AtuartigukElse Poulsenimut eqqaaniut
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Else Poulsenip sivisuumik napparsimareerluni sapaatip akunnerata naanerani toqukkut qimagunnera Ilinniartitaanermut, Kultureqarnermut, Timersornermut Ilageeqqarnermullu Naalakkersuisoqarfimmilu sulisut aliatsangaarluta tusarparput. Elsemut Ilaqutaasunut ikinngutaasunut suleqatigisimasaanullu qamannga pisumik misiginneqataavugut.
Else Poulsen Københavnimi Rigshospitalimi uini Poul Jørgensen saniminiittoralugu eqqissilluni toqukkut qimaguppoq. Else ataqqinassuseqarluni toqussani tikillugu inuuvoq nappaatinilu pissutigalugu nukissaarukkiartoraluarluni nuannaarnermik pingaartitaqartuarluni. Elsep aqqutissaasorisatut isigisani sorsuutigiuartarsimavai.
Else Poulsen tarnip pissusaanik ilisimasalittut kalaallisut oqaasillit iliniarsimasut siullersaraat sullissaminillu pitsaalluinnartumik tunniusimalluarlunilu sullisarnini ilisarisimaneqaatigalugu. Else Poulsen inunnik ikiortarialippassuarnik sullisseqataasarsimavoq sullissinerminilu pinngortitaq aallaavigisarlugu. Else Poulsenip nunaqqatitsinnik ajornartorsiutilinnik pitsaasumik KNR aqqutigalugu siunnersuisarneri innuttaaqatitta aamma tusarnaartarsimassavaat.
Imigassaq Ikiaroornartullu pillugit Siunnersuisooqatigiit pilersinneqarmata Else Poulsen allaffeqarfimmi pisortaasimavortaaq.
Ilinniartitaanermut Naalakkersuisoqarfiup ataanni Nuna tamakkerlugu Ilitsersuisarfimmik nutaamik pilersitsisoqarnissaanik taamanikkut Naalakkersuisuusut aalajangermata Else siunnersuisarfimmi siullersaalluni pisortaasimavortaaq. Tarnip pissusaanut atugassatut ilinniagaqarfinni aningaasaliissutaasartut ataatsimut katersorneqartariaqarsimapput. Ilitsersuisarnermut inatsit siulleq akuerineqarpoq ilitsersuisarnermullu tunngatillugu nunatsinni qitiusumit siunnersuisarneq aalajangersimasumik aallaaveqartoq taamaasilluni aallartinneqarluni. Taamaasilluni Ilitsersuisarfik marlunnik suliaqalerpoq – ilinniartunik peqqissaataasumik oqaloqatiginnittarnerit kiisalu ilinnarfiit akimorlugit siunnersuisarnerit ineriartortinneri. Else ilitsersuisarfimmi pisortatut 2017-imi suliunnaarpoq.
Else Poulsen uteriitsuuvoq naapertuilluarniartuullunilu. Tamanna Elsep Qaqortumi GUX-imi rektoriunerata nalaanni suleqataasa ilinniartuusartullu maluginiarlugulu misigisarsimavaat. Else PPR Kujallermi sulereerluni rektoritut atorfinippoq. Else Qaqortumi GUX-imi rektoritut sulinermini ilinniartut nukissakinnerusut nunatsinnilu ilinniarnertuunngorniarfinni oqitsuinnarnik atugaqanngitsut uummateqarfigalugit sullittarsimavai. GUX Qaqortumi ilinniartut taamatut atugaqartut ulluinnarni Elsemit tamakkiisumik tapersersorneqarnertik nalunagulu misigisimajuartarpaat.
