AtuartigukNunatsinni saarulliit aqunneqarnissaannut periuserineqalerumaartussaq
Nassiussisuuvoq: Aalisarnermut Piniarnermullu Naalakkersuisoqarfik
Pinngortitaleriffiup ICES suleqatigalugu 2024-mut saarullinnut siunnersuusiartik nutaaq saqqummiuteqqammerpaat. Siunnersuisarneq pillugu nalilersuereernerup kingorna 2024-mut saarullittassiissutinut siunnersuineq siornatigut siunnersuinernit malunnaatilimmik allaanerussuteqarpoq.
Nunap immikkoortuini saarulliit tunngavigalugit siunnersuinerit siornatigut tunngavigineqartarput, maannakkulli siunnersuinermi saarulliit sumi suffisarneri tunngavigalugit assigiinngitsunut sisamanut immikkoortinneqarput: 1) Kitaata avataani suffisartut, 2) Kitaata avannaani sinerissap qanittuani suffisartut 3) Kitaata kujataani sinerissap qanittuani suffisartut aamma 4) Tunumi suffisartut.
Ilisimatusarnermi paasineqarpoq saarulliit Tunumi suffisartut Kitaani pisarineqartartut kiisalu sinerissap qanittuani pisarineqartartut avataaneersuusartut. Taamaalilluni Kitaani aalisartut saarulliit aalisartagaat sumiiffinnit assigiinngitsunit sisamanit suffisimasut aalisartarpaat.
Paasissutissat nutaat tunngavigalugit saarullinnut aqutsinissamik nutaamik pilersaarusiornissamut pissutissaqartitsisoqalerpoq, saarulliit aalisarneqartartut sumiiffinnit assigiinngitsuneersuummata, aamma sumiiffiit pisassanik siunnersuivigineqartartut nutaajummata.
Taanna tunngavigalugu nunatsinni saarullinniarneq tamaat pillugu saarullinnut aqutsinissamik pilersaarutissamik suliarinnittoqalissaaq. Taanna sinerissap qanittuani avataanilu atuutissaaq. Aalisaqatigiit tamaasa qularnaatsumik piuaannartitsineq tunngavigalugu aalisarluarneqarnissaannut atuutissalluni.
Suleqatigiissitamik pilersitsitsinissaq anguniarlugu tamatumunnga attuumas-sutillit aalisartut, taakkuli peqatigiiffii, kattuffii Pinngortitaleriffillu ataatsi-meeqatigineqarnissaannut aggersarneqarput. Aqutsinermut pilersaarutissaq imartuupilussuussaaq, suliassarli pingaaruteqarluinnarpoq siunissamummi saarullinniartuarnissamut taanna qulakkeerinnittuussammat.
Aqutsinissamik pilersaarutissaq januaarip aallaqqaataani 2024-mi atuutilissa-soq naatsorsuutigineqarpoq, Kitaatalu kujataani Tunumilu avataasiorluni saa-rullinniarnermi aqutsinissamik pilersaarut maannakkut atuuttoq decembarip 31-anni 2023-mi atorunnaassaaq.
Naalakkersuisut aalisakkat tamaasa aqutsinissamik pilersaarusiuunnissaat anguniarpaat, aalisarnerup ammasumik aamma patajaatsumik allaffissornikkut ingerlanneqarnissaa qulakkeerumallugu.
Aqutsinissamik pilersaarut aalisarnermik aallussaqartunut tamanut sakkuu-voq pingaarutilik.
Aalisakkanut ukununnga aqutsinissamik maannakkut pilersaaruteqarpoq: nipisannut, kapisilinnut, raajanut, saattussanut, Kalaallit Nunaata Kitaani Tunumilu qaleralinnut aamma Kitaata kujataani Tunumilu saarullinnut avataaniittunut.
Attavigineqarsinnaavoq Aalisarnermut Piniarnermullu Naalakkersuisoqarfik. APN@nanoq.gl
Nunap immikkoortuini saarulliit tunngavigalugit siunnersuinerit siornatigut tunngavigineqartarput, maannakkulli siunnersuinermi saarulliit sumi suffisarneri tunngavigalugit assigiinngitsunut sisamanut immikkoortinneqarput: 1) Kitaata avataani suffisartut, 2) Kitaata avannaani sinerissap qanittuani suffisartut 3) Kitaata kujataani sinerissap qanittuani suffisartut aamma 4) Tunumi suffisartut.
Ilisimatusarnermi paasineqarpoq saarulliit Tunumi suffisartut Kitaani pisarineqartartut kiisalu sinerissap qanittuani pisarineqartartut avataaneersuusartut. Taamaalilluni Kitaani aalisartut saarulliit aalisartagaat sumiiffinnit assigiinngitsunit sisamanit suffisimasut aalisartarpaat.
Paasissutissat nutaat tunngavigalugit saarullinnut aqutsinissamik nutaamik pilersaarusiornissamut pissutissaqartitsisoqalerpoq, saarulliit aalisarneqartartut sumiiffinnit assigiinngitsuneersuummata, aamma sumiiffiit pisassanik siunnersuivigineqartartut nutaajummata.
Taanna tunngavigalugu nunatsinni saarullinniarneq tamaat pillugu saarullinnut aqutsinissamik pilersaarutissamik suliarinnittoqalissaaq. Taanna sinerissap qanittuani avataanilu atuutissaaq. Aalisaqatigiit tamaasa qularnaatsumik piuaannartitsineq tunngavigalugu aalisarluarneqarnissaannut atuutissalluni.
Suleqatigiissitamik pilersitsitsinissaq anguniarlugu tamatumunnga attuumas-sutillit aalisartut, taakkuli peqatigiiffii, kattuffii Pinngortitaleriffillu ataatsi-meeqatigineqarnissaannut aggersarneqarput. Aqutsinermut pilersaarutissaq imartuupilussuussaaq, suliassarli pingaaruteqarluinnarpoq siunissamummi saarullinniartuarnissamut taanna qulakkeerinnittuussammat.
Aqutsinissamik pilersaarutissaq januaarip aallaqqaataani 2024-mi atuutilissa-soq naatsorsuutigineqarpoq, Kitaatalu kujataani Tunumilu avataasiorluni saa-rullinniarnermi aqutsinissamik pilersaarut maannakkut atuuttoq decembarip 31-anni 2023-mi atorunnaassaaq.
Naalakkersuisut aalisakkat tamaasa aqutsinissamik pilersaarusiuunnissaat anguniarpaat, aalisarnerup ammasumik aamma patajaatsumik allaffissornikkut ingerlanneqarnissaa qulakkeerumallugu.
Aqutsinissamik pilersaarut aalisarnermik aallussaqartunut tamanut sakkuu-voq pingaarutilik.
Aalisakkanut ukununnga aqutsinissamik maannakkut pilersaaruteqarpoq: nipisannut, kapisilinnut, raajanut, saattussanut, Kalaallit Nunaata Kitaani Tunumilu qaleralinnut aamma Kitaata kujataani Tunumilu saarullinnut avataaniittunut.
Attavigineqarsinnaavoq Aalisarnermut Piniarnermullu Naalakkersuisoqarfik. APN@nanoq.gl