AtuartigukIkiunissamut qinnuteqaatit akuersisoqareerpat agguaanneqalissapput
Nassiussisuuvoq: Aalisarnermut Piniarnermullu Naalakkersuisoqarfik
Silap pissusiata allanngornerata kingunerisaanik patsiseqartumik ajunaarnersuartut pisoqartillugu isertitaqarsinnaanngikkallarnermi ikiuinasuarnissamut qinnuteqartut maannakkut 300-t sinneqartut tiguneqarsimalerput, taakkulu suli amerliartorput.
Ikiuinissamut malittarisassat malillugit qinnuteqaatit tamarmik nalilersorneqarlutik suliarineqartussaapput. Tamannalu maannakkut ingerlavoq.
Ikiuinissamulli tunniussisoqassappat, Aningaasanut 2024-mut inatsimmi oqaasertaliunneqarsimasut malinneqassapput, ima allassimasoqarluni:
“Aningaasaliissutit iluanni Naalakkersuisut Aningaasaqarnermut Akileraartarnermullu Ataatsimiititaliap akuersissuteqarneratigut aalisartunut, piniartunut nunalerisunullu aningaasaqarnikkut ikorfartuinissaannut piginnaatinneqarput, matumani inuussutissarsiornermi isertitaat silap pissusiata allanngornerata kingunerisaanik piffissap sivikitsup iluani tamarmik annertuumilluunniit appariarsimappata. “
Taamaalilluni Naalakkersuisut pisinnaatinneqarput, Aningaasaqarnermut Akileraartarnermullu Ataatsimiititaliap akuersineratigut ikiorsiissutinik tunniussisinnaanermik. Aamma isummernissamut tunngavissiami inassutigineqartoq Naalakkersuisunit akuerineqarluni, Inatsisartut Aningaasaqarnermut Akileraartarnermullu Ataatsimiititaliaannut ingerlatinneqassaaq, tassanilu akuerineqarpata, ikiorsiissutinik aatsaat qinnuteqartunut tunniussisoqarsinnaassaaq.
Naalakkersuisoqarfiup qinnuteqaatit suliarileruttorpai, Naalakkersuisunulli aalajangernissamut tunngavissiaq suliarineqaqqaarpoq.
Paasissutissanik amerlanerusunik perusukkuit Aalisarnermut Piniarnermullu Naalakkersuisoqarfimmut allassinnaavutit apn@nanoq.gl