AtuartigukPeqqinnissaqarfimmi assit atorlugit nappaatinik suussusersiinissamut qarasaasiakkut atortorissaarutit nutaat: Kirsten aamma Freddy Johansenip Aningaasaateqarfianut qujanarujussuaq
Nassiussisuuvoq: Peqqissutsimut Naalakkersuisoqarfik
Kalaallit Nunaanni Peqqinnissaqarfiup Kirsten aamma Freddy Johansenip Aningaasaateqarfianut qinnuteqaataata akissutaa tiguneqarmat nuannaartoqarpoq. Assit atorlugit nappaatinik suussusersiinissamut RIS/PACS systeminut nutaanut nutaaliaasunullu Aningaasaateqarfik peqqinnissaqarfimmut 4,3 mio.kr.-nik aningaasaliissuteqarpoq.
Qarasaasiakkut atortorissaarutit atorlugit peqqinnissaqarfimmi assit atorlugit nappaatinik suussusersiuinerit ataqatigiilersinneqassapput. Taakku tassaapput ultralyd, qinnguartaat, CT aamma MR. Kirsten aamma Freddy Johansenip Aningaasaateqarfiata Peqqinnissaqarfimmut 2023-mi aningaasaliissutigisimasai atorlugit qaraasiakkut atortorissaarutinut nutaanut ilaatigut MR scannerimut nutaamut atorneqassapput.
”Kirsten aamma Freddy Johansenip Aningaasaateqarfiata peqqinnissaqarfitsinnut aningaasanik tapiissuteqaqqinniarnera tusarakku nuannaarlungalu qujamasoqaanga. Assit atorlugit nappaatinik suussusersiinissamut qarasaasiakkut atortorissaarutinut nutaanut aningaasaliineq inuppassuarnit nuannaarutigineqassaaq iluaqutigineqassallunilu, tassami atortorissaarutit nutaat peqqinnissaqarfiup sukkasuumik pitsaasumillu assinik nalilersuisarnissaanut aamma napparsimasut misissortissimanerminnik akissutisisarnissaannut tunngatillugu pitsanngoriartitsissammata,” taama oqarpoq Peqqissutsimut Naalakkersuisoq, Agathe Fontain.
”RIS/PACS-inik atortunik pisaarnissarput qangali assut kissaatigisimavarput,” taama oqarpoq Peqqinnissaqarfimmi pisortaaneq Tina Amondsen, nangillunilu: “Kirsten aamma Freddy Johansenip Aningaasaateqarfianit siusinnerusukkut aningaasaliissutigineqarsimasut atorlugit atortorissaarutit nutaat iluaqutigalugit MR scannerimik tamakkiisumik atuinissaq qulakkeerneqassaaq.”
Assit atorlugit nappaatit suussusersinissaannut atortorissaarut nutaaq atorlugu nappaatinik suussusersiinissamut ingerlaavartumik pisariaqartitsinermut anneruleraluttuinnartumullu aamma napparsimasunullu iluaqutaasussamik malitseqartitsisarnissamut malinnaasinnaanissarput erseqqissumik anguniarparput,” Tina Amondsen oqarpoq.
Kalaallit Nunaani Peqqinnissaqarfiup assit atorlugit nappaatit suussusersiortagai ukiumut 35.000 missaaniipput. Kisitsisillu taaneqartut ukiuni tulliuttuni amerliartornissaat naatsorsuutigineqarpoq. Nunat allat peqqinnissaqarfiini taamatut aamma ineriartortoqarpoq.
Sukumiinerusumik paasisaqarnerorusukkaanni naalakkersuisup allattaa Nukaaka Tobiassen attavigineqarsinnaavoq, e-mailikkut: nukto@nanoq.gl imaluunniit oqarasuaatikkut: +299 34 66 17
Qarasaasiakkut atortorissaarutit atorlugit peqqinnissaqarfimmi assit atorlugit nappaatinik suussusersiuinerit ataqatigiilersinneqassapput. Taakku tassaapput ultralyd, qinnguartaat, CT aamma MR. Kirsten aamma Freddy Johansenip Aningaasaateqarfiata Peqqinnissaqarfimmut 2023-mi aningaasaliissutigisimasai atorlugit qaraasiakkut atortorissaarutinut nutaanut ilaatigut MR scannerimut nutaamut atorneqassapput.
”Kirsten aamma Freddy Johansenip Aningaasaateqarfiata peqqinnissaqarfitsinnut aningaasanik tapiissuteqaqqinniarnera tusarakku nuannaarlungalu qujamasoqaanga. Assit atorlugit nappaatinik suussusersiinissamut qarasaasiakkut atortorissaarutinut nutaanut aningaasaliineq inuppassuarnit nuannaarutigineqassaaq iluaqutigineqassallunilu, tassami atortorissaarutit nutaat peqqinnissaqarfiup sukkasuumik pitsaasumillu assinik nalilersuisarnissaanut aamma napparsimasut misissortissimanerminnik akissutisisarnissaannut tunngatillugu pitsanngoriartitsissammata,” taama oqarpoq Peqqissutsimut Naalakkersuisoq, Agathe Fontain.
”RIS/PACS-inik atortunik pisaarnissarput qangali assut kissaatigisimavarput,” taama oqarpoq Peqqinnissaqarfimmi pisortaaneq Tina Amondsen, nangillunilu: “Kirsten aamma Freddy Johansenip Aningaasaateqarfianit siusinnerusukkut aningaasaliissutigineqarsimasut atorlugit atortorissaarutit nutaat iluaqutigalugit MR scannerimik tamakkiisumik atuinissaq qulakkeerneqassaaq.”
Assit atorlugit nappaatit suussusersinissaannut atortorissaarut nutaaq atorlugu nappaatinik suussusersiinissamut ingerlaavartumik pisariaqartitsinermut anneruleraluttuinnartumullu aamma napparsimasunullu iluaqutaasussamik malitseqartitsisarnissamut malinnaasinnaanissarput erseqqissumik anguniarparput,” Tina Amondsen oqarpoq.
Kalaallit Nunaani Peqqinnissaqarfiup assit atorlugit nappaatit suussusersiortagai ukiumut 35.000 missaaniipput. Kisitsisillu taaneqartut ukiuni tulliuttuni amerliartornissaat naatsorsuutigineqarpoq. Nunat allat peqqinnissaqarfiini taamatut aamma ineriartortoqarpoq.
Sukumiinerusumik paasisaqarnerorusukkaanni naalakkersuisup allattaa Nukaaka Tobiassen attavigineqarsinnaavoq, e-mailikkut: nukto@nanoq.gl imaluunniit oqarasuaatikkut: +299 34 66 17