AtuartigukQaanaap illoqarfiata mittarfiatalu akornanni assartuinissamut aaqqiissuteqarallarneq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Pingasunngormat aggustip 23-ani tusagassiorfinnut nalunaarutigineqartutut, Qaanaap illoqarfiata mittarfiatalu akornanni aqqusineq annertuumik ajoqusersimavoq.
Inuit, orsussaq, upalungaarsimasut il.il. illoqarfiup mittarfiullu akornanni assartorneqarsinnaaqqullugit aaqqiissutaagallartussat saqqummiunneqarlutik Ineqarnermut Attaveqaasersuutinullu Naalakkersuisoqarfik, Air Greenland A/S, Mittarfeqarfiit A/S aamma Avannaata Kommunia sisamanngormat aggustip 24-ani ataatsimeeqatigiipput. Illoqarfimmi entreprenøri suleqatigalugu aaqqiissutaagallartussat inissinneqarput, marlunnillu immikkoortoqarlutik.
Immikkoortoq siullermi mittarfiup illoqarfiullu akornanni ajornartoornermi aqqusiisoqarallassaaq. Sila patsisaalluni ajornartoornermi aqqusiaagallartoq isumannaarneqassaaq, timmisartumillu mittoqarnerit tamaasa iluarsaanneqartassalluni. Mittarfeqarfiit A/S ataqatigiissaareqatigilluinnarlugu tamanna najukkami entreprenørip isumagisarissavaa. Ajornartoornermi aqqusiaagallartoq massakkut biilinit firhjulstrækiusunit taamaallaat ingerlavigineqarsinnaavoq, biilinillu orsussanik assartuutinit ingerlavigineqarsinnaanani. Tamannali sapaatip akunnerata tulliani, orsussamillu illoqarfimmit mittarfimmut assartuisoqarnissaa pisariaqalersinnagu aaqqiissuteqarfigineqassasoq naatsorsuutigineqarpoq.
Mittarfiup illoqarfiullu akornanni atajuartussamik aappaagu aasaanerani aqqusiortoqarsinnaalernissaata tungaanut atasinnaasussamik, immikkoortup aappaani aqqusiortoqarallassaaq.
Aaqqiissutaagallartussami inissitassat kingulliit, Ineqarnermut Attaveqaasersuutinullu Naalakkersuisoqarfiup najukkami entreprenøri peqatigalugu qulaajaleruttorpai. Biilit oqimaatsut aqqusiaagallartussakkoorsinnaanissaat, upernaarulu aattulernerani aqquserngup ajoqusinnginnissaa tassani pingaartinneqarpoq.
Taamaalilluni siuliani illuatungeriit naatsorsuutigaat, illoqarfimmut illoqarfimmiillu pilersaarutaasumik timmisartuussinissat ingerlanneqarsinnaassasut.
Nutaarsiassat attuumassuteqartut Ineqarnermut Attaveqaasersuutinullu Naalakkersuisoqarfiup tusagassiutinut nalunaarutigisassavai.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Inuit, orsussaq, upalungaarsimasut il.il. illoqarfiup mittarfiullu akornanni assartorneqarsinnaaqqullugit aaqqiissutaagallartussat saqqummiunneqarlutik Ineqarnermut Attaveqaasersuutinullu Naalakkersuisoqarfik, Air Greenland A/S, Mittarfeqarfiit A/S aamma Avannaata Kommunia sisamanngormat aggustip 24-ani ataatsimeeqatigiipput. Illoqarfimmi entreprenøri suleqatigalugu aaqqiissutaagallartussat inissinneqarput, marlunnillu immikkoortoqarlutik.
Immikkoortoq siullermi mittarfiup illoqarfiullu akornanni ajornartoornermi aqqusiisoqarallassaaq. Sila patsisaalluni ajornartoornermi aqqusiaagallartoq isumannaarneqassaaq, timmisartumillu mittoqarnerit tamaasa iluarsaanneqartassalluni. Mittarfeqarfiit A/S ataqatigiissaareqatigilluinnarlugu tamanna najukkami entreprenørip isumagisarissavaa. Ajornartoornermi aqqusiaagallartoq massakkut biilinit firhjulstrækiusunit taamaallaat ingerlavigineqarsinnaavoq, biilinillu orsussanik assartuutinit ingerlavigineqarsinnaanani. Tamannali sapaatip akunnerata tulliani, orsussamillu illoqarfimmit mittarfimmut assartuisoqarnissaa pisariaqalersinnagu aaqqiissuteqarfigineqassasoq naatsorsuutigineqarpoq.
Mittarfiup illoqarfiullu akornanni atajuartussamik aappaagu aasaanerani aqqusiortoqarsinnaalernissaata tungaanut atasinnaasussamik, immikkoortup aappaani aqqusiortoqarallassaaq.
Aaqqiissutaagallartussami inissitassat kingulliit, Ineqarnermut Attaveqaasersuutinullu Naalakkersuisoqarfiup najukkami entreprenøri peqatigalugu qulaajaleruttorpai. Biilit oqimaatsut aqqusiaagallartussakkoorsinnaanissaat, upernaarulu aattulernerani aqquserngup ajoqusinnginnissaa tassani pingaartinneqarpoq.
Taamaalilluni siuliani illuatungeriit naatsorsuutigaat, illoqarfimmut illoqarfimmiillu pilersaarutaasumik timmisartuussinissat ingerlanneqarsinnaassasut.
Nutaarsiassat attuumassuteqartut Ineqarnermut Attaveqaasersuutinullu Naalakkersuisoqarfiup tusagassiutinut nalunaarutigisassavai.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl