AtuartigukKalistat Lundip innuttaasut nunatsinni erngup nukinganut isumalluutit annertuut neqerooruteqartitsivigineqarnissaat pillugu oqaloqatigiinnissamut qaaqquai
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Naalakkersuisoq Kalistat Lund nunatsinni erngup nukinganut isumalluutit annersaasa unammilleqatigiissitsivigineqarnerini killiffiit pillugit oqaluttuassaaq, aammalu Maniitsumi eqqaanilu nunaqarfinni innuttaasut tusarnaassallugit.
Naalakkersuisuniit nunarsuarmi sumiiffippassuit, Tasersuami aamma Tarsartuup Tasersuani erngup nukinganut isumalluutit, nunatsinni annersaasut atornissaannik soqutiginnittut oqaloqatigineqarput.
Erngup nukinganut isumalluutit atorneqarnerat inuiaqatigiinnik ineriartortitseqataassaaq, mingutsitsinngitsunillu allannguinissamut iluaqutaassallutik.
Taamaattumik Naalakkersuisoq Kalistat Lund Atammimmut, Napasumut, Kangaamiunut Maniitsumullu angalassaaq, unammilleqatigiissitsineq oqaluttuariniarlugu, aammalu innuttaasut tusarnaarniarlugit apeqqutaallu akissuteqarfiginiarlugit.
”Naalakkersuisuniit Kalaallit Nunaanniit erngup nukinganut aningaasaliissutissat qujarunneqarput. Erngup nukinganut isumalluutit annertuut, ingerlatseqatigiiffinnit avataaneersunit pilerigineqarsinnaasut pigaavut. Erngup nukinganik atuineq nunatsinnut najukkanilu innuttaasunut iluaqutaassaaq. Taamaattumik ingerlatseqatigiiffiit suliassanik, nunatsinnut naleqquttunik, aammalu inuiaqatigiinnik ineriartortitsisussanik saqqummiissapput. Erngup nukinganut isumalluutit tamatta ataatsimoorluta pigaagut – taamaattumik najukkani inuiaqatigiit tusarnaarnissaat, aammalu kissaataat annilaangassutaallu pillugit tusagaqarnissaq uannut pingaaruteqarpoq. Angalanissannut qilanaarpunga”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Naalakkersuisup Kalistat Lundip 18. – 21. september 2023-mi Atammimmi, Napasumi, Kangaamiuni Maniitsumilu innuttaasut naapissavai.
Tunngavigisaq
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund 2022-mi nalunaaruteqarpoq, Kalaallit Nunaanniit ingerlatseqatigiiffiit Tasersiami aamma Tarsartuup Tasersuani erngup nukinganut isumalluutinik angisunik atuinissamut neqerooruteqarnissamut pilerisaarneqarnissaat kissaatigineqartoq.
Naalakkersuisuniit ingerlatseqatigiiffiit, erngup nukinganik atuisinnaatitaalernissaq pillugu unammilleqatigiissinneqartussat oqaloqatigineqarput. Unammilleqatigiissitsineq ingerlatseqatigiiffinnut tamanut assigiimmik atugassaqartitsiviussaaq. Unammilleqatigiissitsinermi Kalaallit Nunaata aningaasaliisussamut, Kalaallit Nunaannut isumaqatigiissummik pitsaanerpaamik angusaqartitsiviusussamut isumaqatigiissusiorsinnaanissaq anguneqassaaq.
Ingerlatseqatigiiffiit suliassamut ataatsimoortumut, erngup nukinganut isumalluutinik atuiffiusussamut aammalu tunitsiveqarnissamik, sarfamik mingutsitsinngitsumik atuisussamik pilersitsiviusussamut neqerooruteqassapput. Tunitsivissaq tassaasinnaavoq suliffissuaq, ikummatissanik mingutsitsinngitsunik tunisassiorfik power-to-X-imik atuisoq. Ingerlatseqatigiiffinnut suliassaavoq angisooq pisariusorlu, kisiannili ingerlatseqatigiiffiit arlallit soqutiginninnerminnik takutitsipput.
Naalakkersuisut neqerooruteqartitsinissamut najoqqutassianik suliaqarput aammalu ingerlatseqatigiiffinnut soqutiginnittunut ingerlaavartumik attaveqarlutik.
Unammilleqatigiissitsinermi ajugaasup misissuinerit, suliassap isumannaatsuuneranik uppernarsarluagaasunillu tunngaveqarneranik takutitsisussat suliarinerinut suli ukiut pingasut missaat atussavai.
