumik tapiissuteqassapput
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund aalajangerpoq, nunatsinni kommunit tamarmik 2024-mi aamma 2025-mi 3 millionit koruunit tikillugit (ukiuni tulleriinni taak-kunani kommunit katillugit 15 millioner koruuninik) eqqagassalerinermut im-mikkut ittumik tapiiffigineqarsinnaasut.
Nunalerinermut, Imminut Pilersornermut, Nukissiutinut Avatangiisinullu Naa-lakkersuisoq Kalistat Lund qaammatini kingullerni nunatsinni kommuninut tama-nut tikeraaqattaarsimavoq. Kommunit ataatsimeeqatigineqarnerini 2024-2025-mi kommunit tamarmik immikkut kommunini eqqagassalerinermik pitsanngor-saanissamut 3 millioner koruunit tikillugit Avatangiisinut Aningaasaateqarfimmit tapiiffigineqarsinnaasut ilisimatinneqarput. Immikkut ittumik aningaasanik im-mikkoortitsinermi kommunit eqqagassalerinermi suliniutaannut ingerlasunut taperserneqarnissaat, kiisalu suliat ineriartortitsiviusut aqqutigalugit pitsaasumik ineriartortitsinissamut ikiorneqarnissaat siunertarineqarpoq.
”Eqqagassalerinerup akisussaassusilimmik pitsaasumillu ingerlanneqar-nissaa peqqinnissatta, peqqissutsitta avatangiisittalu pigiinnarnissaannut pitsanngorsarnissaannullu pingaaruteqarpoq. Eqqagassalerinerup pitsaasuunissaa iluatsinniarlugu Naalakkersuisuniit kommuninut pilersi-tsiviusumik qanittumillu oqaloqateqarnerput ingerlatiinnarusupparput. Kisiannili aamma kommunit nunatsinni eqqakkanik ajornartorsiuteqar-nermik aaqqiissutissanik naapertuunnerpaanik nassaarniarnerinut aningaasaqarnikkut tapersiiffigerusuppagut. Tamatumani innuttaasuni peqqinnissaq toqqissisimanissarlu eqqarsaatigalugit, kisiannili aamma avatangiiserput paariniarlugu”, Nunalerinermut, Imminut Pilersorner-mut, Nukissiutinut Avatangiisinullu Naalakkersuisoq Kalistat Lund oqar-poq nangillunilu:
”Ersarissumik paasivara – tamannalu ataatsimiinnerni pimoorussiviusuni ersarinneruliinnarpoq – kommunini najugaqarfinni tamani eqqagassa-lerinermik pitsannguinissaq annertuumik pingaartinneqartoq. Kisiannili aamma nassuerutigisariaqarparput, nunatsinni sumiiffinni arlalinni na-jukkani eqqagassalerinerit suli unammillernartoqartinneqartut. Taamaat-tumik kommunit suliassanut, kommuniniit immikkut ittumik tapiiffigineqar-tussatut kissaatigineqartunut qinnuteqaatinik nassiussinissaat qilanaa-raara”, Naalakkersuisoq Kalistat Lund oqarpoq.
ESANI-mut ilaasortaaneq apeqqutaatinnagu immikkut ittumik tapiissute-qartoqassaaq
Kommuni ESANI A/S-imut ilaasortaanersoq ilaasortaannginnersorluunniit apeqqutaatinnagu kommunit tamarmik immikkut ittumik tapiiffigineqassapput. Avatangiisinut Aningaasaateqarfimmiit kommunit ingerlatsinerinut tapiisoqarneq ajormat aningaasaliissutit ineriartortitsinermi suliniutinut sammitinneqassapput.
”Erseqqissassallugu pingaartippara, immikkut tapiissutit kommuninut ta-manut tunniunneqartussaammata – aamma naak ESANI A/S-ip avataa-niikkaluarpata. Kisiannili suli isumaqarpunga – aningaasaqarneq ava-tangiisillu eqqarsaatigalugit – kommunit tamarmik nuna tamakkerlugu eqqagassalerinermut peqataallutik suleqatigiippata, eqqakkallu nuna tamakkerlugu ikuallaavinni ikuallanneqartarpata aaqqiissutissani pitsaa-nerpaassasoq. Neriuppunga, aammalu naatsorsuutigaara, ukiunut mar-lunnut tulliuttunut immikkut ittumik tapiissutit najukkani eqqagassa-lerinermi unammilligassat ilaannut iluaqutaajumaartut” Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund naggasiivoq.