Qaqortumi rektoritut atorfeqareernermi kingorna Elsep Qaqortumi GUX-imut nunatsinnilumi GUX-inut allanut attaveqaatini kipinngilai nunatsinnimi inuusuttut immikkut pisariaqartitsisut ilinniarnerminni atugassarititaanik pitsanngorsaanissamik suliniuteqartuarsimagami. Tamanna pivoq GUX-S-ip tassalu inuusuttut immikkut pisariaqartitsisut ilinniarnertuunngorniarnerminnik naammassinninnissaanut ikiorneqartarnissaasa ukkatarineqarnerulernissaat suliaqartartussap pilersinneqarnissaanut siuttuusimanermigut. Piffissami tassani Else tunniusimaqqissaarluni sulisarsimavoq GUX-S-imi suliassami saniatigut tamakku allaat suliarisarsimallugit Qaqortumi GUX-imi sulisut qujarullugulu nuannaarutigeqisaanik. Else Qaqortumi GUX-imi sulisunik apeqqutinut imaannaanngitsunut makkununnga tunngasunik pikkorissaasarsimavoq: Imminortarnerit, inuusuttut immikkut pisariaqartitsisunut, aammalu minnerunngitsumik inunnut sanngiinnerusunut atugassarititat - paasissutissallu siuliani pineqartunit pissarsiani akisussaallutik suliaqartartut amigaatigisaraat nalunnginnamiuk ingerlatinneqaqqittarnissaat uummateqarfigigamiuk sulianilu tamakku nammineq kissaatigisamisut akissarsiaqarani isumagisarsimallugit. Else ikiortarialinnut ikiuinissaminut pingaartitsisorujussuuvoq nunatsinnilu rektoritut tarnip pissusaanik ilisimasalittullu kalaallisut periuseqarluni sulinermini ilisimalikkaminik misilittakkaminillu ingerlatitseqqittarnissamik pingaartitsisuulluni.
Else nunatsinni ilinniartitaanermut tunngassutilinnik allanngueqataarusussuseqartorujussuvoq – ukiorpassuarnilu tassunga tunngassutilinnik suliaqartarnermigut annertuumik allangortitseqataasimalluni. Else inuit ikittuinnaat assigalugit inunnut suleqatigisaminut ajunngitsumik sunniuteqartitsisartuuvoq. Elsep piginnaasaasa ilagaat ukiorpassuarni imartuumik sulinermigut misilittakkaminik allanut ingerlatitseqqittartuunini.
Kalaallit Nunaat paniulluartumik annaasaqarpoq.
Elsep eqqaaneqarnera ataqqinartuuli.
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Aqqaluaq B. Egede
Else Poulsen Københavnimi Rigshospitalimi uini Poul Jørgensen saniminiittoralugu eqqissilluni toqukkut qimaguppoq. Else ataqqinassuseqarluni toqussani tikillugu inuuvoq nappaatinilu pissutigalugu nukissaarukkiartoraluarluni nuannaarnermik pingaartitaqartuarluni. Elsep aqqutissaasorisatut isigisani sorsuutigiuartarsimavai.
Else Poulsen tarnip pissusaanik ilisimasalittut kalaallisut oqaasillit iliniarsimasut siullersaraat sullissaminillu pitsaalluinnartumik tunniusimalluarlunilu sullisarnini ilisarisimaneqaatigalugu. Else Poulsen inunnik ikiortarialippassuarnik sullisseqataasarsimavoq sullissinerminilu pinngortitaq aallaavigisarlugu. Else Poulsenip nunaqqatitsinnik ajornartorsiutilinnik pitsaasumik KNR aqqutigalugu siunnersuisarneri innuttaaqatitta aamma tusarnaartarsimassavaat.
Imigassaq Ikiaroornartullu pillugit Siunnersuisooqatigiit pilersinneqarmata Else Poulsen allaffeqarfimmi pisortaasimavortaaq.
