Imeruersaatit puui pillugit nalunaarut nutaaq

Naalakkersuisut imeruersaatit puui pillugit nalunaarut nutaaq aalajangerpaat.

Novemberi 2022 naalersoq aalajangerneqarpoq imeruersaatit puui allanngortinneqassasut, immiaaqqat sodavandillu assigiinngitsorpassuarnik pooqarlutik tuniniaanissaq periarfissinneqarluni, taakku utertitsisarnermut periutsimut ilaasinnaappata.

Nalunaarutip nutaap akuerineqarneratigut puukunik utertitsisarnermut periutsimut nioqqutissat amerlanerungaatsiartut ilaalissapput. Siunissaq eqqarsaatigalugu puiaasap utertitap akianik pissarsisoqartalissaaq:

• Immiaaqqat tamarmik – imigassap silaarunnartuata procentia apeqqutaatinnagu
• Imeruersaatit kulsyretalinnik akullit, ilaallutik sodavandit, energidrikkit, ciderit aamma alkopopsinik taaneqartartut (sodavandit imigassamik akullit).
• Imeruersaatit kulsyretaqanngitsut, ilaallutik puilasup ernga, lemonade, iste il.il.
• Saftiliassat imaluunniit paarnanik imaluunniit naatitanik juiceliat puukui utertitsisarnermut periutsimut aamma ilaalissapput.

Utertitsisarnermi periutsip nutaap qulakkiissavaa puukut ikittuinnaat pinngortita-mut pinissaat.

”Maanna silarsuarmi pissartaareerpugut immiaaqqat sodavandillu puukuinik utertitat procentinngorlugu qaffasissutaatigut. Utertitsinermi periutsip nutaap atulerneratigut neriuppunga innuttaasut puukunik utertitsisarnertik ingerlatiin-nassagaat, taamaalillutillu pinngortitatsinnik avatangiisitsinnillu paarseqataallutik” Kalistat Lund, Nunalerinermut, Imminut Pilersornermut, Nukissiuutinut Avatangiisinullu Naalakkersuisoq oqarpoq.

Nalunaarut nutaaq uani takuneqarsinnaavoq: [link], tassani aamma taku-neqarsinnaavoq nappartaaqqat, puut 0,125 inorlugu imaluunniit 4,9 liter qaangerlugu imaqarsinnaasut, puiaasat viinnit imigassallu puukui, immunnik sanaat puukui kiisalu dunkit utertitsinermi periutsimi nutaami ilaanngitsut.

Paasisaqarnerorusukkuit attavigiuk: Departementchefi Natuk Lund Olsen oqarasuaat 34 64 76 imaluunniit e-mailikkut: natl@nanoq.gl