AtuartigukTarnikkut nappaatilinnut Nuummi katsorsaavissaq nutaaq aamma portørinut centerissaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Tarnikkut nappaatilinnut Nuummi katsorsaavissap pilersaarusiorneqarnissaanut, neqeroortitsissutigineqarnissaanullu aningaasanik atugassiinissamik Inatsisartut Aningaasaqarnermut Akileraartarnermullu Ataatsimiititaliaata juunip 13-iani akuersissuteqarnera Naalakkersuisup Mimi Karlsenip, Naalakkersuisullu Erik Jensenip nuannaarutigingaarpaat. Akuersissuteqarnerup kingunerisaanik pilersaarutip neqeroortitsissutigineqaqqinnissaa maanna piareersarneqarlunilu aallartinneqarsinnaalerpoq.
Pilersaarut ’Tarnikkut nappaatilinnut katsorsaavik nutaaq, Nuuk’ piffissami sivisuumi sulissutigineqarpoq, marloriarlunilu iluatsinngitsumik neqeroortitsissutigineqarnikuulluni. Siullermeertumik neqeroortitsissutigineqarmat neqeroorutigineqartoq qaffasippallaarmat neqeroortitsineq taamaatinneqarpoq, kingullermillu neqeroortitsissutigineqarmat neqeroortoqannginneratigut neqeroortitsineq taamaatinneqarluni. Taamaattumik pilersaarut iluarsisaq, tamakkiisumik suliassatut (hovedentreprisetut) siusissumik neqeroortitsissutigalugu misilinniarneqarpoq.
Peqqinnissamut Naalakkersuisoq Mimi Karlsen ima oqarpoq:
”Pilersaarut tarnikkut nappaatilinnut katsorsaavik nutaaq piffissami sivisuumi sulissutigineqarsimagaluartoq, maanna alloriaqqissinnaagatta, tarnikkullu nappaatilinnik katsorsaanermi ullutsinni pisariaqartitanut, siunissamilu pisariaqartinneqarumaartussanut aaqqiisinnaasorisatsinnik maanna pilersaaruteqarnerput nuannaarutigaara.”
Ineqarnermut Attaveqaasersuutinullu Naalakkersuisoq Erik Jensen ima oqarpoq:
”Neqeroortitseqqissinnaalernerput qilanaaraara, neqeroortitsinermilu angusarissaarluta neqeroortitsineq naammassisinnaassallutigu neriuutigalugu. Tarnikkut nappaatilinnik katsorsaasarnermi pisariaqartitat iliuuseqarfigalugit, pilersaarullu neqeroorfigissallugu pilerinarsarniarlugu pilersaarut neqeroortitseriaaserlu naleqqussarsimavagut.”
Massakkut tarnikkut nappaatilinnut katsorsaavimmut sanilliullugu, tarnikkut nappaatilinnut katsorsaavissami inissat qulinik amerlissapput, taamaalillunilu katsorsaavittaassami inissat katillugit 22-ussallutik. Katsorsaavissaq marlunnik qulereeqassaaq, peqqinnissaqarfiullu sungaartumik qalipaataa pigiinnarlugu peqqinnissaqarfiup massakkut illuutaasa isikkuinut naleqqussarneqassalluni. Ambulancenut inissiivissaq, portørinullu centerissaq tarnikkut nappaatilinnut katsorsaavissamut, massakkullu patienthoteliusumut atatillugit sanaartorneqarnissaat neqeroortitsinermi aamma ilaatinneqassapput.
Inissaasuaneq eqqarsaatigalugu massakkut unammillernartinneqartut ilaat tarnikkut nappaatilinnut katsorsaavittaarnikkut aaqqiivigineqassapput, siunissamilu pisariaqartinneqarumaartussat sillimaffigineqarnissaannut sinaakkutissat pilersinneqassallutik. Tarnikkut nappaatilinnik katsorsaasarnermi Peqqissutsimut ataatsimiititaliarsuup, ilaatigut tarnikkut nappaatilinnik katsorsaasarneq pillugu isumaliutissiissummini ilaatigut tulliuttutut allattup, innersuussutai tassuunatigut naammassineqassapput:
‘DIH-imi tarnikkut nappaatilinnut illu mikivallaalersimavoq tulluanngitsumillu aaqqissugaalluni. Napparsimasut assigiinngitsut avissaarteqqasussaagaluartut akulerunneqarsimapput, ilaatigut meeqqat napparsimasullu allat sanngiitsut. Tamatuma suliffimmi avatangiisit tamaviaartippai sulisunullu persuttaanerit siorasaarinerillu amerlassusaat qaffallutik napparsimasullu allat toqqissisimajunnaartillugit.’
nanginneralu:
‘Innersuussutigineqarpoq DIH-imi tarnikkut nappaatilinnut illumi pilersaarutaasumi piginnaasaq inissanit 16-iniit 20-inut allineqassasoq, aamma napparsimasut assigiinngitsut pisariaqartitaannut iluaqutaasumik pitsaanerusumik aaqqissugaanissaa immikkut sammineqassasoq.’
