AtuartigukNaalakkersuisut spiralilersuisimaneq pillugu suliami pineqartunut tapersersuipput aamma peqqissaartumik qulaajaasoqarnissaa kissaatigaat
Nassiussisuuvoq: Peqqissutsimut Naalakkersuisoqarfik
Spiralilersuisoqarsimanera pillugu suliamik qulaajaanermi ilisimatooqatigiit ippassaq 7. september Nuummi Ilisimatusarfimmi siullermeerlutik innuttaasunik ataatsimiitsitsipput. Aamma tassunga tunngatillugu ilisimatooqatigiit sulinissamut pilersaarutertik saqqummiuppaat. Ataatsimiigiarluartoqarpoq qulaajaanerullu aallartinneranut annertussusaanullu apeqqutit oqaaseqaatillu amerlapput.
Peqqissutsimut Naalakkersuisoq Mimi Karlsen, ataatsimiinnermi peqataasoq oqarpoq:
"Arnanut pineqartunut pingaarutilimmik oqariartuuteqarpunga. Nalussanngilarsi pimoorunneqarassi. Tapersersorpatsigit. Aamma oqaluttuasi upperaavut!
Innarlerneqarsimanersi pillugu sassarlusi oqaluttuarnissassinnut sapiissuseq pisariaqarpoq tamannalu pillugu nersualaarusuppassi. Tamatuma peqatigisaanik pineqartut oqaluttuaminnik oqaluttuarniarlutik attaveqarfissanut pilersinneqarsimasunut atuinissaannut kajumissaarusuppakka, taamaalillutik ilisimatuut susoqarsimanera pillugu sulinerminni takussutissanik naammattunik pissarsisinnaaniassammata.
Nangillunilu oqarpoq:
“Ilisimatooqatigiit tulliani ulloq 27. septemberimi Odensemi innuttaasunik ataatsimiitsitsissapput, tassanilu aamma peqataassamaarpunga neriuppungalu suleqatiga qallunaaq, nunamut namminermut peqqissutsimullu ministeri aamma taamaaliorumaartoq.”
Paasisaqarnerorusukkuit Naalakkersuisup allattaa Naja Lynge- Petersen attaveqarfigisinnaavat, e-mail: nalp@nanoq.gl imaluunniit oqarasuaammut uunga +299 34 66 41.
Peqqissutsimut Naalakkersuisoq Mimi Karlsen, ataatsimiinnermi peqataasoq oqarpoq:
"Arnanut pineqartunut pingaarutilimmik oqariartuuteqarpunga. Nalussanngilarsi pimoorunneqarassi. Tapersersorpatsigit. Aamma oqaluttuasi upperaavut!
Innarlerneqarsimanersi pillugu sassarlusi oqaluttuarnissassinnut sapiissuseq pisariaqarpoq tamannalu pillugu nersualaarusuppassi. Tamatuma peqatigisaanik pineqartut oqaluttuaminnik oqaluttuarniarlutik attaveqarfissanut pilersinneqarsimasunut atuinissaannut kajumissaarusuppakka, taamaalillutik ilisimatuut susoqarsimanera pillugu sulinerminni takussutissanik naammattunik pissarsisinnaaniassammata.
Nangillunilu oqarpoq:
“Ilisimatooqatigiit tulliani ulloq 27. septemberimi Odensemi innuttaasunik ataatsimiitsitsissapput, tassanilu aamma peqataassamaarpunga neriuppungalu suleqatiga qallunaaq, nunamut namminermut peqqissutsimullu ministeri aamma taamaaliorumaartoq.”
Paasisaqarnerorusukkuit Naalakkersuisup allattaa Naja Lynge- Petersen attaveqarfigisinnaavat, e-mail: nalp@nanoq.gl imaluunniit oqarasuaammut uunga +299 34 66 41.