AtuartigukIllersornissaq pillugu isumaqatigiissutissaq pillugu Nunarput sinnerlugu Naalakkersuisut isumaqatiginninniartuussapput
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
”Kunngeqarfimmi illersornissaq pillugu isumaqatiginninniarnissami erseqqissaassutigissavara, Naalakkersuisut tassaasut Nunarput sinnerlugu danskit naalakkersuisuinut isumaqatiginninniartuusussat. Nunarput sinnerlugu taamaallaat Naalakkersuisut isumaqatigiinninniarsinnaapput.
Taamak oqareerlunga, oqaatigilara Inatsisartuni partiit isummersornerat tikilluaqqugakku, qulequtaq pingaarutilik tamatsinnut tunngassuteqartoq immersueqatigiittariaqarnermik pisussaaffiliivoq. Partiit Folketingimi ilaasortaatitaqartut toqqaannartumik danskit naalakkersuisuisuinut oqaloqateqarnissamik periarfissaqarput, taamaaliornikkut partiitut pingaartitaminnik sulissuteqarsinnaallutik. Siumut Inuillu Ataqatigiit taamaaliorsinnaapput tamarmik Folketingimi ilaasortaatitaqaramik. Oqaatigeqqissavarali Nunarput sinnerlugu Naalakkersuisut tassaammata kisiartaallutik pisortatigoortumik oqartussaasseqarlutillu akisussaaffeqartut danskit naalakkersuisuinut isumaqatiginninniassallutik. Taakkuupput tamat oqartussaaneranni ingerlatsiviusumi malitassat aqqutillu eqqortut.
Naalakkersuisut suli piffissaalluartoq danskit naalakkersuisuinut illersornissaq pillugu isumaqatigiissutissamut aallarniutaasumik tunngavissaminnik tunniussaqareernikuupput. Danskit naalakkersuisuisa tunngavissat taakku tigoreernikuuvaat. Tamanna isertuussamik Inatsisartuni Nunanut Allanut Sillimaniarnermullu Ataatsimiititaliamut ilisimatitsissutigineqarsimavoq, partiillu periarfissinneqarnikuupput isumaqatiginninniarnermut kissaatinik tunniussaqarnissaminnut. Isumaqatiginninniarnissami pineqartumi, qulequttani immikkut mianersuuttariaqartuni paasissutisseeqatigiinnerit isertuussisussaatitaanerup aqqani ingerlanneqarsimapput, eqqaasitsissutigilarali Naalakkersuisut tusagassiorfiit aqqutigalugit isumaqatigiinninniarnernik ingerlatsineq ajormata.
Danmarkimi illersornissaq pillugu ministeriugallartorlu Troels Lund Poulsen ajunngilluinnartumik oqaloqatigiinnerit ingerlappavut. Erseqqissaassutigissavara qulequttami pingaarutilimmi peqqissaartumik sulinissaq pingaaruteqarmat, naammassilertornermiit pitsaasumik attanneqarsinnaasumillu suliaqarneq pingaarnerummat. Issittoq Nunarpullu pillugu illersornissaq pillugu Naalakkersuisut peqataatinnagit isumaqatigiittoqarnavianngilaq. Illersornissaqarfiup iluani atortut sakkullu tungaatigut pisariaqartinneqartut missingersuusiorfiginissaat Danmarkimit pisariaqartinneqarsimavoq. Tamanna paasinarluinnarpoq. Oqareernittuut Troels Lund Poulsenilu oqaloqatigiinnerit pitsaasut ingerlappavut. Illersornissaq pillugu isumaqatigiinninniarnissami naatsorsuutigaarput siullertut tamakkiisumik isiginnittumik pingaarnertut inissinneqartariaqartut siulliulugit inissinneqarumaartut, aasallu kingorna immikkoortut ataasiakkaarlugit qulequttanut aaliangersimasunut tunngasut itinerusumik tikinneqarumaartut.
Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt oqarpoq.
Attaveqaat: Naasunnguaq B. Kristensen, Email: nabk@nanoq.gl, Mobil: +299 533684
Taamak oqareerlunga, oqaatigilara Inatsisartuni partiit isummersornerat tikilluaqqugakku, qulequtaq pingaarutilik tamatsinnut tunngassuteqartoq immersueqatigiittariaqarnermik pisussaaffiliivoq. Partiit Folketingimi ilaasortaatitaqartut toqqaannartumik danskit naalakkersuisuisuinut oqaloqateqarnissamik periarfissaqarput, taamaaliornikkut partiitut pingaartitaminnik sulissuteqarsinnaallutik. Siumut Inuillu Ataqatigiit taamaaliorsinnaapput tamarmik Folketingimi ilaasortaatitaqaramik. Oqaatigeqqissavarali Nunarput sinnerlugu Naalakkersuisut tassaammata kisiartaallutik pisortatigoortumik oqartussaasseqarlutillu akisussaaffeqartut danskit naalakkersuisuinut isumaqatiginninniassallutik. Taakkuupput tamat oqartussaaneranni ingerlatsiviusumi malitassat aqqutillu eqqortut.
Naalakkersuisut suli piffissaalluartoq danskit naalakkersuisuinut illersornissaq pillugu isumaqatigiissutissamut aallarniutaasumik tunngavissaminnik tunniussaqareernikuupput. Danskit naalakkersuisuisa tunngavissat taakku tigoreernikuuvaat. Tamanna isertuussamik Inatsisartuni Nunanut Allanut Sillimaniarnermullu Ataatsimiititaliamut ilisimatitsissutigineqarsimavoq, partiillu periarfissinneqarnikuupput isumaqatiginninniarnermut kissaatinik tunniussaqarnissaminnut. Isumaqatiginninniarnissami pineqartumi, qulequttani immikkut mianersuuttariaqartuni paasissutisseeqatigiinnerit isertuussisussaatitaanerup aqqani ingerlanneqarsimapput, eqqaasitsissutigilarali Naalakkersuisut tusagassiorfiit aqqutigalugit isumaqatigiinninniarnernik ingerlatsineq ajormata.
Danmarkimi illersornissaq pillugu ministeriugallartorlu Troels Lund Poulsen ajunngilluinnartumik oqaloqatigiinnerit ingerlappavut. Erseqqissaassutigissavara qulequttami pingaarutilimmi peqqissaartumik sulinissaq pingaaruteqarmat, naammassilertornermiit pitsaasumik attanneqarsinnaasumillu suliaqarneq pingaarnerummat. Issittoq Nunarpullu pillugu illersornissaq pillugu Naalakkersuisut peqataatinnagit isumaqatigiittoqarnavianngilaq. Illersornissaqarfiup iluani atortut sakkullu tungaatigut pisariaqartinneqartut missingersuusiorfiginissaat Danmarkimit pisariaqartinneqarsimavoq. Tamanna paasinarluinnarpoq. Oqareernittuut Troels Lund Poulsenilu oqaloqatigiinnerit pitsaasut ingerlappavut. Illersornissaq pillugu isumaqatigiinninniarnissami naatsorsuutigaarput siullertut tamakkiisumik isiginnittumik pingaarnertut inissinneqartariaqartut siulliulugit inissinneqarumaartut, aasallu kingorna immikkoortut ataasiakkaarlugit qulequttanut aaliangersimasunut tunngasut itinerusumik tikinneqarumaartut.
Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt oqarpoq.
Attaveqaat: Naasunnguaq B. Kristensen, Email: nabk@nanoq.gl, Mobil: +299 533684