London Mining-ip aamma Namminersorlutik Oqartussat akornanni eqqartuussivimmi suliassaq

London Mining Greenland A/S-ip ulloq 15. november 2022 Namminersorlutik Oqartussat eqqartuussisulersuuppai. London Mining-ip saviminissarsiorfimmik ammaanissamut akuersissummik pissarsivigisaani, Isuani piiaanissamut London Mining A/S-imut akuersissutip sivitsorneqannginnissaa pillugu Namminersorlutik Oqartussat aalajangiinerannik London Mining-ip naammaginninnginnerat, eqqartuussisulersuussinermut pissutaavoq.

Piiaanissamut akuersissut ulloq 24. oktober 2013 Aatsitassanut Ikummatissanullu Aqutsisoqarfimmit tunniunneqarpoq aammalu ulloq 19. november 2021 utertinneqarluni. Piiaanissamut akuersissummut isumaqatigiissummi piffissamut killigititamut pisussaaffiit qaangerneqarsimanerat, aammalu London Mining A/S-ip siusinnerusukkut pingasoriarluni piffissamik sivitsuiffigineqartarsimanera, pissutaapput.

Eqqartuussivimmi suliassap aallartinnissaanut, Kalaallit Nunaanni eqqartuussivik suli piffissaliinngilaq, kisianni 2024-p aallartinnerani aallartinneqassasoq naatsorsuutigineqarluni.

”Isukasiani piiaanissamut akuersissut utertinneqarpoq” pillugu tusagassiuutitigut siusinnerusukkut nalunaarummut linki"

[Piffissamut killigititat]
Piiaanissamut akuersissutini ilaatigut piiaanissamut matusinissamullu pilersaarutit akuersissuteqarfigitinnissaannut piffissamut killigititat arlallit aammalu piiaaneq kingusinnerpaamik qaqugu aallartinneqassanersoq piffissamut killigititaq, ilaatinneqartarput. Piffissamut killigititanut taakkununnga siunertaavoq suliassap siumut ingerlanissaata qulakkeernissaa. Taamaalilluni ingerlatseqatigiiffiup aatsitassarsiorfeqalernissaq patsisigalugu, pissusiviusuni aatsitassarsiornermik suliaqarani soqutiginnissinnaasunut allanut sumiiffimmik mattussinissaa, pinngitsoortinneqassalluni.

Paasissutissanik annertunerusunik piniarnermi attaveqarfigineqassaaq Naalakkersuisoqarfimmi pisortaaneq Jørgen Hammeken-Holm joeh@nanoq.gl –mut allalluni imaluunniit oqarasuaammut 346846-mut sianernermi