AtuartigukImminut pilersorneq aammalu Kalaallit Nunaanni najukkani inuussutissanik tunisassiorneq qanoq annertusitissavagut?
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pingasunngorneq ulloq 6. september, akeqanngitsumik qarasaasiatigoortumik sammisaqartitsinikkut ingerlanneqatussamut tamanna akissutissarsisinnaavat.
”Imminut pilersorneq Kalaallit Nunaata siunissaani pingaaruteqarluinnartunut ilaasutut isigaara. Imminut pilersornermik ileqqoqarnerput tulluusimaarutigisarput attatiinnassavarput nukittorsassallugulu. Tassami imminut pilersornerulernissamut eqqussuinnginnerulernissamullu tamatta peqataassaagut. Sammisaqartitsinerup ingerlanneqarnera neriuutigaara, imminut pilersornerulernissap tungaanut ingerlaarnitsinni – tamatumalu ataatsimoorluta ingerlannissaanut – tassunga tapersiinissamut, ulluinnatsinni annikitsunik annertuunillu alloriarnissamut tamatta isumassarsiorfigissagipput”, taama oqarpoq Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund.
Sammisaqartitsinermi saqqummiisussanit, imminut pilersornermik misilittagalinnit, saqqummiinerit isumassarsiorfissat arfineq marluussapput. Uummannami kukkukuuaraateqarneq, nunatsinni pinngortitami naatitanik naatsitsineq, qimminut qimuttunut nerukkaatissat piniakkaniit savaaqqaniillu sinnikut atorlugit tunisassiarineqartut pillugit saqqummiisoqassaaq kiisalu Canadami Inuvimmi niuerutigineqartussanut illu naatitsivik avannarpasinnerpaami inissisimasoq pillugu marluk saqqummiissallutik. Tassani taanna Qaasuitsup killeqarfiata avannaani 200 km-inik ungasissusilimmiikkaluartoq naasut, naatitat inerititallu ukioq tamaat tunisassiarineqartarput.
Sammisaqartitsinikkut ingerlanneqartussamut takunissarsi qilanaaraarput. Paasissutissanik annertunerusunik piniaruit peqataanissamullu nalunaarniaruit, una tooruk.
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen tlf.: 346476-mut imaluunniit e-mail: natl@nanoq.gl imaluunniit pan@nanoq.gl aqqutigalugit attaveqarfigineqassaaq.