AtuartigukIlluliornermi konstruktĂžrit pisortani atorfillit pillugit isumaqatigiissut nutaaq
Nassiussisuuvoq:
Konstruktørforeningen aamma Aningaasaqarnermut Sulisoqarnermullu Aqutsisoqarfik isumaqatiginninniareerlutik ukiunut tullernut tallimanut isumaqatigiissutip imassaanik isumaqatigiissuteqarput.
Isumaqatigiissummi pitsanngorsaatit kiisalu sulisussarsiorneq attassiinnarnissarlu qitiutinneqarput. Konstruktørit ataatsimut isigalugu akissarsiaat pisissutaasinnaasut pitsanngoriarput, ilaatigut akissarsiat nutaamik aaqqissugaanerisigut qulakkeerneqarlutik. Tamakku pissapput attassiinnarnissamut tapit, aggeqquneqarataarnissamut tapit kiisalu konstruktørinut tunngaviusumik tapit nutaat atulersinnerisigut. Taakku saniatigut konstruktørit erninermut atatillugu sulinngiffeqarnerminni piffissami tamarmi tamakkiisumik aamma akissarsiaqarnissaat illuatungeriit isumaqatigiissutigaat.Akissarsianut atorfeqarnermilu atugassarititanik pitsannguutit saniatigut illuatungeriit pingaartissimavaat Isumaqatigiissutinut isumalioqatigiissitap pisortani illuliornermut konstruktørinut atorfilinnut isumaqatigiissutip pisariillisarnissaanut inassuteqaatai malinniarlugit. Isumaqatigiissutinut isumalioqatigiissitap periusissanik inassutaanik malinninnikkut illuatungeriit sulisutut sulisitsisutullu atorluartuunissaa anguniarpaat. Taakku saniatigut illuliornermut konstruktørit isumaqatigiissutaannik atuinerup allaffissornikkut oqilisarnissaa anguniarneqarpoq.
Isumaqatiginninniarneq taassumalu inerneri illuatungeriit tamarmik iluarisimaarlugit oqaatigaat.
Isumaqatiginninniarnerit inerneri isumaqatigiissutip atuutsilerneqannginnerani Konstruktørforeningip kiisalu Naalakkersuisunit inaarutaasumik akuersissutigineqassapput. Isumaqatigiissut 1. april 2023-mit atuutilissaaq, taamaammat konstruktørit ullormit tassannga atuutilersumik akissarsiaat kingumoortumik aaqqiivigineqassapput.
Erseqqinnerusumik paasisaqarusuttut Sulisoqarnermut Isumaqatiginninniartarnernullu pisortaq Frederik Schmidt, Aningaasaqarnermut Sulisoqarnermullu Aqutsisoqarfik fsch@nanoq.gl aqqutigalugu attavigisinnaavaat.
Isumaqatigiissutinut isumalioqatigiissitap inassuteqaatai isumalioqatigiissitap isumaliutissiissutaani takuneqarsinnaapput uani.