AtuartigukQaqqat sisoorsinnaasutut nakkutigineqartut pillugit nittartatagaq
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup Umiammakku Nunaanni Kangerluarsummilu qaqqani qajannartortallit alapernaarsuivinnit ikkussorneqarsimasuniit nakkutigalugillu paasissutissanik katersiffigai. Atortuliineq qaqqat sisoortarnerinnut ilisimasallit suleqatigalugit ingerlannesimavoq.
Umiammakku Nunaanni qaqqanik sisoorsinnaasunik nakkutiginninnerup ukiuata aappassaa aallartissimalerpoq. Kangerluarsummi nakkutilliinermut atortorissaarutit 2023-imi aasaanerani ikkussorneqarput, maannalu nakkutilliiviit taakku ullut tamakkiallugit assinik, nunap sajuppillattarneranik uuttortaanermik, silaap qanoq inneranik paasissutissanik, GNSS-inik (gps) sumiissisersiornikkut paasissutissanik nassiussuilersimallutik.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiu Umiammakku Nunaanni Kangerluarsummilu qaqqat pillugit naliliinernik qaammatikkaartumik nittartakkakkut paasissutissiisalerpoq.
Paasissutissat kalaallisut: https://govmin.gl/ka/qaqqat-sisoorneri
Paasissutissat danskisut: https://govmin.gl/da/fjeldskred
Naliliinerit nutaat qaammammi pingasunngornermi siullermi saqqummiunneqartassapput, pisariaqarpallu akulikinnerusumik.
Tamakku saniatigut qaqqat sisooqqajaasut pillugit ilisimasaqaraanni imaluunniit ujaqqat qaqqanit nakkaasut takusimagaanni nittartakkami immersugassaq atorlugu nalunaarutiginninnissamut periarfissaqarpoq
Nittartagaq ataavartumik ineriartortinneqarpoq, paasissutissanillu saqqummiunneqartassapput nakkutiginninnermit ornigullunilu misissuisimanernit paarsissutissat pissarsiarineqarsimasut misissornerisa ingerlanerat ilutigalugu.