AtuartigukNunatta kitaani Tunumilu raajanut 2024-mi TAC aalajangerneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut novembarip novembarip 23-anni 2023-mi aalajangerput kitaani raajanut 2024-mut TAC 102.500 tonsiussasoq Tunumilu 7.850 tonsiussalluni.
Kitaani raajartassatut siunnersuutigineqartut 95.000 tonsiupput. Taakku 2023-mut siunnersuutigineqartunut sanilliullugit 13,6 procentinik ikinnerupput.
Raajanut aqutsinissamut pilersaarut naapertorlugu TAC ukiumiit ukiumut amerlanerpaamik 12,5 procentinik allanngortinneqarsinnaavoq.Taamaalilluni raajartassat, TAC, ikiliartuaartinneqarput, taamaalilluni raajartassatut siunnersuutigineqartartut sukkanerpaamik, periarfissaq atorlugu, ikiliartuaartinneqarsinnaassapput. Aqutsinermut pilersaarut naapertorlugu nunatsinni raajanut MSC-mik meqqeqartitsiuarneq taamaalilluni qulakkeerneqarsimassaaq.
Tunumut ukioq manna siunnersuutigineqartut 2.500 tonsiupput, taakku 2023-mi siunnersuutigineqartunit 500 tonsinik amerlanerupput.
Nunatta kitaani raajat ilaannik amerlavallaanngitsunik Canadamut pisassiisoqartarpoq. Pisassiinermi nunatta kitaani raajarniarnermut aqutsinermut pilersaarummi naatsorsueriaatsimut allassimasut naapertorlugit raajartassiisoqartarluni.
Raajartassiissutigineqartut Naalakkersuisut.gl-imi atuarneqarsinnaapput.
Paasiissutissanik amerlanerusunik paasisaqarusukkuit Aalisarnermut Piniarnermullu Naalakkersuisoqarfimmut paasiniaasinnaavutit. APN@nanoq.gl