Unammilleqatigiissitsineq takuuk, uani
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen tlf.: +299 346476-imut imaluunniit pan@nanoq.gl aqqutigalugu attaveqarfigineqassaaq.
Naalakkersuisuniit nunarsuarmi sumiiffippassuit, Tasersuami aamma Tarsartuup Tasersuani erngup nukinganut isumalluutit, nunatsinni annersaasut atornissaannik soqutiginnittut oqaloqatigineqarput.
Erngup nukinganut isumalluutit atorneqarnerat inuiaqatigiinnik ineriartortitseqataassaaq, mingutsitsinngitsunillu allannguinissamut iluaqutaassallutik.
Taamaattumik Naalakkersuisoq Kalistat Lund Atammimmut, Napasumut, Kangaamiunut Maniitsumullu angalassaaq, unammilleqatigiissitsineq oqaluttuariniarlugu, aammalu innuttaasut tusarnaarniarlugit apeqqutaallu akissuteqarfiginiarlugit.
”Naalakkersuisuniit Kalaallit Nunaanniit erngup nukinganut aningaasaliissutissat qujarunneqarput. Erngup nukinganut isumalluutit annertuut, ingerlatseqatigiiffinnit avataaneersunit pilerigineqarsinnaasut pigaavut. Erngup nukinganik atuineq nunatsinnut najukkanilu innuttaasunut iluaqutaassaaq. Taamaattumik ingerlatseqatigiiffiit suliassanik, nunatsinnut naleqquttunik, aammalu inuiaqatigiinnik ineriartortitsisussanik saqqummiissapput. Erngup nukinganut isumalluutit tamatta ataatsimoorluta pigaagut – taamaattumik najukkani inuiaqatigiit tusarnaarnissaat, aammalu kissaataat annilaangassutaallu pillugit tusagaqarnissaq uannut pingaaruteqarpoq. Angalanissannut qilanaarpunga”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Naalakkersuisup Kalistat Lundip 18. – 21. september 2023-mi Atammimmi, Napasumi, Kangaamiuni Maniitsumilu innuttaasut naapissavai.
Tunngavigisaq
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund 2022-mi nalunaaruteqarpoq, Kalaallit Nunaanniit ingerlatseqatigiiffiit Tasersiami aamma Tarsartuup Tasersuani erngup nukinganut isumalluutinik angisunik atuinissamut neqerooruteqarnissamut pilerisaarneqarnissaat kissaatigineqartoq.
Naalakkersuisuniit ingerlatseqatigiiffiit, erngup nukinganik atuisinnaatitaalernissaq pillugu unammilleqatigiissinneqartussat oqaloqatigineqarput. Unammilleqatigiissitsineq ingerlatseqatigiiffinnut tamanut assigiimmik atugassaqartitsiviussaaq. Unammilleqatigiissitsinermi Kalaallit Nunaata aningaasaliisussamut, Kalaallit Nunaannut isumaqatigiissummik pitsaanerpaamik angusaqartitsiviusussamut isumaqatigiissusiorsinnaanissaq anguneqassaaq.
Ingerlatseqatigiiffiit suliassamut ataatsimoortumut, erngup nukinganut isumalluutinik atuiffiusussamut aammalu tunitsiveqarnissamik, sarfamik mingutsitsinngitsumik atuisussamik pilersitsiviusussamut neqerooruteqassapput. Tunitsivissaq tassaasinnaavoq suliffissuaq, ikummatissanik mingutsitsinngitsunik tunisassiorfik power-to-X-imik atuisoq. Ingerlatseqatigiiffinnut suliassaavoq angisooq pisariusorlu, kisiannili ingerlatseqatigiiffiit arlallit soqutiginninnerminnik takutitsipput.
Naalakkersuisut neqerooruteqartitsinissamut najoqqutassianik suliaqarput aammalu ingerlatseqatigiiffinnut soqutiginnittunut ingerlaavartumik attaveqarlutik.
Unammilleqatigiissitsinermi ajugaasup misissuinerit, suliassap isumannaatsuuneranik uppernarsarluagaasunillu tunngaveqarneranik takutitsisussat suliarinerinut suli ukiut pingasut missaat atussavai.
Unammilleqatigiissitsineq takuuk, uani
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen tlf.: +299 346476-imut imaluunniit pan@nanoq.gl aqqutigalugu attaveqarfigineqassaaq.