AtuartigukMúte Nordisk råd-mut: Naligiissumik ingerlanngilagut
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut siulittaasuat ulluni makkunani Oslomiippoq Nunat Nunat Avannarliit Siunnersuisoqatigiiffiata ataatsimeersuarnerani peqataalluni.
Marlunngornermi ualikkut oqalugiarpoq ilaatigullu ima oqarpoq: ” Nunat Avannarliit Siunnersuisoqatigiiffianni suleqatigiinneq ikinngutigiinni ataatsimoorfiusutut ippoq. Uagut Kalaallit Nunaanneersut ataatsimoornermut tamatumunnga peqataarusukkaluarpugut. Tamannali pisussaaffinnut akisussaaffinnullu atatillugit naligiimmik ingerlasariaqarpoq. Ullumikkulli taamaattoqanngilaq”, Múte Bourup Egede ilaatigut oqarpoq.
Ilaatigut suleqatigiinnerup pissusissamisuunnginnera taakkartorpaa.
”Ullumikkut Nunat Avannarliit Siunnersuisoqatigiivini suleqatigiinneq tamakkiisuunngilaq ullutsinnullu naleqquttuunani. Ataatsimoorluni suleqatigiinnermut Kalaallit Nunaat peqataatinneqanngilaq. Ilumoortumimmi imaappoq, Kalaallit Nunaat ikinngutigiinnermut ilaannakortumik peqataatinneqarmat. Tamannalu akuersaarsinnaanngilarput.
Ikinngutigiinnerput pimoorunnianngikkussiuk aamma peqataatinneqarnissarput tusaaneqarnissaerpullu qulakkeernianngikkussiuk, maani peqataanerput nalilersoqqittariaqarparput”, Múte Bourup Egede ilaatigut oqarpoq.