AtuartigukUmiarsuarnut takornariartaatinut ilaasut akileraarutaannik 1. januar 2024-mit atuutilersitseqqinneq
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Naalakkersuisut inatsisissatut siunnersuutip tusarniutigineqarneranut atatillugu tusarniaanermi akissutit arlallit pitsaasut anguniagaqarfiusullu tiguaat.
Siunnersuut tamanna tunngavigalugu naleqqussarneqarpoq pitsanngortinneqarlunilu, Naalakkersuisullu peqatigitillugu aalajangiipput inatsisip atuutilersinneqarnissaa 1. januaari 2024-mut siuartinneqassasoq.
Umiarsuarnut takornariartaatinut ilaasut akileraarutaat aamma umiarsuit takornariartaatit umiarsualivimmiinnermut akileraarutaat qaffanneqartut pisortat isertitaat allat assigalugit Nunatta Karsianut nakkartinneqartassapput. Ilimagineqarpoq isertitat qaffaassutaat politikkikkut pingaarnersiuinerup kingorna ilaatigut umiarsualivinnik aserfallatsaaliuinerup annertusinissaanut atorneqassasut.
Siunnersuut kommunit umiarsuarni takornariartaatini ilaasut akiliutaannik isertitaqarnissamut periarfissaqarnerannik aamma imaqarpoq. Kommunit sumiiffiit avatangiisinut aserfallatsaaliuinermullu nutaamik akiliiffiusussat toqqassavaat nalunaarutigalugillu. Akiliutit siunnersuut naapertorlugu nunaligussinermi ataatsimi ilaasumut ataatsimut annerpaamik 50 kr.-ussasut aalajangerneqarpoq.
Naalakkersuisut siunnersuut Inatsisartunut nassiunnikuuat – maannakkullu Inatsisartuni suliassanngortillugu.
Annertunerusumik paasisaqarusunnermi saaffigineqarsinnaavoq Aningaasaqarnermut Naligiissitaanermullu Naalakkersuisoqarfimmi Siunnersortaaneq Marie Færch Toqq. 34 54 08, mail
marf@nanoq.gl