AtuartigukTunumi aalisarneq 2030-p tungaanut ineriartortinneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Tunumi aalisarnerup ineriartortinneqarnissaanut nalunaarusiaq Naalakkersuisunit akuerineqarpoq.
Tunumi aalisarnerup ineriartortinnissaa siumungaaq atorneqarsinnaa-sunngorlugu isigalugu pilersaarutaavoq. Tamatumalu siunertaraa Tunup sineriaata qanittuani aalisarneq 2030-p tungaanut ineriartortinneqassasoq. Tunumi aalisarneq siuarsarlugu ineriartortinneqassaaq imminut akilersinnaasunngorlugu.
Tunumi aalisarnerup ineriartortinneqarnerata imminut pilersuinerulernissamik aamma ilaqassasoq siunertaavoq, soorlu aamma suliffissanik amerlasuunik pilersitsisoqassalluni.
Aalisarnerup ineriartortinneqarnissaanut anguniakkat ilaatigut tassaapput: aalisarnermi misilittakkat alliartortinneqassasut, aalisaatinik pitsanngorsaa-neq. Tunumi aalisarnermi paasisat ilisimasallu katersorneqarnerisa pitsan-ngorsarnissaat, tunisisarnerup ineriartortinneqarnissaa, Tunumi aalisarnerup allaffissornikkut tunngavilersorneqarnerata pitsanngorsaavigineqarnissaa, Tunumi sinerissap qanittuani aalisarnerup imminut akilersinnaasunngoriar-tortinneqarnissaa, aalisarnerup ineriartortinneqarneranut pilersaarut qulakkeerniarlugu aqutsisoqatigiinnik pilersitsisoqassasoq, aamma aalisarnerup ineriartortinneqarneranut nutaaliornermillu suliniutinik pilersitsinissaq.
Naalakkersuisut Tunumi aalisarnerup ineriartortinneqarnissaa pillugu suleqatigiissitamik 2022-mi pilersitsipput. Suleqatigiissitaq ukunanit ilaasortaaffigineqarpoq: Aalisarnermut Piniarnermullu Naalakkersuisoqarfik, KNAPK, Tunumi aalisartut, KONFIFA, Kommuneqarfik Sermersooq, Royal Greenland A/S aamma Arctic Prime Fisheries Aps. Tassaapput taakku ilaatigut suliakkerneqartut aalisarnerup ineriartortinneqarnissaanut suliaqaqqullugit.
Ineriartortitsinissamut nalunaarusiaq Naalakkersuisut.gl-mi atuarneqarsinnaavoq.
Ineriartortitsinissamut nalunaarusiaq suleqatigiissitamut tusarniutigineqareerpoq, aamma Tunumi aalisartut pilersaarutip suliarinerani angisuumik akuutinneqarnissaannut pingaartitsisoqarpoq.
Tasiilami isumasiuineq
Aalisarnerup pitsaanerpaamik aallartinnissaa qulakkeerniarlugu Aalisarnermut Piniarnermullu Naalakkersuisoqarfik Tunumi aalisartunut isumasioqatigiissitsiniarpoq. Isumasioqatigiissitsinermi ineriartortitsinissamut pilersaarut saqqummiunneqassaaq, anguniarneqarporlu aalisartut aalisarnermik ilisimasaqalernissaat, namminneerlutik periarfissaat pillugit oqaluuserineqassapput, namminneerlutillu aalisarneq qanoq iliorlutik ineriartortissinnaassagaat.
Tasiilami marsip 10-annit 12-iannut isumasioqatigiissitsisoqassaaq.
Isumasioqatigiissitsineq oktobarimi 2023-mi pisussaagaluartoq marsimut 2024-mi nuunneqarpoq.
Tunumi aalisarnerup ineriartortinnissaanut pilersaarut tunumi-aalisarnerup-ineriartortinneqarnissaanut-pilersaarut-2023-2030-kal.pdf (naalakkersuisut.gl) atuarsinnaavat.
Attavigineqarsinnaavoq Aalisarnermut Piniarnermullu Naalakkersuisoqarfik. APN@nanoq.gl