AtuartigukPeqqinnissaqarfik sulisoqarniarnikkut unammilligassaqartoq
Nassiussisuuvoq: Peqqissutsimut Naalakkersuisoqarfik
Peqqinnissaqarfik qaammatini aggersuni sulisoqarniarnikkut annertoorujussuarnik unammilligassaqarpoq. Nunap immikkoortuini peqqinnissaqarfiit aamma Dronning Ingridip Napparsimmavissua aasap ingerlanerani sulisoqarniarnikkut ilungersunartorsiortussaapput.
Tamatumunnga pissutaavoq aasaanerani sulisussarsiornermi immikkut ittumik ajornartorsiuteqartoqartarnera, tamanna suliassanik napparsimasunillu isumaginninniarnermut sunniuteqartussaavoq. Piffissani peqqinnissakkut sullissisussanik atorfinitsitsisinnaannginnermi, nunap immikkoortuini aamma Dronning Ingridip Napparsimavissuani piffinni immikkuullarissuni peqqinnissakkut sullissinneq naleqqussartariaqalernissaanik kinguneqassaaq.
Peqqinnissaqarfimmi sulisussarsiornerup pitsanngorsarnissaa anguniarlugu sulisussarsiornermi suliniutit annertusarneqarput kiisalu taartaasussarsiortarfinniit peqqinnissakkut sulisussarsiortoqarpoq. Naak sulisussarsiorneq annertusarneqareeraluartoq aasap ingerlanerani Peqqinnissaqarfiup ingerlataasa qaffasissussaat attatiinnarniarlugu naammattunik sulilersitsisoqarsinnaasimanngilaq. Innuttaasut sapinngisamik ikinnerpaamik pisumut sunnerneqarniassammata, Peqqinnissaqarfiup sulisussarsiornermut inissisimaffik tamaviaarlutik sulissutiginiarpaat. Peqqinnissaqarfiup 2023-mi aasap ingerlanerani inissisimaffissaa iliuuseqarfiginiarlugu suliniutit arlallit aallartinneqartariaqarput. Peqqissutsimut Naalakkersuisoqarfik Peqqinnissaqarfillu sulisoqarniarnikkut inissisimaneq pillugu paasissutissiisassapput.
Peqqinnissaqarfimmi suliniutissaq:
1. Nunap immikkoortuini Peqqinnissaqarfimmut pullaviit periarfissallu allanngortinneri:
Nunap immikkoortuini tamani sulisussarsiornikkut ajornartorsiuteqartoqarpoq, nunalli immikkoortui ilaat annertunerusumik sulisussarsiornikkut ajornartorsiornerupput. Pinarnerusut salliutinneqartariaqassapput, ilungersunannginnerusullu kinguartinneqartariaqassallutik. Nunat immikkoortuinut tamanut atuuttoq tassaavoq sulisoqarniarneq annikinnerusoq, taamaattumillu piffissat ilaanni innuttaasut Peqqinnissaqarfimmut ileqquusunit allaanerusunit innersuunneqartassapput. Assersuutigalugu nal. sisamat kingorna najukkami peqqinnissaqarfimmut pinnani nunap immikkoortuani napparsimaveqarfimmut qaninnerpaamut saaffiginneqquneqassaaq. Innuttaasut eqqugaasut ilisimatinneqarniassammata nalimmassaanerit najukkami Peqqinnissaqarfimmut nalunaarutigineqarumaarput.
2. Nunap immikkoortuini napparsimmavinnut, Nuummut aamma Danmarkimut napparsimasunik nuussinerit amerlanerit
Piffissat ilaanni peqqissaavinni/nunap immikkoortuini napparsimmavinni/Dronning Ingridip Napparsimmavissuani nakorsat peqqissaasullu ikinneranni imaluunniit sulisorineqannginneranni, napparsimasut amerlanerit nuutsinneqartariaqarnerat aamma qimarngunneqartariaqarnerat naatsorsuutigineqartariaqarpoq.
3. Erninerit Nuummi katersoqqinneqassapput
Nunap immikkoortuani napparsimmavimmi illersorneqarsinnaasumik erninissamut upalungaarsimasoqarnissamut sulisunik pisariaqartunik peqanngippat arnat naartusut Dronning Ingridip Napparsimmavissuani erniartornissaat piffissani pisariaqarsinnaavoq. Tamanna minnerpaamik Ilulissani Nunap Immikkoortuani Napparsimmavimmut aamma Qaqortumi Nunap Immikkoortuani Napparsimmavimmut atuunnissaa naatsorsuutigineqarpoq.
