Una pillugu: Sermitsiami tulaassuisussaatitaaneq pillugu januaarip 23-anni allaaserisaq

Sermitsiaq.AG januaarip 23-anni 2024-mi allaaserisaqarpoq ima qulequtalim-mik: Sulisitsisut ataatsimiititaliaanni siulittaasoq: Namminersorlutik Oqartus-sat naapertuilluanngitsuupput. Ataatsimiititaliami siulittaasoq Henrik Leth Royal matumani maalaaruteqarpoq Greenland A/S-p siornatigut qaleralit-tassiissutinit 100 procentimik tulaassuisussaatitaasoqassasoq aamma aalisak-kanik nerpiaakkanik tunisassiortussaatitaanermut Naalakkersuisut allanngor-titsiniarnerinut, immikkullu Paamiunut, Maniitsumut aamma Kangaamiunut 2024-mi tulaassat 25 procentiinik ilaatigut tulaassuisussaatitaasoqassasoq aam-ma aalisakkanik nerpiiaasoqassasoq.

Naalakkersuisut avataani aalisakkanut assigiinngitsunut ukiut tamaasa tulaas-suisussaatitsissarput. Soorlu assersuutigalugu suliffissaqartitsiniarneq pillugu kissaateqartoqaraangat nalilersuisoqartarpoq tamanna pisariaqassanersoq. Taama pisoqaraangat tulaassuisussaatitaanermut piumasaqaatit ingerlatseqa-tigiiffinnut tamanut imaluunniit ingerlatseqatigiiffinnut ataasiakkaanut allan-ngortinneqarsinnaasarput.Tamanna nalinginnaasuuvoq.

Soorlu assersuutigalugu Naalakkersuisut Arctic Fisheries ApS-imut saarullin-nut tulaassuisussaatitaanerat 50 procentinit 25 procentinut ukiut marluk ma-tuma siorna allanngortikkaat. Taamaattumik aalisarnermik sulialinnut taman-na tupaallaatissaanngilaq Naalakkersuisut tulaassuisussaatitaanermut maleru-agassat pillugit misissuiniarmata, Attassiinnarnissamut Ineriartortitsinis-samullu pilersaarut 2-mi immikkoortoq 4.2.1.4-mi allassimasut naapertorlugit inassutigineqarpoq tulaassuisussaatitaaneq assigiaartuussasoq aamma siuner-tarineqassasoq nunanit allanit suliartortut pinnagit allanilli sulisoqartassalluni.

Ilaatigut tamanna tunngaviuvoq aamma kissaatigineqartoq tassaasoq avataani qaleralinniartut pisassiissutinit niuerutigineqarsinnaasunik peqalersinnaane-rinik atuutsitsilersinnaaneq, ingerlatseqatigiiffiit avataani qaleralinniartunut assigiimmik tulaassuisinnaatitaanissaat tunngavigineqarluni, tulaassarineqar-tut 25 procentiussallutik. Royal Greenland A/S-imut aalisakkat pisassiissuti-gineqartut tulaassuisussaatitaasuullu nerpiiarnissaat suli piumasaqaataavoq, ingerlatseqatigiiffiit allat taama piumaffigineqanngitsut. Aamma tunitsivinnut aalajangersimasunut piumasaqaateqartoqarpoq.
Taamaattumik ingerlatseqatigiiffinnit allanit sakkortunerusumik maannamut suli piumaffigineqarput. Taamaattumik tamanna naapertuilluanngitsumik Ro-yal Greenlandimut pissuseqarneruvoq. Tupaallaatigineqarpoq ataatsimiitsita-liami siulittaasoq allannguiniarnermut akerliulluni oqaaseqarmat, nammineer-luni qanoq amerlatigisunik tulaassisinnaatitaanermut piumasaatigineqartu-nut allannguinissamik akuersaartunut uffa siuttooreerluni.

Aalisarnermut Piniarnermut Nalaakkersuisoqarfik