Greenland Minerals A/S-ip ilassutitut qinnuteqaataata itigartinneqarnerata tamanut saqqummiunneqarnera

Ulloq 7. september 2023 Naalakkersuisut Greenland Minerals A/S-ip Kuannersuarni aatsitassanik piiaanissamut qinnuteqaataata aappaa itigartippaat.

Aalajangiineq matumuuna kalaallisut, danskisut tuluttullu linkimi matumani tamanut saqqummiunneqarpoq

Tamanut saqqummiussinissamut, qinnuteqartup tamanut saqqummiussinissamut akerliliissuteqarsinnaanera, utaqqimaarneqarsimavoq.

Qinnuteqaatip aappaa Kuannersuarni peqarfimmi piiaanissamut pilersaarummik iluarsisamik imaqarpoq, tassani urani niuerutigineqartussatut piiarneqartussaanani, kisianni sinnikutut suliarineqartussaalluni aammalu tailingsinut tatsimut sinnikunut allanut ilanngullugu kuutsinneqartussaalluni.

Kuannersuarni peqarfik oqimaassuseq aallaavigalugu uranimik 300 ppm-imik akoqartutut nalilerneqarpoq.

Inatsisartut 2021-mi ukiaanerani ataatsimiinnerminni uranimik il. il., misissueqqaarnermut, ujaasinermut piiaanermullu inerteqquteqarneq pillugu Inatsisartut inatsisaata akuerineqarnerata kingorna, peqarfimmi uranimik 100 ppm sinnerlugu akulimmik piiaanissamut akuersissummik tunniussisoqarsinnaajunnaarpoq. Tamanna inatsimmi § 1, imm. 2-mut akerliusussaavoq.

Tamanna tunngavigalugu Naalakkersuisut qinnuteqaat itigartippaat, tassami qinnuteqaat uranimik piiaanissaq pillugu inatsimmut akerliummat. Naalakkersuisut taamatuttaaq naliliipput itigartitsineq taarsiissutitalimmik pigisamik arsaarinninnerunngitsoq.

Attaveqarfissaq: Jørgen T. Hammeken-Holm, joeh@nanoq.gl, +299 34 68 46