AtuartigukAtaqqinaammik tunniunneqartartunik eqqumiitsuliortunillu nersornaasiillutik Naalakkersuisut tapiissuteqarsinnaanngorput
Nunatsinni siullerpaamik ataqqinaammik tunniuttagaqarsinnaanngornerup eqqumiitsuliortunullu nersornaasiilluni tapiissuteqarsinnaanngornerup atuutilersinneratigut eqqumiitsuliortut inuiaqatigiinnut kultureqarnermullu pingaaruteqarnerat nersorniarneqarpoq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Peter Olsen kultureqarnermut akisussaasutut aallartinnerminilli eqqumiitsuliortunut atugassarititaasut pitsanngorsarneqarnissaat sulissutigilerpaa. Arlaqartunik kulturi pillugu isumasioqatigiissitsinerit saniatigut nunatsinni siullerpaamik ataqqinaammik tunniuttagaqarsinnaanngorneq eqqumiitsuliortunullu nersornaasiilluni tapiissuteqarsinnaanngorneq Naalakkersuisup ilanngullugu sulissutigisimavaa. Ataqqinaammik tunniuttagaqarsinnaanngorlugit eqqumiitsuliortunillu nersornaasiilluni Naalakkersuisoq tapiissuteqarsinnaanngorlugu Inatsisartut 17. maj 2023-mi akuersissuteqarput. Ataqqinaammik tunniuttagaqarneq ukiuni qulini atuuttassaaq eqqumiitsuliortunillu nersornaasiilluni tapiissuteqarneq ukiumi ataatsimi atuuttassalluni.
Taamatut iliuuseqarnikkut eqqumiitsuliortut eqqissillutik sulisinnaanngornissaat inuiaqatigiinnillu nersorniarneqarnissaat Naalakkersuisup neriuutigaa:
”Eqqumiitsuliornerup inuiaqatigiinni nunatsinnilu ukkatarineqalernissaa pingaartinneqalernissaalu Kultureqarnermut Naalakkersuisutut pingaartitaraara. Tamanna aningaasaliineq tulluusimaarutigaara, inatsisissatullu siunnersuutip akuersissutigineqarneranut Inatsisartut qutsavigerusuppakka”, Naalakkersuisoq oqarpoq.
”Eqqumiitsuliornerup kulturillu innuttaasunut iluaqutissatut nunatsinni sumiiffinnut tamanut anngunneqarnissaa Naalakkersuisutut anguniagaraara. Tamatumuuna aningaasaliinikkut eqqumiitsuliornerup nunatta nunarsuatsinni saqquminerulersissagaa aamma anguniarpara”, Peter Olsen oqarpoq eqqumiitsuliortullu aamma qutsavigalugit:
” Illarneq, nuannaarneq, qungujulaarnerlu timitsinnut anersaatsinnullu peqqinnartuullunilu katsorsaataasinnaavoq. Isiginnaartitsisartutta eqqumiitsuliortortattalu ilaatigut inuiattut kikkuunerput, kikkunnillu kingoqqisuunerput pillugu eqqaaseqqittuartarpaatigut. Isumaliulersillutalu eqqarsalerseqqittarmatigut qujanarujussuaq”, Peter Olsen oqarpoq.
Eqqumiitsuliornermik ingerlatsineq pillugu Inatsisartut inatsisaannut allannguutissatut siunnersuut pillugu paasissutissat
Eqqumiitsuliornermik ingerlatsineq pillugu Inatsisartut inatsisaat nr. 11 6. juni 2016-imeersup allanngortinneqarnissaa Inatsisartut 17. maj 2023-mi akuersissutigaat. Inatsisartut inatsisaata allanngortinneratigut Naalakkersuisut ataqqinaammik tunniuttagaqarsinnaanngorput eqqumiitsuliortunullu nersornaasiillutik tapiissuteqarsinnaanngorlutik.
Eqqumiitsuliornerup aningaasaqarnikkut annertusaavigineqarnissaa Inatsisartut inatsisaata siunertaraa, nunatsinnilu eqqumiitsuliornermut kultureqarnermullu aningaasaliinerulluni. Allannguuteqarnikkut ataqqinaammik tunniuttagaqarsinnaanngorneq eqqumiitsuliortunullu nersornaasiilluni tapiissuteqarsinnaanngorneq nunatsinni siullerpaamik eqqunneqarpoq.
Ataqqinaammik tunniuttakkat ukioq manna eqqumiitsuliornermik suliaqartunut marlunnut eqqumiitsuliornermik suliaqartuni pingaaruteqartutut inissisimasunut siullerpaamik tunniunneqassapput. Ataqqinaammik tunniuttakkat eqqumiitsuliornermi pilersiortukkat pitsaassusaasa naliliivigineri taamaallaat tunngavigalugit tunniunneqassapput, tamannalu politikkikkut pingaarnersiuinermik tunngaveqassanngilaq. Eqqumiitsuliortup eqqumiitsuliornikkut maligassiuinerata nersorneqarnissaa aamma eqqumiitsuliornerup inuiaqatigiinnut nalinginnaasumik pingaaruteqarnerata ukkatarineqarnissaa ataqqinaammik tunniuttakkat siunertaraat.
Ukiut tamaasa 21. junimi kulturikkut nersornaat 1982-imiilli Kultureqarnermut Naalakkersuisup tunniuttarpaa. Inummut kultureqarnermut immikkut ittumik suliaqarsimasumut kulturikkut nersornaat tunniunneqartarpoq. Soorlu eqqumiitsuliortup ataasiakkaap piginnaassuseqarnera, eqqumiitsuliaasa imaluunniit saqqummersissimasaasa imaluunniit eqqumiitsuliortup nutaaliorsinnaassuseqarnerata nersorniarneqarnissaa siunertaralugu, kulturikkullu nersornaat apeqqutaatinnagu, Naalakkersuisut eqqumiitsuliortunut akissarsisitsisinnaanngorneq pilersippaat. Aningaasaqarnikkut iliuuseqarsinnaanngornerulerneratigut eqqumiitsuliortup piginnaasaminik ineriartortitseqqinnissaa akissarsisitsisinnaanngornerup aamma siunertaraa.
