AtuartigukKangerlussuup eqqaani ukiuunerani umimmanniarnissaq 2024
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoq ukiuunerani 2024-mi Kangerlussuup eqqaani umimmanniarnissamut pisassiissutinik, piffissaliussanik aamma piniarfissanik aalajangeeqqammerpoq. Umimmaat illersugaanerat piniagaanerallu pillugit Namminersorlutik Oqartussat nalunaarutaanni nr. 8-mi 27. juuni 2013-imeersumi § 3, § 4 aamma § 5 malillugit tamanna pivoq.
Kangerlussuup eqqaani umimmannik qulimiguulimmik kisitsisoqaqqammerpoq, taamatullu umimmaqatigiinni suiaaneri ukiuisalu inissisimaneri pillugit misissuisoqqaqqammerluni. Tamanna tunngavigalugu Naalakkersuisoq pisassiissutinik, piffissaliussanik taamatullu piniarfissanik aalajangeeqqammerpoq.
Kangerlussuup eqqaani Piniarfik 1-imi qimussertartunut allatigullu assartuutinik motoorilinnik atuiffiunngitsumik ukiuunerani 2024-mi umimmanniartoqassaaq piffissami 15. februaarimiit 25. februaari ilanngullugu. Piniarfik 1-imi umimmattassat 50-iupput.
Kangerlussuup eqqaani Piniarfik 3-mi assartuutinik motoorilinnik piniarfimmut piniarfimmiillu assartuutitut atuiffigeqqusaasumik ukiuunerani 2024-mi inuussutissarsiutigalugu umimmanniartoqassaaq piffissami 15. februaarimiit 25. februaari ilanngullugu. Piniarfik 3-mi umimmattassat 200-rput.
Aalisarnermut Piniarnermullu Naalakkersuisoqarfimmiit erseqqissaatigineqarpoq assartuutit motoorillit umimmannut taamatullu tuttunut minnerpaamik 500 meter-inik ungasissuseqassasut. Assartuutit motoorillit soorlu qamuteralaat ATV-llu umimmannik malersuinermut ungoorinermullu atoqqusaanngillat. Naggataatigut aammattaaq erseqqissaatigineqassaaq umimmanniareernerup kingorna pisanik nalunaaruteqarnissaq inatsisit malillugit piumasaqaataammat.
Sukumiinerusumik paasisaqarusukkaanni immikkoortortaqarfimmi pisortaagallartoq Masaana Dorph-imut tlf.nr. 345344 saaffiginnittoqarsinnaavoq, e-mail: mado@nanoq.gl
Kangerlussuup eqqaani umimmannik qulimiguulimmik kisitsisoqaqqammerpoq, taamatullu umimmaqatigiinni suiaaneri ukiuisalu inissisimaneri pillugit misissuisoqqaqqammerluni. Tamanna tunngavigalugu Naalakkersuisoq pisassiissutinik, piffissaliussanik taamatullu piniarfissanik aalajangeeqqammerpoq.
Kangerlussuup eqqaani Piniarfik 1-imi qimussertartunut allatigullu assartuutinik motoorilinnik atuiffiunngitsumik ukiuunerani 2024-mi umimmanniartoqassaaq piffissami 15. februaarimiit 25. februaari ilanngullugu. Piniarfik 1-imi umimmattassat 50-iupput.
Kangerlussuup eqqaani Piniarfik 3-mi assartuutinik motoorilinnik piniarfimmut piniarfimmiillu assartuutitut atuiffigeqqusaasumik ukiuunerani 2024-mi inuussutissarsiutigalugu umimmanniartoqassaaq piffissami 15. februaarimiit 25. februaari ilanngullugu. Piniarfik 3-mi umimmattassat 200-rput.
Aalisarnermut Piniarnermullu Naalakkersuisoqarfimmiit erseqqissaatigineqarpoq assartuutit motoorillit umimmannut taamatullu tuttunut minnerpaamik 500 meter-inik ungasissuseqassasut. Assartuutit motoorillit soorlu qamuteralaat ATV-llu umimmannik malersuinermut ungoorinermullu atoqqusaanngillat. Naggataatigut aammattaaq erseqqissaatigineqassaaq umimmanniareernerup kingorna pisanik nalunaaruteqarnissaq inatsisit malillugit piumasaqaataammat.
Sukumiinerusumik paasisaqarusukkaanni immikkoortortaqarfimmi pisortaagallartoq Masaana Dorph-imut tlf.nr. 345344 saaffiginnittoqarsinnaavoq, e-mail: mado@nanoq.gl