AtuartigukKulturikkut nersornaat Liv Aurora Jensenimut aamma Peter Jensenimut
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ukioq manna kulturikkut nersornaat ilusilersuisartumut Liv Aurora Jensenimut aamma filmiliortartumut Peter Jensenimut tunniunneqarpoq.
Ilinniartitaanermut, Kultureqarnermut, Timersornermut, Ilageeqarnermullu Naalakkersuisoq Aqqaluaq B. Egedep Katuami nersornaatit Inuiattut Ullorsiorfimmi juunip 21-ani 2023 tunniuppai.
Liv Aurora Jensen pillugu Aqqaluaq B. Egede ilaatigut oqarpoq:
- Ukiut 30-t sinnerlugit aallarnisaanermik misilittagaqarpoq, suliffeqarfinnik namminersortunik aamma pisortat suliffeqarfiinik suleqateqartarsimavoq, tv-mi naqitanillu assiliartalersuineq, annoraaminernut naqitsilluni ilusilersuisarluni – anguniartuaannarsimavaalu isumassarsiat ajornaatsumik kusanassuseqartumillu ilusilernissaat. Pinngortitamut nungusaataanngitsumik sanaartornissaq suliffeqarfiata isumagaa (filosofi), pitsaasumik avatangiiseqarluni suliaasut aammalu inuttut piginnaatitaaffiit eqquutsillugit sulisitsisoqarluni. Avatangiisinik mianerinninnerup saniatigut suliffiata pitsaassuseq amerlassusermit salliutippaa. Aamma kalaallit ilusilersugaannik nunanut allanut nioqquteqartarnissaq ukkataraa, suliffeqarfiutaatalu ulloq manna tikillugu suaarutigisarpaa nunatsinnit nunanut allanut nioqquteqartarneq annertunerusariaqartoq.
Peter Jensen pillugu Aqqaluaq B. Egede ilaatigut oqarpoq:
- Filmiliortuuvoq imminut ilinniartissimasoq ukiunilu amerlasuuni namminersortutut suliffimmik ingerlataqarluni. Nunatsinni filmiliornermi siuttuuvoq filmiliarpassuarnik naammassisaqarsimalluni ukiullu ingerlaneranni filmiliortussanik ilinniartitsisarsimalluni. Tusagassiuutit inuunini tamaat sammisimavai pingaartumillu filmiliorneq tv-kullu aallakaatitassiorneq.
Naalakkersuisut Kulturikkut Nersornaat 1982-imi pilersippaat. Nersornaat 50.000 kr-nik aningaasartaqartoq inummut ataatsimut arlalinnulluunniit, peqatigiiffinnut kattuffinnulluunniit eqqumiitsuliornikkut kulturilerinikkulluunniit immikkut suliniuteqarsimasunut tunniunneqartarpoq. Nersornaat ukiut tamaasa Inuiattut Ullorsiornitsinni juunip 21-ani tunniunneqartarpoq.
Inussiarnersumik inuulluaqqusillunga
Med venlig hilsen
Pia Lynge (Departementet for Uddannelse, Kultur, Forskning og Kirke)
Toqq/direkte 34
PILY@nanoq.gl
Ilinniartitaanermut, Kultureqarnermut, Timersornermut, Ilageeqarnermullu Naalakkersuisoq Aqqaluaq B. Egedep Katuami nersornaatit Inuiattut Ullorsiorfimmi juunip 21-ani 2023 tunniuppai.
Liv Aurora Jensen pillugu Aqqaluaq B. Egede ilaatigut oqarpoq:
- Ukiut 30-t sinnerlugit aallarnisaanermik misilittagaqarpoq, suliffeqarfinnik namminersortunik aamma pisortat suliffeqarfiinik suleqateqartarsimavoq, tv-mi naqitanillu assiliartalersuineq, annoraaminernut naqitsilluni ilusilersuisarluni – anguniartuaannarsimavaalu isumassarsiat ajornaatsumik kusanassuseqartumillu ilusilernissaat. Pinngortitamut nungusaataanngitsumik sanaartornissaq suliffeqarfiata isumagaa (filosofi), pitsaasumik avatangiiseqarluni suliaasut aammalu inuttut piginnaatitaaffiit eqquutsillugit sulisitsisoqarluni. Avatangiisinik mianerinninnerup saniatigut suliffiata pitsaassuseq amerlassusermit salliutippaa. Aamma kalaallit ilusilersugaannik nunanut allanut nioqquteqartarnissaq ukkataraa, suliffeqarfiutaatalu ulloq manna tikillugu suaarutigisarpaa nunatsinnit nunanut allanut nioqquteqartarneq annertunerusariaqartoq.
Peter Jensen pillugu Aqqaluaq B. Egede ilaatigut oqarpoq:
- Filmiliortuuvoq imminut ilinniartissimasoq ukiunilu amerlasuuni namminersortutut suliffimmik ingerlataqarluni. Nunatsinni filmiliornermi siuttuuvoq filmiliarpassuarnik naammassisaqarsimalluni ukiullu ingerlaneranni filmiliortussanik ilinniartitsisarsimalluni. Tusagassiuutit inuunini tamaat sammisimavai pingaartumillu filmiliorneq tv-kullu aallakaatitassiorneq.
Naalakkersuisut Kulturikkut Nersornaat 1982-imi pilersippaat. Nersornaat 50.000 kr-nik aningaasartaqartoq inummut ataatsimut arlalinnulluunniit, peqatigiiffinnut kattuffinnulluunniit eqqumiitsuliornikkut kulturilerinikkulluunniit immikkut suliniuteqarsimasunut tunniunneqartarpoq. Nersornaat ukiut tamaasa Inuiattut Ullorsiornitsinni juunip 21-ani tunniunneqartarpoq.
Inussiarnersumik inuulluaqqusillunga
Med venlig hilsen
Pia Lynge (Departementet for Uddannelse, Kultur, Forskning og Kirke)
Toqq/direkte 34
PILY@nanoq.gl