Immikkut ittumik tapiissuteqarnermut tunuliaqutaasoq
Naalakkersuisuni ikuallaasarnermi aaqqiissutissanik ataatsimoortunik pilersi-tsinissamik anguniagaqarnermi angusaqartoqangaatsiarpoq. Ukiut arlallit ingerla-nerini Naalakkersuisut Avatangiisinut Aningaasaaseqarfik aqqutigalugu eqqagas-salerinermi ineriartornermut tapiisarsimapput. Nuna tamakkerlugu ikuallaave-qarnikkut aaqqiissutissaq nutaaq tapiisarnermut tamatumunnga assersuutissaavoq.
Tamatuma saniatigut assartuussinermi sulianut arlalinnut tapiissuteqartoqarsima-voq, tassanilu najugaqarfinnit ikuallaaveqanngitsuniit eqqakkat najugaqarfinnut ikuallaavilinnut assartorneqartarput. Kiisalu Avatangiisinut Aningaasaateqarfiup tapersigaanik eqqakkanik assartuussinermik ingerlatsisoqarsimavoq, tassanilu kommuninit tamanit eqqakkat ikuallanneqarsinnaasut poortorneqarsimapput, aammalu Danmarkimi ikuallaavinnut assartorneqarsimallutik.
Ikuallaaviit nutaat piariingajalernerinut atatillugu Naalakkersuisup Kalistat Lundip kommunit tamaasa ataatsimeeqatigai, ukiuni tulliuttuni immikkut ittumik tapiiffigineqarnissamik qinnuteqarnissamut periarfissaat pillugit oqaloqatigalugit. Immikkut ittumik tapiissutit kommunit eqqakkanik nuna tamakkerlugu ikuallaa-vinnut assartuussinissamut piareersarnissaannut atorneqassapput.
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03/54 88 68-imut imaluunniit e-mail: pan@nanoq.gl aqqutigalugu attaveqarfigineqassaaq.
Nunalerinermut, Imminut Pilersornermut, Nukissiutinut Avatangiisinullu Naa-lakkersuisoq Kalistat Lund qaammatini kingullerni nunatsinni kommuninut tama-nut tikeraaqattaarsimavoq. Kommunit ataatsimeeqatigineqarnerini 2024-2025-mi kommunit tamarmik immikkut kommunini eqqagassalerinermik pitsanngor-saanissamut 3 millioner koruunit tikillugit Avatangiisinut Aningaasaateqarfimmit tapiiffigineqarsinnaasut ilisimatinneqarput. Immikkut ittumik aningaasanik im-mikkoortitsinermi kommunit eqqagassalerinermi suliniutaannut ingerlasunut taperserneqarnissaat, kiisalu suliat ineriartortitsiviusut aqqutigalugit pitsaasumik ineriartortitsinissamut ikiorneqarnissaat siunertarineqarpoq.
”Eqqagassalerinerup akisussaassusilimmik pitsaasumillu ingerlanneqar-nissaa peqqinnissatta, peqqissutsitta avatangiisittalu pigiinnarnissaannut pitsanngorsarnissaannullu pingaaruteqarpoq. Eqqagassalerinerup pitsaasuunissaa iluatsinniarlugu Naalakkersuisuniit kommuninut pilersi-tsiviusumik qanittumillu oqaloqateqarnerput ingerlatiinnarusupparput. Kisiannili aamma kommunit nunatsinni eqqakkanik ajornartorsiuteqar-nermik aaqqiissutissanik naapertuunnerpaanik nassaarniarnerinut aningaasaqarnikkut tapersiiffigerusuppagut. Tamatumani innuttaasuni peqqinnissaq toqqissisimanissarlu eqqarsaatigalugit, kisiannili aamma avatangiiserput paariniarlugu”, Nunalerinermut, Imminut Pilersorner-mut, Nukissiutinut Avatangiisinullu Naalakkersuisoq Kalistat Lund oqar-poq nangillunilu:
”Ersarissumik paasivara – tamannalu ataatsimiinnerni pimoorussiviusuni ersarinneruliinnarpoq – kommunini najugaqarfinni tamani eqqagassa-lerinermik pitsannguinissaq annertuumik pingaartinneqartoq. Kisiannili aamma nassuerutigisariaqarparput, nunatsinni sumiiffinni arlalinni na-jukkani eqqagassalerinerit suli unammillernartoqartinneqartut. Taamaat-tumik kommunit suliassanut, kommuniniit immikkut ittumik tapiiffigineqar-tussatut kissaatigineqartunut qinnuteqaatinik nassiussinissaat qilanaa-raara”, Naalakkersuisoq Kalistat Lund oqarpoq.
