AtuartigukNaalakkersuisut Tasiilami fabrikkiliortoqarnissaa qulakkeerpaat
Nassiussisuuvoq: Aalisarnermut Piniarnermullu Naalakkersuisoqarfik
Tunumi avataasiortunut pisassiissutigineqartut, saarulliit 5.515 tonsit aamma sulup-paakkat 406 tonsit aalisarneqarnissaannut qinnutigineqartut Naalakkersuisut peqqissaartumik suliarereerlugit aalajangiiffigivaat, qinnute¬qartunit Royal Greenland A/S toqqarlugu pisassiissutigineqartut aalisassagai, Tasiilamilu piaartumik fabrikkimik pilersitsissasoq 7-it angullugit sulisoqarsinnaasumik. Tamanna Tunumi aalisarnerup ineriartorneranut suliffissaqartitsiniarnermullu alloriarneruvoq pingaaruteqarluinnartoq. Naalakkersuisunut ilutigitillugu tunitsivinnut tulaassi¬sinnaanissamut ineriartortitsinissaq nunatsinnilu tulaassiviusinnaasunik amerlanernik tulaassisoqarsinnaalernissaa qulakkeerumavaat.
Royal Greenlandimut piumasaqaatigineqassaaq fabrikkissap sananeqarnerata nalaani utaqqiisaarutaagallartumik tunitsiviusinnaasumik pilersitsisoqassasoq, soorlu umiar-suarmik tunitsiviusinnaasumik umiarsualiisoqarluni. Erseqqissaatigineqassaaq pisas-siineq manna siunissamilu pisassiinissat Tunumi tunitsivimmik pilersitsillunilu ingerlatsinissamik piumasaqaammik tunngaveqartinneqartoq naammassineqar¬simas-sammat. Naalakkersuisut piumasaqaatigineqartut naapertorlugit iliortoqarsimaneranik uppernarsaammik piumasaqassapput. Fabrikkiliornissaq piviusunngortinneqar¬sin-naanngippat pisassiissutigineqartut Naalakkersuisunut utertinneqassapput agguaateq-qitassanngortillugit.
”Naalakkersuisut pingaartilluinnarpaat Tunumi aalisarnerup suliffissaqartitsiniarnerullu qulakkeerneqarnissaat. Taamaattumik nuannaarutigaara Tunumi tulaassinikkut tunisisinnaanissamut periarfissat pitsaanerulissammata,” taama Aalisarnermut Piniarnermullu Naalakkersuisoq Karl Tobiassen oqarpoq.
Tunumi avataasiortunut saarullinnut suluppaakkanullu pisassiissutinik suliariuman-nittussaarsiuussinerat maajip sisamaanni 2023-mi killeqarpoq.
Piffissarititaasoq sioqqullugu qinnuteqaatit 8-t tiguneqarput, aalisartitseqatigiiffiit uku aa-lisalerniassallutik qinnuteqarput: Qaleralik A/S, Sigguk A/S, Polar Seafood Greenland A/S, Royal Greenland A/S, Malik Seafood/Arsuk Food ApS, Norsaq A/S, Tuukkaq Trawl A/S aamma Sermiligaaq Fish ApS. Piffissarititaasup kingorna qinnuteqartoqanngilaq.
Qinnuteqaatit marluk neqeroortitsinermi piumasaqaatinik naammassinnissinnaasiman-ngillat.
Naalakkersuisut kinaassusersiunngitsumik nalilersuutinik tunuliaquteqarlutik nalilersuilluareerlutik aalajangerput Tunumi pisassiissutinit saarulliit 5.515 tonsiusut aamma suluppaakkat 406 tonsit Royal Greenland A/S-imut aalisarne-qartussanngortinneqarput.
Annertunerusumik paasisaqarusukkuit Aalisarnermut Piniarnermullu Naalakkersuisoqarfik attavigiuk, apn@nanoq.gl.