AtuartigukKommunit aaqqissugaanerat ukkatarineqarpoq
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut NaalakkersuisoqarfikPolitikkikkut ataqatigiissaarisut kingullermik naapinnerminni isumaqatigiissutigivaat kommunit aaqqissugaanerat nalilersorniarlugu suleqatigiissitamik pilersitsisoqassasoq, ilaatigut kommuninut suliassanik nuussinermik kiisalu innuttaasunik sullissinerup nalilersuiffigineqarnissaa ukkatarineqassalluni.
”Ullumi ataatsimiinnitsinni oqallittoqangaatsiarpoq, taamaattorli suleqatigiissitap suliani ingerlateqqissangaa isumaqatigiissutigineqarpoq, ilaatigullu aningaasartuutinut tunngasut misissuiffigineqassapput. Qanimut oqartussaaqatigiinnerup nukittorsarneqarnissaa kiisalu innuttaasunut sullissinermi aaqqiissutissanik pitsaanerpaamik nassaartoqarnissaata politikkikkut oqallisigineqaqqinnissaa isumaqatigiissutigineqarpoq”, Isumaginninnermut, Suliffeqarnermut Nunamullu Namminermut Naalakkersuisoq Jess Svane oqarpoq.
Politikkikkut ataqatigiissaarisut suliaqarneq tunngaviusunit makkunannga tunngaveqassasoq isumaqatigiissutigivaat:
- Innuttaasoq qitiutillugu
- Inatsisitigut isumannaatsuuneq qaffassarlugu
- Qanimut oqartussaaqatigiinneq nukittorsarlugu
Sukumiinerusumik paasisaqarusukkuit Naalakkersuisup allattaa saaffigiuk, Helene S. Pedersen, telefon 345611, mail: hspd@nanoq.gl