AtuartigukTarnimikkut nappaatillit atugaat pitsanngorsarniarlugit Naalakkersuisut sulissuteqarput - sivisusinnaavorli
Nassiussisuuvoq: Peqqissutsimut Naalakkersuisoqarfik
Ippassaq Qanorooq KNR nutaarsiassiivoq tarnikkut nappaatilinnut immikkoortortaqarfimmi A1-mi pissutsit sulisoqarniarnikkut suliffimmilu avatangiiseqartitsinikkut ilungersunartutut Ombudsmandimit nassuiarneqarlutik. Isornartorsiuineq Ombudsmandip Dronning Ingridip napparsimavissuani tarnikkut nappaatilinnut immikkoortortaqarfik A1 september 2022-mi ilisimatitsereernikkut pulaareerlugu nalunaarutaanik tunngaveqarpoq.
Misissuineq nalunaarusiami tunngavigineqartoq pimmat ukioq ataaseq sinnerlugu qaangiutereerpoq. Napparsimasut tarnimikkut nappaatillit atugaasa pitsaannginneri pillugit ajornartorsiut ajoraluartumik nutaajunngilaq. Peqqissutsimut isumalioqatigiissitap nalunaarusiaani tamannarpiaq suliassaq nassuiarluarneqareerpoq, suliassaqarfimmi ajornartorsiutit paasinartunngorlugit nassuiarneqareerlutik - naggataatigullu siunnersuutit arlallit ilanngunneqarlutik. Taamaakkaluartoq ersarissassallugu pingaaruteqarpoq, Ombudsmandip nalunaarusiamini ilisimatitsimmat immikkoortortaqarfik ataatsimut isigalugu ajunngitsumik misigisaqarfigisimallugu. Allassimavortaaq misissuiartortut takusimagaat napparsimasut sulisullu akornanni ataqatigiinneq pitsaasuusoq kiisalu pulaarnermi napparsimasut amerlanerit immikkoortortaqarfimmiitinneqarnertik nuannarerpasikkaat.
Sulisoqarniarneq ajornartorsiutit annersaasa ilagaat, sulisut kissaatigisatulli pissarsiassaasaratik sulisut sulisoriinnarneqarsinnaasaratik. Tarnikkut nappaateqartuni sullissinermi ajornartorsiut peqqinnissaqarfimmi suliassaqarfinnit allanit ajornartorsiutigineqarportaaq. Tamannarpiaq tunngavigalugu Naalakkersuisut Inatsisartuni partiit amerlanerussuteqartut suleqatigalugit suliniutit arlalinni aallartitsipput. Peqqinnissaqarfik pillugu isumaqatigiissut 2023, politikkikkut tunngavissatut isumaqatigiissut peqqinnissaqarfimmi pitsanngorsaanissamut suliaqarnermut atugassaq tarnikkut nappaatilinnik sullissineq immikkut ukkataralugu pitsanngorsaanermut atorneqassaaq sulisut napparsimasullu tunngavissaat atugassaallu pitsanngornissaat qulakkeerniarlugu.
Naak nalunaarummi ajornartorsiutit ersersinneqaraluartut erseqqissaatigineqassaaq immikkoortortaqarfimmi sulisut napparsimasunut tunniusimasorujussuusut, tamannami nalunaarusiami allassimavortaaq. Sulisut sullissinerlu pillugit Ombudsmandi ima allappoq, sulisut ataatsimut isigalugit - tunngavissiat aallaavigalugit - inuup atugai tamaasa aallaavigalugit katsorsaaniartartut, allaat immikkoortortaqarfimmi pisussaaffitik sipporlugit, ilaannikkullu suliassaminnut ilinniarsimanngikkaluarlutik suliarisarlugit.
Suliniuterpassuit akornanniippoq ataaseq ingerlanneqartoq, tassa tarnikkut nappaatillit illussaannik sananissaq, taannalu ilaatigut inissaqarnerussaaq siniffissaqarnerullunilu
Tarnikkut nappaatillit illussaannik nutaamik sanaartortussarsiuussineq sivitsortoorpoq, suliniummi siullerpaami neqeroortoqanngimmat. Kingorna sanaartortussarsiorneq naleqqussarneqarpoq, siniffissat 16-init 20-nut amerlineqarsinnaasunngorlugit, sanaartortussarsiornissarlu nutaaq piariingajalerpoq.
Tarnimikkut napparsimasunut sullissineq pitsanngorsarniarlugu suliniutit akornanniipportaaq danskit naalakkersuisuinik suleqateqarneq, tassa piffissami aalajangersimasumi nakorsanut immikkut ilisimasalinnut atorfiit "Kalaallit nunaannut atuuffik"-mik inuttassarsiuuttarlugit. Massuma kingunerissavaa Dronning Ingridip napparsimavissuanut atassuteqartumik Tarnimikkut napparsimasunut sullissinermi aalajangersimasumik ikiuussinnaasoqalissasoq.
2024-mut Aningaasanut Inatsimmi matoqqasumut tarnikkumikkut nappaatilinnut katsorsaaneq amerlinissaannut Peqqinnissaqarfimmilu sulisussarsiortarnermi pitsanngorsaanissamut aningaasaliissutit amerlineqarputtaaq. Taassuma saniatigut nunatsinni tarnikkut napparsimasunut sullissinerup ineriartortinnissaanut pilersaarusiorneq aallartinneqarpoq.