Ilinniartitaanermut Naalakkersuisoqarfiup ataanni Nuna tamakkerlugu Ilitsersuisarfimmik nutaamik pilersitsisoqarnissaanik taamanikkut Naalakkersuisuusut aalajangermata Else siunnersuisarfimmi siullersaalluni pisortaasimavortaaq. Tarnip pissusaanut atugassatut ilinniagaqarfinni aningaasaliissutaasartut ataatsimut katersorneqartariaqarsimapput. Ilitsersuisarnermut inatsit siulleq akuerineqarpoq ilitsersuisarnermullu tunngatillugu nunatsinni qitiusumit siunnersuisarneq aalajangersimasumik aallaaveqartoq taamaasilluni aallartinneqarluni. Taamaasilluni Ilitsersuisarfik marlunnik suliaqalerpoq – ilinniartunik peqqissaataasumik oqaloqatiginnittarnerit kiisalu ilinnarfiit akimorlugit siunnersuisarnerit ineriartortinneri. Else ilitsersuisarfimmi pisortatut 2017-imi suliunnaarpoq.
Else Poulsen uteriitsuuvoq naapertuilluarniartuullunilu. Tamanna Elsep Qaqortumi GUX-imi rektoriunerata nalaanni suleqataasa ilinniartuusartullu maluginiarlugulu misigisarsimavaat. Else PPR Kujallermi sulereerluni rektoritut atorfinippoq. Else Qaqortumi GUX-imi rektoritut sulinermini ilinniartut nukissakinnerusut nunatsinnilu ilinniarnertuunngorniarfinni oqitsuinnarnik atugaqanngitsut uummateqarfigalugit sullittarsimavai. GUX Qaqortumi ilinniartut taamatut atugaqartut ulluinnarni Elsemit tamakkiisumik tapersersorneqarnertik nalunagulu misigisimajuartarpaat.
Qaqortumi rektoritut atorfeqareernermi kingorna Elsep Qaqortumi GUX-imut nunatsinnilumi GUX-inut allanut attaveqaatini kipinngilai nunatsinnimi inuusuttut immikkut pisariaqartitsisut ilinniarnerminni atugassarititaanik pitsanngorsaanissamik suliniuteqartuarsimagami. Tamanna pivoq GUX-S-ip tassalu inuusuttut immikkut pisariaqartitsisut ilinniarnertuunngorniarnerminnik naammassinninnissaanut ikiorneqartarnissaasa ukkatarineqarnerulernissaat suliaqartartussap pilersinneqarnissaanut siuttuusimanermigut. Piffissami tassani Else tunniusimaqqissaarluni sulisarsimavoq GUX-S-imi suliassami saniatigut tamakku allaat suliarisarsimallugit Qaqortumi GUX-imi sulisut qujarullugulu nuannaarutigeqisaanik. Else Qaqortumi GUX-imi sulisunik apeqqutinut imaannaanngitsunut makkununnga tunngasunik pikkorissaasarsimavoq: Imminortarnerit, inuusuttut immikkut pisariaqartitsisunut, aammalu minnerunngitsumik inunnut sanngiinnerusunut atugassarititat - paasissutissallu siuliani pineqartunit pissarsiani akisussaallutik suliaqartartut amigaatigisaraat nalunnginnamiuk ingerlatinneqaqqittarnissaat uummateqarfigigamiuk sulianilu tamakku nammineq kissaatigisamisut akissarsiaqarani isumagisarsimallugit. Else ikiortarialinnut ikiuinissaminut pingaartitsisorujussuuvoq nunatsinnilu rektoritut tarnip pissusaanik ilisimasalittullu kalaallisut periuseqarluni sulinermini ilisimalikkaminik misilittakkaminillu ingerlatitseqqittarnissamik pingaartitsisuulluni.
Else nunatsinni ilinniartitaanermut tunngassutilinnik allanngueqataarusussuseqartorujussuvoq – ukiorpassuarnilu tassunga tunngassutilinnik suliaqartarnermigut annertuumik allangortitseqataasimalluni. Else inuit ikittuinnaat assigalugit inunnut suleqatigisaminut ajunngitsumik sunniuteqartitsisartuuvoq. Elsep piginnaasaasa ilagaat ukiorpassuarni imartuumik sulinermigut misilittakkaminik allanut ingerlatitseqqittartuunini.
Kalaallit Nunaat paniulluartumik annaasaqarpoq.
Elsep eqqaaneqarnera ataqqinartuuli.
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Aqqaluaq B. Egede