4. Sumiiffiup avataani suliat annikinnerulerneri
Nakorsiartitsinermut naammattunik sulisussaqanngippat tamatumalu peqatigisaanik nunap immikkoortuini napparsimmaviit aamma peqqissaaviit sulisoqaannarnissaat attanniarlugu nunaqarfinni nakorsiartitsinerit kinguartinneqassapput imaluunniit taamaatinneqassapput. Nunaqarfinni innuttaasut piffissani pineqartuni qarasaasiakkut nakorsiartitsineq aqqutigalugu kiffartuunneqarsinnaassapput. Tamatuma saniatigut piffissat ilaanni sapertut angerlarsimaffiinut ornigunneq annikillineqassapput.
5. Dronning Ingridip Peqqissaaviani tatisimanninnerup annertusinera
Nuummi Dronning Ingridip Peqqissaavia aamma sulisoqarniarnikkut unammilligassaqarpoq. Dronning Ingridip Peqqissaaviata peqqissaavinnut nakorsaqanngitsunut qarasaasiakkut nakorsiartitsisarneq aqqutigalugu ikiuunnerani Dronning Ingridip Peqqissaavia aamma tatisimaneqassaaq. Saaffiginnittut amerlassusaat naapertuuttutut nalilerneqaraluartut, maannangaaq sulisut innuttaasut ullaakkut oqarasuaat 80 11 11-mut saaffiginnittut tamarmik uterfigalugit sianerfigisinnaanngilaat. Saaffiginnissutit pinasuartut utaqqisinnaanngitsullu ajoqusersimasut inaanniit isumagineqartassapput.
Najukkami nalimmassaanerit pillugit Peqqinnissaqarfik innuttaasunut ataavartumik ilisimatitsissutigineqartassaaq. Assersuutigalugu peqqinnissakkut sullissinissat pillugit attaveqaatissanut allannguutaasinnaapput. Paasissutissat Peqqinnissaqarfiup tamanut attaveqaataasigut najukkami peqqinnissaqarfimmiit innuttaasunut ingerlateqqinneqartassapput. Innuttaasut nakorsartinnissaminnut allannguuteqartussat allannguutit pillugit saaffigineqarumaarput.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41.
Tamatumunnga pissutaavoq aasaanerani sulisussarsiornermi immikkut ittumik ajornartorsiuteqartoqartarnera, tamanna suliassanik napparsimasunillu isumaginninniarnermut sunniuteqartussaavoq. Piffissani peqqinnissakkut sullissisussanik atorfinitsitsisinnaannginnermi, nunap immikkoortuini aamma Dronning Ingridip Napparsimavissuani piffinni immikkuullarissuni peqqinnissakkut sullissinneq naleqqussartariaqalernissaanik kinguneqassaaq.
Peqqinnissaqarfimmi sulisussarsiornerup pitsanngorsarnissaa anguniarlugu sulisussarsiornermi suliniutit annertusarneqarput kiisalu taartaasussarsiortarfinniit peqqinnissakkut sulisussarsiortoqarpoq. Naak sulisussarsiorneq annertusarneqareeraluartoq aasap ingerlanerani Peqqinnissaqarfiup ingerlataasa qaffasissussaat attatiinnarniarlugu naammattunik sulilersitsisoqarsinnaasimanngilaq. Innuttaasut sapinngisamik ikinnerpaamik pisumut sunnerneqarniassammata, Peqqinnissaqarfiup sulisussarsiornermut inissisimaffik tamaviaarlutik sulissutiginiarpaat. Peqqinnissaqarfiup 2023-mi aasap ingerlanerani inissisimaffissaa iliuuseqarfiginiarlugu suliniutit arlallit aallartinneqartariaqarput. Peqqissutsimut Naalakkersuisoqarfik Peqqinnissaqarfillu sulisoqarniarnikkut inissisimaneq pillugu paasissutissiisassapput.