Eqqumiitsuliornermik ingerlatsineq pillugu Inatsisartut inatsisaannik allannguuteqarneq 1. juli atuutilissaaq.
Annertunerusumik paasisaqarusukkuit Naalakkersuisumut allatsi Rosa Thorsen e-mailikkut attavigisinnaavat: rose@nanoq.gl oqarasuaatikkullu: 345702.
Taamatut iliuuseqarnikkut eqqumiitsuliortut eqqissillutik sulisinnaanngornissaat inuiaqatigiinnillu nersorniarneqarnissaat Naalakkersuisup neriuutigaa:
”Eqqumiitsuliornerup inuiaqatigiinni nunatsinnilu ukkatarineqalernissaa pingaartinneqalernissaalu Kultureqarnermut Naalakkersuisutut pingaartitaraara. Tamanna aningaasaliineq tulluusimaarutigaara, inatsisissatullu siunnersuutip akuersissutigineqarneranut Inatsisartut qutsavigerusuppakka”, Naalakkersuisoq oqarpoq.
”Eqqumiitsuliornerup kulturillu innuttaasunut iluaqutissatut nunatsinni sumiiffinnut tamanut anngunneqarnissaa Naalakkersuisutut anguniagaraara. Tamatumuuna aningaasaliinikkut eqqumiitsuliornerup nunatta nunarsuatsinni saqquminerulersissagaa aamma anguniarpara”, Peter Olsen oqarpoq eqqumiitsuliortullu aamma qutsavigalugit:
” Illarneq, nuannaarneq, qungujulaarnerlu timitsinnut anersaatsinnullu peqqinnartuullunilu katsorsaataasinnaavoq. Isiginnaartitsisartutta eqqumiitsuliortortattalu ilaatigut inuiattut kikkuunerput, kikkunnillu kingoqqisuunerput pillugu eqqaaseqqittuartarpaatigut. Isumaliulersillutalu eqqarsalerseqqittarmatigut qujanarujussuaq”, Peter Olsen oqarpoq.
Eqqumiitsuliornermik ingerlatsineq pillugu Inatsisartut inatsisaannut allannguutissatut siunnersuut pillugu paasissutissat
Eqqumiitsuliornermik ingerlatsineq pillugu Inatsisartut inatsisaat nr. 11 6. juni 2016-imeersup allanngortinneqarnissaa Inatsisartut 17. maj 2023-mi akuersissutigaat. Inatsisartut inatsisaata allanngortinneratigut Naalakkersuisut ataqqinaammik tunniuttagaqarsinnaanngorput eqqumiitsuliortunullu nersornaasiillutik tapiissuteqarsinnaanngorlutik.
Eqqumiitsuliornerup aningaasaqarnikkut annertusaavigineqarnissaa Inatsisartut inatsisaata siunertaraa, nunatsinnilu eqqumiitsuliornermut kultureqarnermullu aningaasaliinerulluni. Allannguuteqarnikkut ataqqinaammik tunniuttagaqarsinnaanngorneq eqqumiitsuliortunullu nersornaasiilluni tapiissuteqarsinnaanngorneq nunatsinni siullerpaamik eqqunneqarpoq.
Ataqqinaammik tunniuttakkat ukioq manna eqqumiitsuliornermik suliaqartunut marlunnut eqqumiitsuliornermik suliaqartuni pingaaruteqartutut inissisimasunut siullerpaamik tunniunneqassapput. Ataqqinaammik tunniuttakkat eqqumiitsuliornermi pilersiortukkat pitsaassusaasa naliliivigineri taamaallaat tunngavigalugit tunniunneqassapput, tamannalu politikkikkut pingaarnersiuinermik tunngaveqassanngilaq. Eqqumiitsuliortup eqqumiitsuliornikkut maligassiuinerata nersorneqarnissaa aamma eqqumiitsuliornerup inuiaqatigiinnut nalinginnaasumik pingaaruteqarnerata ukkatarineqarnissaa ataqqinaammik tunniuttakkat siunertaraat.
Ukiut tamaasa 21. junimi kulturikkut nersornaat 1982-imiilli Kultureqarnermut Naalakkersuisup tunniuttarpaa. Inummut kultureqarnermut immikkut ittumik suliaqarsimasumut kulturikkut nersornaat tunniunneqartarpoq. Soorlu eqqumiitsuliortup ataasiakkaap piginnaassuseqarnera, eqqumiitsuliaasa imaluunniit saqqummersissimasaasa imaluunniit eqqumiitsuliortup nutaaliorsinnaassuseqarnerata nersorniarneqarnissaa siunertaralugu, kulturikkullu nersornaat apeqqutaatinnagu, Naalakkersuisut eqqumiitsuliortunut akissarsisitsisinnaanngorneq pilersippaat. Aningaasaqarnikkut iliuuseqarsinnaanngornerulerneratigut eqqumiitsuliortup piginnaasaminik ineriartortitseqqinnissaa akissarsisitsisinnaanngornerup aamma siunertaraa.
Eqqumiitsuliornermik ingerlatsineq pillugu Inatsisartut inatsisaannik allannguuteqarneq 1. juli atuutilissaaq.
Annertunerusumik paasisaqarusukkuit Naalakkersuisumut allatsi Rosa Thorsen e-mailikkut attavigisinnaavat: rose@nanoq.gl oqarasuaatikkullu: 345702.