AtuartigukPeqqissutsimut Naalakkersuisup Nunavut tikeraarpaa
Nassiussisuuvoq: Peqqissutsimut Naalakkersuisoqarfik
Peqqissutsimut Naalakkersuisoq Agathe Fontain peqqinneq pillugu ataatsimeersuarnermi One Health-imi peqataavoq: Nunavummi Iqalunni Arctic Indigenous Voices and Perspectives ulluni 1. aamma 2. februar 2024 peqataaffigai.
Ataatsimeersuarnermik Nunavummi peqqissusermi sullissivik Qaujigiartiit Health Research Centre Kalaallit Nunaani Innuttaasut Peqqissusiannik Ilisimatusarfik peqatigalugu aaqqissuisuupput. Peqqissutsimut tamakkiisumik isiginninneq qitiutillugu peqqissutsimik ilisimatusarnermi nunat inoqqaavisa (Inuit) nipaasa ersersinneqarnissaat ataatsimeersuarnermi siunertarineqarpoq sammineqarlunilu.
Ataatsimeersuarnermi naggueqatigiit Inuit peqqissusaanut pingaaruteqartunik pinngortitap, silap inuussutissallu pingaaruteqassusaat pillugit assigiinngitsunit saqqummiisoqartarpoq.
Nunatsinnit uumasuaqqanik tappiorannartulerinermik ilisimatooq Aviaja Lyberth Hauptmann Ilisimatusarfimmi uummassusilerinermik ilinniagaq SILA nunatsinni pinngortitami uumasunut naleqqussarneqarlunilu ineriartortinneqarsimasoq pillugu saqqummiivoq. Taasuma saniatigut nakorsaq Karsten Rex Kalaallit Nunaani nakorsatut sulinermini misilittakkani pillugit saqqummiivoq.
”Ullut marluk sakkortuut misigissuseqarfioqisullu aqqusaarsimavavut. Utoqqaat Nunavummi piffinnit assigiinngitsuneersut ataatsimeersuarnermi peqataasussanngorlugit aaqqissuisunit aggersarneqarsimapput. Utoqqaat oqaluttuaat, ilisimasaat misilittagaallu eqqarsalersitsipput. Peqqissutsimut tunngatillugu utoqqaat timip, tarnip anersaallu ataqatigiinneri kiisalu pinngortitap nerisallu pingaaruteqassusaat pillugit saqqummiipput.
Nammineerluta ilisarivavut. Kalaaliminertorsimatinnani qaarsillarsimannginneq kaaginnavinnerlu amerlasuut misigisarpaat. Imaluunniit pinngortitaliarsinnaatinnani eqqissisinnaannginneq misigisarpaat”
taama oqarpoq Agathe Fontain nangillunilu…
”Inuttut assigiissuteqartorujussuuvugut. Taamaammat neriuppunga taamaallaat peqqissuseq pinnagu aammali ataatsimut isigalugu innuttaasut atugarissaarnerannut sunniuteqartartut pillugit tamatta immikkut misilittakkavut pillugit nunatta marluusut akornanni qaninnerusumik suleqatigiissinnaanissarput neriuutigaara”.
Agathe Fontainip Iqaluit tikeraaramiuk imigassanik aalakoornartunik ikiaroornartumillu cannabisinik tuniniaasarnerit aaqqissorneqarsimaneri paasisassarsiorfigai aamma pulaarpaa illoq nutaaq Innsirvik Community Wellness Hub peqqissuseq eqqarsaatigalugu ilisimatusarfik nutaatut sananeqaqqammersoq arlaanaanulluunniit attuumassuteqanngitsoq pulaarlugu Qaujigiartiit Health Recearch Centre-mit pigineqartoq
Apeqqutissaqartoqaruni naalakkersuisup allattaa Nukaaka Tobiassen mailimut nukto@nanoq.gl oqarasuaammulluunniit +299 346617-imut attavigineqarsinnaavoq.
Ataatsimeersuarnermik Nunavummi peqqissusermi sullissivik Qaujigiartiit Health Research Centre Kalaallit Nunaani Innuttaasut Peqqissusiannik Ilisimatusarfik peqatigalugu aaqqissuisuupput. Peqqissutsimut tamakkiisumik isiginninneq qitiutillugu peqqissutsimik ilisimatusarnermi nunat inoqqaavisa (Inuit) nipaasa ersersinneqarnissaat ataatsimeersuarnermi siunertarineqarpoq sammineqarlunilu.
Ataatsimeersuarnermi naggueqatigiit Inuit peqqissusaanut pingaaruteqartunik pinngortitap, silap inuussutissallu pingaaruteqassusaat pillugit assigiinngitsunit saqqummiisoqartarpoq.
Nunatsinnit uumasuaqqanik tappiorannartulerinermik ilisimatooq Aviaja Lyberth Hauptmann Ilisimatusarfimmi uummassusilerinermik ilinniagaq SILA nunatsinni pinngortitami uumasunut naleqqussarneqarlunilu ineriartortinneqarsimasoq pillugu saqqummiivoq. Taasuma saniatigut nakorsaq Karsten Rex Kalaallit Nunaani nakorsatut sulinermini misilittakkani pillugit saqqummiivoq.
”Ullut marluk sakkortuut misigissuseqarfioqisullu aqqusaarsimavavut. Utoqqaat Nunavummi piffinnit assigiinngitsuneersut ataatsimeersuarnermi peqataasussanngorlugit aaqqissuisunit aggersarneqarsimapput. Utoqqaat oqaluttuaat, ilisimasaat misilittagaallu eqqarsalersitsipput. Peqqissutsimut tunngatillugu utoqqaat timip, tarnip anersaallu ataqatigiinneri kiisalu pinngortitap nerisallu pingaaruteqassusaat pillugit saqqummiipput.
Nammineerluta ilisarivavut. Kalaaliminertorsimatinnani qaarsillarsimannginneq kaaginnavinnerlu amerlasuut misigisarpaat. Imaluunniit pinngortitaliarsinnaatinnani eqqissisinnaannginneq misigisarpaat”
taama oqarpoq Agathe Fontain nangillunilu…
”Inuttut assigiissuteqartorujussuuvugut. Taamaammat neriuppunga taamaallaat peqqissuseq pinnagu aammali ataatsimut isigalugu innuttaasut atugarissaarnerannut sunniuteqartartut pillugit tamatta immikkut misilittakkavut pillugit nunatta marluusut akornanni qaninnerusumik suleqatigiissinnaanissarput neriuutigaara”.
Agathe Fontainip Iqaluit tikeraaramiuk imigassanik aalakoornartunik ikiaroornartumillu cannabisinik tuniniaasarnerit aaqqissorneqarsimaneri paasisassarsiorfigai aamma pulaarpaa illoq nutaaq Innsirvik Community Wellness Hub peqqissuseq eqqarsaatigalugu ilisimatusarfik nutaatut sananeqaqqammersoq arlaanaanulluunniit attuumassuteqanngitsoq pulaarlugu Qaujigiartiit Health Recearch Centre-mit pigineqartoq
Apeqqutissaqartoqaruni naalakkersuisup allattaa Nukaaka Tobiassen mailimut nukto@nanoq.gl oqarasuaammulluunniit +299 346617-imut attavigineqarsinnaavoq.