AtuartigukMeeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Kujallermi innuttaasunik ataatsimiisitsissaaq
Nassiussisuuvoq: Meeqqanut Inuusuttunullu Naalakkersuisoqarfik
Sapaatip akunnerani 5-imi 6-imilu Nanortalimmi, Narsami Qaqortumilu innuttaasunik ataatsimiisitsisoqassaaq.
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede Nanortalimmi, Narsami Qaqortumilu soqutigisaqartut tamaasa innuttaasunik ataatsimiittoqarnissaanut aggersaavoq.
”Innuttaasut taakkulu naleqartitaat akuersaarneqassappata pingaaruteqarpoq sumiiffigisaanni naapissallugit peqataatissallugillu. Innuttaasut ataatsimiinnermi Naalakkersuisut suliniutaat tusarnaariarnissaannut periarfissatuarissanngilaat, kisiannili apeqquteqarnissamilli aamma oqaaseqarsinnaanissaminnik periarfissaqassapput” Naalakkersuisoq Aqqaluaq B. Egede taama oqarpoq.
Ataatsimiinnermi meeqqanut inunusuttunullu kiisalu ilinniartitaanermut suliassaqarfiup iluani Naalakkersuisut suliaat tullinnguuttuni piffissani saqqummiunneqassapput:
Nanortalik, katersortarfik: 3. februar nal. 16:00-17:30
Qaqortoq, katersortarfik: 4. februar nal. 13:00-14:30
Narsaq, katersortarfik: 6. februar nal. 18:00-19:30
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.