Taassuma saniatigut meeqqanik tarnikkut nappaatilinnik katsorsaanermi atugassarititaasut pitsanngorsartariaqarnerat Peqqissutsimut ataatsimiititaliarsuup ukkatarisimavaa, tarnikkullu nappaatilinnut katsorsaavissami meeqqanut matoqqasumik immikkoortortaqarfeqarnissaatigut tamanna eqqarsaatigineqarsimalluni.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Pilersaarut ’Tarnikkut nappaatilinnut katsorsaavik nutaaq, Nuuk’ piffissami sivisuumi sulissutigineqarpoq, marloriarlunilu iluatsinngitsumik neqeroortitsissutigineqarnikuulluni. Siullermeertumik neqeroortitsissutigineqarmat neqeroorutigineqartoq qaffasippallaarmat neqeroortitsineq taamaatinneqarpoq, kingullermillu neqeroortitsissutigineqarmat neqeroortoqannginneratigut neqeroortitsineq taamaatinneqarluni. Taamaattumik pilersaarut iluarsisaq, tamakkiisumik suliassatut (hovedentreprisetut) siusissumik neqeroortitsissutigalugu misilinniarneqarpoq.
Peqqinnissamut Naalakkersuisoq Mimi Karlsen ima oqarpoq:
”Pilersaarut tarnikkut nappaatilinnut katsorsaavik nutaaq piffissami sivisuumi sulissutigineqarsimagaluartoq, maanna alloriaqqissinnaagatta, tarnikkullu nappaatilinnik katsorsaanermi ullutsinni pisariaqartitanut, siunissamilu pisariaqartinneqarumaartussanut aaqqiisinnaasorisatsinnik maanna pilersaaruteqarnerput nuannaarutigaara.”
Ineqarnermut Attaveqaasersuutinullu Naalakkersuisoq Erik Jensen ima oqarpoq:
”Neqeroortitseqqissinnaalernerput qilanaaraara, neqeroortitsinermilu angusarissaarluta neqeroortitsineq naammassisinnaassallutigu neriuutigalugu. Tarnikkut nappaatilinnik katsorsaasarnermi pisariaqartitat iliuuseqarfigalugit, pilersaarullu neqeroorfigissallugu pilerinarsarniarlugu pilersaarut neqeroortitseriaaserlu naleqqussarsimavagut.”
Massakkut tarnikkut nappaatilinnut katsorsaavimmut sanilliullugu, tarnikkut nappaatilinnut katsorsaavissami inissat qulinik amerlissapput, taamaalillunilu katsorsaavittaassami inissat katillugit 22-ussallutik. Katsorsaavissaq marlunnik qulereeqassaaq, peqqinnissaqarfiullu sungaartumik qalipaataa pigiinnarlugu peqqinnissaqarfiup massakkut illuutaasa isikkuinut naleqqussarneqassalluni. Ambulancenut inissiivissaq, portørinullu centerissaq tarnikkut nappaatilinnut katsorsaavissamut, massakkullu patienthoteliusumut atatillugit sanaartorneqarnissaat neqeroortitsinermi aamma ilaatinneqassapput.
Inissaasuaneq eqqarsaatigalugu massakkut unammillernartinneqartut ilaat tarnikkut nappaatilinnut katsorsaavittaarnikkut aaqqiivigineqassapput, siunissamilu pisariaqartinneqarumaartussat sillimaffigineqarnissaannut sinaakkutissat pilersinneqassallutik. Tarnikkut nappaatilinnik katsorsaasarnermi Peqqissutsimut ataatsimiititaliarsuup, ilaatigut tarnikkut nappaatilinnik katsorsaasarneq pillugu isumaliutissiissummini ilaatigut tulliuttutut allattup, innersuussutai tassuunatigut naammassineqassapput:
‘DIH-imi tarnikkut nappaatilinnut illu mikivallaalersimavoq tulluanngitsumillu aaqqissugaalluni. Napparsimasut assigiinngitsut avissaarteqqasussaagaluartut akulerunneqarsimapput, ilaatigut meeqqat napparsimasullu allat sanngiitsut. Tamatuma suliffimmi avatangiisit tamaviaartippai sulisunullu persuttaanerit siorasaarinerillu amerlassusaat qaffallutik napparsimasullu allat toqqissisimajunnaartillugit.’
nanginneralu:
‘Innersuussutigineqarpoq DIH-imi tarnikkut nappaatilinnut illumi pilersaarutaasumi piginnaasaq inissanit 16-iniit 20-inut allineqassasoq, aamma napparsimasut assigiinngitsut pisariaqartitaannut iluaqutaasumik pitsaanerusumik aaqqissugaanissaa immikkut sammineqassasoq.’
Taassuma saniatigut meeqqanik tarnikkut nappaatilinnik katsorsaanermi atugassarititaasut pitsanngorsartariaqarnerat Peqqissutsimut ataatsimiititaliarsuup ukkatarisimavaa, tarnikkullu nappaatilinnut katsorsaavissami meeqqanut matoqqasumik immikkoortortaqarfeqarnissaatigut tamanna eqqarsaatigineqarsimalluni.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl