AtuartigukQaanaami mittarfimmut aqqusineq maannakkut iluarsaanneqareerpoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Najukkami sanaartugassanik suliassinneqartartup nutaaliorluni aaqqiissutissanik suliaqarallartillugu, Qaanaami mittarfimmut aqqusineq iluarsaanneqareersoq, Ineqarnermut Attaveqaasersuutinullu Naalakkersuisoq Hans Peter Poulsenip nuannaarutigisorujussuullugu nalunaarutigisinnaavaa.
Qaanaap illoqarfiata aamma mittarfiup akornanni aqqusineq annertoorujussuarnik ajoquteqalersimasoq, pingasunngorneq ulloq 23. august 2023 tusagassiuutini nalunaarutigineqarpoq. Sisamanngorneq ulloq 24. august 2023 Ineqarnermut Attaveqaasersuutinullu Naalakkersuisoqarfik, Air Greenland A/S, Mittarfeqarfiit A/S aamma Avannaata Kommunia ataatsimeeqatigiipput, tassani illoqarfimmi najukkami sanaartugassanik suliassinneqartartut suleqatigalugit marlunnik immikkoortulimmik utaqqiisaasumik aaqqiissutissarsisoqarluni.
Immikkoortumi siullermi mittarfiup illoqarfiullu akornanni aqqutaagallartussamik pilersitsisoqarpoq, taamaalillutik illoqarfimmut illoqarfimmiillu timmisartuussinissat pilersaarutigineqartut ingerlanneqarsinnaalerlutik. Immikkoortup aappaani mittarfiup illoqarfiullu akornanni utaqqiisaasumik aqqusinniortoqarpoq, aappaagu aasap tungaanut, ataavarnerusumik aaqqiissutissamik sanaartortoqarsinnaalernissaanut, atorneqarsinnaasumik.
Immikkoortup aappaa maannakkut naammassineqareerpoq aammalu illoqarfimmi najukkami sanaartugassanik suliassinneqartartup atortussat illoqarfimmi uninngasuutigineqartut atorlugit Qaanaap illoqarfiata mittarfiullu akornanni aqqusinniorneq iluatsittumik suliaraa.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Qaanaami najukkami entreprenøri, sukkasuumik nutaaliorlunilu illoqarfiup mittarfiullu akornanni nutaamik aqqusinniorluni iluatsittumik suliarinnittoq, qutsavigerujussuarparput. Aqqusineq nutaaq taanna Qaanaami innuttaasunut pingaaruteqartorujussuuvoq aammalu inaarutaasumik aqqusinniortoqarsinnaalernissaata tungaanut taakkua mittarfimmukarsinnaanissaat mittarfimminngaaniillu aqqutissaqarsinnaanissaat qulakkeertussaallugu.”
Ineqarnermut Attaveqaasersuutinullu Naalakkersuisoqarfiup aappaagu aasap tungaanut ataavartussamik aaqqiissuteqarnissamut sukumiisunik paasissutissiiumaarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Qaanaap illoqarfiata aamma mittarfiup akornanni aqqusineq annertoorujussuarnik ajoquteqalersimasoq, pingasunngorneq ulloq 23. august 2023 tusagassiuutini nalunaarutigineqarpoq. Sisamanngorneq ulloq 24. august 2023 Ineqarnermut Attaveqaasersuutinullu Naalakkersuisoqarfik, Air Greenland A/S, Mittarfeqarfiit A/S aamma Avannaata Kommunia ataatsimeeqatigiipput, tassani illoqarfimmi najukkami sanaartugassanik suliassinneqartartut suleqatigalugit marlunnik immikkoortulimmik utaqqiisaasumik aaqqiissutissarsisoqarluni.
Immikkoortumi siullermi mittarfiup illoqarfiullu akornanni aqqutaagallartussamik pilersitsisoqarpoq, taamaalillutik illoqarfimmut illoqarfimmiillu timmisartuussinissat pilersaarutigineqartut ingerlanneqarsinnaalerlutik. Immikkoortup aappaani mittarfiup illoqarfiullu akornanni utaqqiisaasumik aqqusinniortoqarpoq, aappaagu aasap tungaanut, ataavarnerusumik aaqqiissutissamik sanaartortoqarsinnaalernissaanut, atorneqarsinnaasumik.
Immikkoortup aappaa maannakkut naammassineqareerpoq aammalu illoqarfimmi najukkami sanaartugassanik suliassinneqartartup atortussat illoqarfimmi uninngasuutigineqartut atorlugit Qaanaap illoqarfiata mittarfiullu akornanni aqqusinniorneq iluatsittumik suliaraa.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Qaanaami najukkami entreprenøri, sukkasuumik nutaaliorlunilu illoqarfiup mittarfiullu akornanni nutaamik aqqusinniorluni iluatsittumik suliarinnittoq, qutsavigerujussuarparput. Aqqusineq nutaaq taanna Qaanaami innuttaasunut pingaaruteqartorujussuuvoq aammalu inaarutaasumik aqqusinniortoqarsinnaalernissaata tungaanut taakkua mittarfimmukarsinnaanissaat mittarfimminngaaniillu aqqutissaqarsinnaanissaat qulakkeertussaallugu.”
Ineqarnermut Attaveqaasersuutinullu Naalakkersuisoqarfiup aappaagu aasap tungaanut ataavartussamik aaqqiissuteqarnissamut sukumiisunik paasissutissiiumaarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl