Atuartiguk2024-mi avataarsiortunut pisassiissutit agguarneqarput
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni avataasiorlutik aalisartunut aalisakkanik aalajangersimasunik pisassiissutit Naalakkersuisunit agguaanneqarput. Ingerlatseqatigiiffiit tamarmik akuersissutaatitik tigusimavaat.
2024-mi avataarsiorluni aalisarnissamut periarfissat
2023-mi avataasiortunut pisassiissutit 2024-mut sanilliullugit amerlineqarsimanngillat. Tunup imartaani qalerallit 1.943,6 tonsinik, suluppaakkat 600,5 tonsinik kiisalu saarulliit 45 tonsinik ikileriarsimapput. Tunup imartaani qalerallit ikileriaataat ikinnerusunik siunnersuisoqarneranik pissuteqarput. Suluppaakkat ikileriarnerannut nunarput 2023-mi nammineerluni pisassiissutinik aalajangiineranik pissuteqarpoq, 2023-mili Islandimiunik isumaqatiginninniartoqaqqippoq taamaalillunilu Nunatta pisassiissutinik amerlanerusunik pissarsinini iluarisimaakutsoorsinnaavaa. Pisassiissutit sinneruttut 2023-misut amerlatigiinnarput. Pisassiissutit aalisaqataalersunut agguaanneqarnissaannut periarfissaqarsimanngilaq, uiluinniarneq eqqaassanngikkaanni.
Agguaassinermut tunngavik
Avataarsiorluni pisassiissutit Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat nr. 74, 28. november 2023-meersumi § 28 naapertorlugu agguarneqarsimasut uani nassaarineqarsinnaapput: Namminersorlutik Oqartussat nalunaarutaat nr 74 28_11_2023-meersoq (nalunaarutit.gl)
Agguaanermi takussutissaq uani takuneqarsinnaavoq: TAC aamma aalisakkanik pisassiissutit (naalakkersuisut.gl) TAC-mik aamma pisassiissutissanik aalajangersaanerit ataani.
Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk , apn@nanoq.gl
2024-mi avataarsiorluni aalisarnissamut periarfissat
2023-mi avataasiortunut pisassiissutit 2024-mut sanilliullugit amerlineqarsimanngillat. Tunup imartaani qalerallit 1.943,6 tonsinik, suluppaakkat 600,5 tonsinik kiisalu saarulliit 45 tonsinik ikileriarsimapput. Tunup imartaani qalerallit ikileriaataat ikinnerusunik siunnersuisoqarneranik pissuteqarput. Suluppaakkat ikileriarnerannut nunarput 2023-mi nammineerluni pisassiissutinik aalajangiineranik pissuteqarpoq, 2023-mili Islandimiunik isumaqatiginninniartoqaqqippoq taamaalillunilu Nunatta pisassiissutinik amerlanerusunik pissarsinini iluarisimaakutsoorsinnaavaa. Pisassiissutit sinneruttut 2023-misut amerlatigiinnarput. Pisassiissutit aalisaqataalersunut agguaanneqarnissaannut periarfissaqarsimanngilaq, uiluinniarneq eqqaassanngikkaanni.
Agguaassinermut tunngavik
Avataarsiorluni pisassiissutit Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat nr. 74, 28. november 2023-meersumi § 28 naapertorlugu agguarneqarsimasut uani nassaarineqarsinnaapput: Namminersorlutik Oqartussat nalunaarutaat nr 74 28_11_2023-meersoq (nalunaarutit.gl)
Agguaanermi takussutissaq uani takuneqarsinnaavoq: TAC aamma aalisakkanik pisassiissutit (naalakkersuisut.gl) TAC-mik aamma pisassiissutissanik aalajangersaanerit ataani.
Paasisaqarnerorusukkuit Aalisarnermut Piniarnermullu Naalakkersuisoqarfik attavigiuk , apn@nanoq.gl