Atuartiguk
Sikkilit innaallagiatortut inatsisinik unioqqutitsisuusut pillugu Kalaallit Nunaanni Politiit nalunaaruteqareerneranniilli sikkilit innaallagiatortut pillugit Facebookimi ilanngutassiarineqartut oqallinnerillu arlaqalersimapput.
Sikkilit innaallagiatortut inatsisinik unioqqutitsipput, pissutigalugu Kalaallit Nunaanni qamutit motoorillit aaqqissuussaanerat atortulersugaanerallu pillugu nalunaarummi sikkilit nassuiarneqarmata tassaasut ”qamutit assakaasullit tukkaavimmik ingerlatillit […], motoorilersugaanngitsut”. Nalunaarut 1979-imeersuuvoq, tassani sikkilit innaallagiatortut nutaaliaasut suli ineriartortinneqarsimanatik.
Ineqarnermut Attaveqaasersuutinullu Naalakkersuisoq Hans Peter Poulsen Assartuussinermut ministerimut allagaqarpoq aammalu sikkilit innaallagiatortut maleruagassat Danmarkimi atuuttut assingi malillugit inatsisitigut akuerisaalersinneqarnissaat qinnuigalugu.
Ineqarnermut Attaveqaasersuutinullu Naalakkersuisoq oqarpoq:
”Naalakkersuisut teknologiikkut ineriartornermut, ukiut makkua qamutinik nutaanerusunik saqqummiiviusartumut, soqutiginnillutik malinnaapput. Taakkua ilai Kalaallit Nunaannut annertoorujussuarmik iluaqutaasinnaapput, allallu Kalaallit Nunaanni aqqusinernut naleqquttussaanatik. Aqqusinertigut angallannermut inatsisit innuttaasunut isumannaatsumik ineriartornermik atorluaanissamut periarfissiinissaat Naalakkersuisut sulissutigaat.”
Ineqarnermut Attaveqaasersuutinullu Naalakkersuisoq Hans Peter Poulsen itisiliivoq:
”Aqqusinertigut angallannermut suliassaqarfimmi ullutsinnut naleqquttunik Kalaallit Nunaanni inatsiseqarnissarput Naalakkersuisut pingaartittorujussuuaat. Taamaattumik Angallannermut ministerip ingerlaavartumik oqaloqatigisarnerani aqqusinertigut angallannermut inatsisit nutarterneqarnissaat pillugu oqaloqatigiittarneq aammalu pisariaqarpat kimigiisernissaq, ingerlatiinnassavara.”
Suliap ingerlanerata ingerlaqqinnissaa tassaassaaq, Færdselsstyrelsip nalunaarutip allanngortinneqarnissaanut missingiummik, Kalaallit Nunaanni tamanut ammasumik tusarniaassutigineqartussamik, suliaqarnissaa. Tamatuma kingorna Færdselsstyrelsen nalunaarummik atuutsitsilersinnaalinnginnerani, Naalakkersuisut siunnersuummut isummissapput.
Paasissutissanik annertunerusunik piniarnermi Ineqarnermut Attaveqaasersuutinullu Naalakkersuisoqarfik attavigineqassaaq uunga box909@nanoq.gl
Sikkilit innaallagiatortut inatsisinik unioqqutitsipput, pissutigalugu Kalaallit Nunaanni qamutit motoorillit aaqqissuussaanerat atortulersugaanerallu pillugu nalunaarummi sikkilit nassuiarneqarmata tassaasut ”qamutit assakaasullit tukkaavimmik ingerlatillit […], motoorilersugaanngitsut”. Nalunaarut 1979-imeersuuvoq, tassani sikkilit innaallagiatortut nutaaliaasut suli ineriartortinneqarsimanatik.
Ineqarnermut Attaveqaasersuutinullu Naalakkersuisoq Hans Peter Poulsen Assartuussinermut ministerimut allagaqarpoq aammalu sikkilit innaallagiatortut maleruagassat Danmarkimi atuuttut assingi malillugit inatsisitigut akuerisaalersinneqarnissaat qinnuigalugu.
Ineqarnermut Attaveqaasersuutinullu Naalakkersuisoq oqarpoq:
”Naalakkersuisut teknologiikkut ineriartornermut, ukiut makkua qamutinik nutaanerusunik saqqummiiviusartumut, soqutiginnillutik malinnaapput. Taakkua ilai Kalaallit Nunaannut annertoorujussuarmik iluaqutaasinnaapput, allallu Kalaallit Nunaanni aqqusinernut naleqquttussaanatik. Aqqusinertigut angallannermut inatsisit innuttaasunut isumannaatsumik ineriartornermik atorluaanissamut periarfissiinissaat Naalakkersuisut sulissutigaat.”
Ineqarnermut Attaveqaasersuutinullu Naalakkersuisoq Hans Peter Poulsen itisiliivoq:
”Aqqusinertigut angallannermut suliassaqarfimmi ullutsinnut naleqquttunik Kalaallit Nunaanni inatsiseqarnissarput Naalakkersuisut pingaartittorujussuuaat. Taamaattumik Angallannermut ministerip ingerlaavartumik oqaloqatigisarnerani aqqusinertigut angallannermut inatsisit nutarterneqarnissaat pillugu oqaloqatigiittarneq aammalu pisariaqarpat kimigiisernissaq, ingerlatiinnassavara.”
Suliap ingerlanerata ingerlaqqinnissaa tassaassaaq, Færdselsstyrelsip nalunaarutip allanngortinneqarnissaanut missingiummik, Kalaallit Nunaanni tamanut ammasumik tusarniaassutigineqartussamik, suliaqarnissaa. Tamatuma kingorna Færdselsstyrelsen nalunaarummik atuutsitsilersinnaalinnginnerani, Naalakkersuisut siunnersuummut isummissapput.
Paasissutissanik annertunerusunik piniarnermi Ineqarnermut Attaveqaasersuutinullu Naalakkersuisoqarfik attavigineqassaaq uunga box909@nanoq.gl