Suliassaqarfiup unammilligassai imaasiallaannaq aaqqinneqarsinnaannginnerat eqqaassallugu pingaaruteqarpoq. Suliaq ingerlaavartuuvoq piffissamilu sivisunerusumi ingerlassalluni. Sulineq aallartereerpoq.
Paasisaqarnerorusukkuit Naalakkersuisup allattaa Naja Lynge Petersen attaveqarfigisinnaavat, e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.
Misissuineq nalunaarusiami tunngavigineqartoq pimmat ukioq ataaseq sinnerlugu qaangiutereerpoq. Napparsimasut tarnimikkut nappaatillit atugaasa pitsaannginneri pillugit ajornartorsiut ajoraluartumik nutaajunngilaq. Peqqissutsimut isumalioqatigiissitap nalunaarusiaani tamannarpiaq suliassaq nassuiarluarneqareerpoq, suliassaqarfimmi ajornartorsiutit paasinartunngorlugit nassuiarneqareerlutik - naggataatigullu siunnersuutit arlallit ilanngunneqarlutik. Taamaakkaluartoq ersarissassallugu pingaaruteqarpoq, Ombudsmandip nalunaarusiamini ilisimatitsimmat immikkoortortaqarfik ataatsimut isigalugu ajunngitsumik misigisaqarfigisimallugu. Allassimavortaaq misissuiartortut takusimagaat napparsimasut sulisullu akornanni ataqatigiinneq pitsaasuusoq kiisalu pulaarnermi napparsimasut amerlanerit immikkoortortaqarfimmiitinneqarnertik nuannarerpasikkaat.
Sulisoqarniarneq ajornartorsiutit annersaasa ilagaat, sulisut kissaatigisatulli pissarsiassaasaratik sulisut sulisoriinnarneqarsinnaasaratik. Tarnikkut nappaateqartuni sullissinermi ajornartorsiut peqqinnissaqarfimmi suliassaqarfinnit allanit ajornartorsiutigineqarportaaq. Tamannarpiaq tunngavigalugu Naalakkersuisut Inatsisartuni partiit amerlanerussuteqartut suleqatigalugit suliniutit arlalinni aallartitsipput. Peqqinnissaqarfik pillugu isumaqatigiissut 2023, politikkikkut tunngavissatut isumaqatigiissut peqqinnissaqarfimmi pitsanngorsaanissamut suliaqarnermut atugassaq tarnikkut nappaatilinnik sullissineq immikkut ukkataralugu pitsanngorsaanermut atorneqassaaq sulisut napparsimasullu tunngavissaat atugassaallu pitsanngornissaat qulakkeerniarlugu.
Naak nalunaarummi ajornartorsiutit ersersinneqaraluartut erseqqissaatigineqassaaq immikkoortortaqarfimmi sulisut napparsimasunut tunniusimasorujussuusut, tamannami nalunaarusiami allassimavortaaq. Sulisut sullissinerlu pillugit Ombudsmandi ima allappoq, sulisut ataatsimut isigalugit - tunngavissiat aallaavigalugit - inuup atugai tamaasa aallaavigalugit katsorsaaniartartut, allaat immikkoortortaqarfimmi pisussaaffitik sipporlugit, ilaannikkullu suliassaminnut ilinniarsimanngikkaluarlutik suliarisarlugit.
Suliniuterpassuit akornanniippoq ataaseq ingerlanneqartoq, tassa tarnikkut nappaatillit illussaannik sananissaq, taannalu ilaatigut inissaqarnerussaaq siniffissaqarnerullunilu
Tarnikkut nappaatillit illussaannik nutaamik sanaartortussarsiuussineq sivitsortoorpoq, suliniummi siullerpaami neqeroortoqanngimmat. Kingorna sanaartortussarsiorneq naleqqussarneqarpoq, siniffissat 16-init 20-nut amerlineqarsinnaasunngorlugit, sanaartortussarsiornissarlu nutaaq piariingajalerpoq.
Tarnimikkut napparsimasunut sullissineq pitsanngorsarniarlugu suliniutit akornanniipportaaq danskit naalakkersuisuinik suleqateqarneq, tassa piffissami aalajangersimasumi nakorsanut immikkut ilisimasalinnut atorfiit "Kalaallit nunaannut atuuffik"-mik inuttassarsiuuttarlugit. Massuma kingunerissavaa Dronning Ingridip napparsimavissuanut atassuteqartumik Tarnimikkut napparsimasunut sullissinermi aalajangersimasumik ikiuussinnaasoqalissasoq.
2024-mut Aningaasanut Inatsimmi matoqqasumut tarnikkumikkut nappaatilinnut katsorsaaneq amerlinissaannut Peqqinnissaqarfimmilu sulisussarsiortarnermi pitsanngorsaanissamut aningaasaliissutit amerlineqarputtaaq. Taassuma saniatigut nunatsinni tarnikkut napparsimasunut sullissinerup ineriartortinnissaanut pilersaarusiorneq aallartinneqarpoq.
Suliassaqarfiup unammilligassai imaasiallaannaq aaqqinneqarsinnaannginnerat eqqaassallugu pingaaruteqarpoq. Suliaq ingerlaavartuuvoq piffissamilu sivisunerusumi ingerlassalluni. Sulineq aallartereerpoq.
Paasisaqarnerorusukkuit Naalakkersuisup allattaa Naja Lynge Petersen attaveqarfigisinnaavat, e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.