Peqqinnissaqarfimmi suliniutissaq:
1. Nunap immikkoortuini Peqqinnissaqarfimmut pullaviit periarfissallu allanngortinneri:
Nunap immikkoortuini tamani sulisussarsiornikkut ajornartorsiuteqartoqarpoq, nunalli immikkoortui ilaat annertunerusumik sulisussarsiornikkut ajornartorsiornerupput. Pinarnerusut salliutinneqartariaqassapput, ilungersunannginnerusullu kinguartinneqartariaqassallutik. Nunat immikkoortuinut tamanut atuuttoq tassaavoq sulisoqarniarneq annikinnerusoq, taamaattumillu piffissat ilaanni innuttaasut Peqqinnissaqarfimmut ileqquusunit allaanerusunit innersuunneqartassapput. Assersuutigalugu nal. sisamat kingorna najukkami peqqinnissaqarfimmut pinnani nunap immikkoortuani napparsimaveqarfimmut qaninnerpaamut saaffiginneqquneqassaaq. Innuttaasut eqqugaasut ilisimatinneqarniassammata nalimmassaanerit najukkami Peqqinnissaqarfimmut nalunaarutigineqarumaarput.
2. Nunap immikkoortuini napparsimmavinnut, Nuummut aamma Danmarkimut napparsimasunik nuussinerit amerlanerit
Piffissat ilaanni peqqissaavinni/nunap immikkoortuini napparsimmavinni/Dronning Ingridip Napparsimmavissuani nakorsat peqqissaasullu ikinneranni imaluunniit sulisorineqannginneranni, napparsimasut amerlanerit nuutsinneqartariaqarnerat aamma qimarngunneqartariaqarnerat naatsorsuutigineqartariaqarpoq.
3. Erninerit Nuummi katersoqqinneqassapput
Nunap immikkoortuani napparsimmavimmi illersorneqarsinnaasumik erninissamut upalungaarsimasoqarnissamut sulisunik pisariaqartunik peqanngippat arnat naartusut Dronning Ingridip Napparsimmavissuani erniartornissaat piffissani pisariaqarsinnaavoq. Tamanna minnerpaamik Ilulissani Nunap Immikkoortuani Napparsimmavimmut aamma Qaqortumi Nunap Immikkoortuani Napparsimmavimmut atuunnissaa naatsorsuutigineqarpoq.
4. Sumiiffiup avataani suliat annikinnerulerneri
Nakorsiartitsinermut naammattunik sulisussaqanngippat tamatumalu peqatigisaanik nunap immikkoortuini napparsimmaviit aamma peqqissaaviit sulisoqaannarnissaat attanniarlugu nunaqarfinni nakorsiartitsinerit kinguartinneqassapput imaluunniit taamaatinneqassapput. Nunaqarfinni innuttaasut piffissani pineqartuni qarasaasiakkut nakorsiartitsineq aqqutigalugu kiffartuunneqarsinnaassapput. Tamatuma saniatigut piffissat ilaanni sapertut angerlarsimaffiinut ornigunneq annikillineqassapput.
5. Dronning Ingridip Peqqissaaviani tatisimanninnerup annertusinera
Nuummi Dronning Ingridip Peqqissaavia aamma sulisoqarniarnikkut unammilligassaqarpoq. Dronning Ingridip Peqqissaaviata peqqissaavinnut nakorsaqanngitsunut qarasaasiakkut nakorsiartitsisarneq aqqutigalugu ikiuunnerani Dronning Ingridip Peqqissaavia aamma tatisimaneqassaaq. Saaffiginnittut amerlassusaat naapertuuttutut nalilerneqaraluartut, maannangaaq sulisut innuttaasut ullaakkut oqarasuaat 80 11 11-mut saaffiginnittut tamarmik uterfigalugit sianerfigisinnaanngilaat. Saaffiginnissutit pinasuartut utaqqisinnaanngitsullu ajoqusersimasut inaanniit isumagineqartassapput.
Najukkami nalimmassaanerit pillugit Peqqinnissaqarfik innuttaasunut ataavartumik ilisimatitsissutigineqartassaaq. Assersuutigalugu peqqinnissakkut sullissinissat pillugit attaveqaatissanut allannguutaasinnaapput. Paasissutissat Peqqinnissaqarfiup tamanut attaveqaataasigut najukkami peqqinnissaqarfimmiit innuttaasunut ingerlateqqinneqartassapput. Innuttaasut nakorsartinnissaminnut allannguuteqartussat allannguutit pillugit saaffigineqarumaarput.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41.