ESANI-mut ilaasortaaneq apeqqutaatinnagu immikkut ittumik tapiissute-qartoqassaaq
Kommuni ESANI A/S-imut ilaasortaanersoq ilaasortaannginnersorluunniit apeqqutaatinnagu kommunit tamarmik immikkut ittumik tapiiffigineqassapput. Avatangiisinut Aningaasaateqarfimmiit kommunit ingerlatsinerinut tapiisoqarneq ajormat aningaasaliissutit ineriartortitsinermi suliniutinut sammitinneqassapput.
”Erseqqissassallugu pingaartippara, immikkut tapiissutit kommuninut ta-manut tunniunneqartussaammata – aamma naak ESANI A/S-ip avataa-niikkaluarpata. Kisiannili suli isumaqarpunga – aningaasaqarneq ava-tangiisillu eqqarsaatigalugit – kommunit tamarmik nuna tamakkerlugu eqqagassalerinermut peqataallutik suleqatigiippata, eqqakkallu nuna tamakkerlugu ikuallaavinni ikuallanneqartarpata aaqqiissutissani pitsaa-nerpaassasoq. Neriuppunga, aammalu naatsorsuutigaara, ukiunut mar-lunnut tulliuttunut immikkut ittumik tapiissutit najukkani eqqagassa-lerinermi unammilligassat ilaannut iluaqutaajumaartut” Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund naggasiivoq.
Immikkut ittumik tapiissuteqarnermut tunuliaqutaasoq
Naalakkersuisuni ikuallaasarnermi aaqqiissutissanik ataatsimoortunik pilersi-tsinissamik anguniagaqarnermi angusaqartoqangaatsiarpoq. Ukiut arlallit ingerla-nerini Naalakkersuisut Avatangiisinut Aningaasaaseqarfik aqqutigalugu eqqagas-salerinermi ineriartornermut tapiisarsimapput. Nuna tamakkerlugu ikuallaave-qarnikkut aaqqiissutissaq nutaaq tapiisarnermut tamatumunnga assersuutissaavoq.
Tamatuma saniatigut assartuussinermi sulianut arlalinnut tapiissuteqartoqarsima-voq, tassanilu najugaqarfinnit ikuallaaveqanngitsuniit eqqakkat najugaqarfinnut ikuallaavilinnut assartorneqartarput. Kiisalu Avatangiisinut Aningaasaateqarfiup tapersigaanik eqqakkanik assartuussinermik ingerlatsisoqarsimavoq, tassanilu kommuninit tamanit eqqakkat ikuallanneqarsinnaasut poortorneqarsimapput, aammalu Danmarkimi ikuallaavinnut assartorneqarsimallutik.
Ikuallaaviit nutaat piariingajalernerinut atatillugu Naalakkersuisup Kalistat Lundip kommunit tamaasa ataatsimeeqatigai, ukiuni tulliuttuni immikkut ittumik tapiiffigineqarnissamik qinnuteqarnissamut periarfissaat pillugit oqaloqatigalugit. Immikkut ittumik tapiissutit kommunit eqqakkanik nuna tamakkerlugu ikuallaa-vinnut assartuussinissamut piareersarnissaannut atorneqassapput.
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03/54 88 68-imut imaluunniit e-mail: pan@nanoq.gl aqqutigalugu attaveqarfigineqassaaq.