AtuartigukPeqqinnissaqarfipput unammilIernartorsiorpoq
Nassiussisuuvoq: Peqqissutsimut Naalakkersuisoqarfik
Peqqinnissaqarfimmi sullissinerit ingerlaannarsinnaanissaat qulakkeerniarlugit sulisussarsiortarnerit sulisullu sulisoriinnarsinnaanissaat piffissami sivitsortumi ajornartorsiutaasimavoq. Nunatsinni peqqinnissaqarfik kisimi taamatut ajornartorsiuteqanngilaq peqqinnissaqarfinni sulisussaaleqisarneq nunarsuup annersaani ajornartorsiutaammat.
Naak pissutsit unammilligassaqaraluaqisut sulisussarsiortarnerillu immikkut iliuuseqarfiginissaat pisariaqartinneqaraluartoq peqqinnissaqarfimmi sulisut innuttaasut pisariaqartitaat naapertorlugit ilungersorlutik sullipput.
Peqqinnissaqarfik pitsaasumik sullississappat sulisut aalajaatsut pinngitsoorneqarsinnaanngillat, takkulu nunarput tamakkerlugu innuttaasut ikiorniarlugit ilungersorlutik annertuumik sulisarput. Nalunngilara peqqinnissaqarfimmi sulisut suliffimminnut tunniusimalluartuullutillu sapinngisartik tamaat atorlugu pitsaasumik sullisserusuttut. Peqqinnissaqarfimmi sulisut suliaat peqqinnissaqarfimmilu sullissinerminni tamatsinnut iluaqutaasumik aalajaallutik sullissilluarnerannik nersualaassallugit piffissanngorpoq, taamatut oqarpoq Meeqqanut, Inuusuttunut, Ilaqutariinnut Peqqinnissamullu Naalakkersuisoq Mimi Karlsen.
Pissutsit ullumikkut atukkatta kingunerisaanik Peqqinnissaqarfik tassanilu sulisut isiginiarneqartorujuussuupput. Kingullertut peqatigiiffik MAPI Nuummi Dronning Ingridip Napparsimavissuata eqqaani aallartittussamik 11. maj akerliussutsimik takutitsinissaminik nalunaaruteqarpoq.. Akerliussutsimik takutitsinissaq sioqqullugu Peqatigiiffik MAPI Meeqqanut, Inuusuttunut, Ilaqutariinnut Peqqinnissamullu Naalakkersuisumik Mimi Karlsenimik ataatsimeeqateqarsimavoq, taannalu ima oqarpoq:
”Peqatigiiffik MAPI sapaatip akunnera una ajunngitsumik ataatsimeeqatigaara, taakkulu suliatik misilittakkatillu pillugit saqqummiipput. Innuttaasut ilaasa katsorsartinnissartik pillugu paasissutissanik pingaarutilinnik amigaateqartarneranik oqaatigisaat immikkut maluginiarpara. Peqqinnissamut Naalakkersuisoqarfik Peqqinnissaqarfiullu qullersaqarfia qinnuigereerpakka napparsimasunut attaveqartarnerit paasissutissiisarnerillu pitsanngortinnissaanut periarfissanik misissueqqullugit.”
”Aammattaaq oqaatigissavara Peqatigiiffiup MAPI-p akerliussutsimik takutitsiniarnera ataqqigakku, taamaakkaluartoq pingaartillugu erseqqissaatigerusullugu Peqqinnissaqarfimmi sulisut piffissami sulisussaaleqiffiujartuinnartumi sinaakkutit aningaasallu politikkikkut aalajangersarneqarsimasut naapertorlugit sulimmata. Sulissussaaleqinerup kingunerisaanik peqqinnissaqarfiup aaqqissugaanera piffissami qanittumi allanngortiterneqaratarsinnaavoq, nangilluni oqarpoq.
Nunap immikkoortuini peqqinnissaqarfiit pitsaanerusumik atugassaqartinniarlugit Peqqinnissaqarfiup telemedicin atorlugu sullissisarnertik annertusaleruttorpaat, taamaasilluni telemedicin aqqutigalugu nakorsiartarnerit nakorsassaaleqinerup nalaanni amerlineqarsinnaanngorlugit. Nunap immikkoortuini napparsimavinni Nuummilu napparsimavissuarmi suliallit ataatsimoorfiusinnaasunik suliaqartarnerat Peqqinnissaqarfimmit ilutigalugu annertusarneqarlunilu pitsanngorsaaffiginiarneqarpoq. Taakku saniatigut nunarput tamakkerlugu nakorsatut atorfiit inuttaqartinniarlugit suliniutit suliallu ingerlapput.
Paasisaqarnerorusukkuit naalakkersuisumut allatsi Frederik Kristiansen attavigiuk e-mailikkut: frek@nanoq.gl imaluunniit oqarasuaatikkut: 34 56 85
Naak pissutsit unammilligassaqaraluaqisut sulisussarsiortarnerillu immikkut iliuuseqarfiginissaat pisariaqartinneqaraluartoq peqqinnissaqarfimmi sulisut innuttaasut pisariaqartitaat naapertorlugit ilungersorlutik sullipput.
Peqqinnissaqarfik pitsaasumik sullississappat sulisut aalajaatsut pinngitsoorneqarsinnaanngillat, takkulu nunarput tamakkerlugu innuttaasut ikiorniarlugit ilungersorlutik annertuumik sulisarput. Nalunngilara peqqinnissaqarfimmi sulisut suliffimminnut tunniusimalluartuullutillu sapinngisartik tamaat atorlugu pitsaasumik sullisserusuttut. Peqqinnissaqarfimmi sulisut suliaat peqqinnissaqarfimmilu sullissinerminni tamatsinnut iluaqutaasumik aalajaallutik sullissilluarnerannik nersualaassallugit piffissanngorpoq, taamatut oqarpoq Meeqqanut, Inuusuttunut, Ilaqutariinnut Peqqinnissamullu Naalakkersuisoq Mimi Karlsen.
Pissutsit ullumikkut atukkatta kingunerisaanik Peqqinnissaqarfik tassanilu sulisut isiginiarneqartorujuussuupput. Kingullertut peqatigiiffik MAPI Nuummi Dronning Ingridip Napparsimavissuata eqqaani aallartittussamik 11. maj akerliussutsimik takutitsinissaminik nalunaaruteqarpoq.. Akerliussutsimik takutitsinissaq sioqqullugu Peqatigiiffik MAPI Meeqqanut, Inuusuttunut, Ilaqutariinnut Peqqinnissamullu Naalakkersuisumik Mimi Karlsenimik ataatsimeeqateqarsimavoq, taannalu ima oqarpoq:
”Peqatigiiffik MAPI sapaatip akunnera una ajunngitsumik ataatsimeeqatigaara, taakkulu suliatik misilittakkatillu pillugit saqqummiipput. Innuttaasut ilaasa katsorsartinnissartik pillugu paasissutissanik pingaarutilinnik amigaateqartarneranik oqaatigisaat immikkut maluginiarpara. Peqqinnissamut Naalakkersuisoqarfik Peqqinnissaqarfiullu qullersaqarfia qinnuigereerpakka napparsimasunut attaveqartarnerit paasissutissiisarnerillu pitsanngortinnissaanut periarfissanik misissueqqullugit.”
”Aammattaaq oqaatigissavara Peqatigiiffiup MAPI-p akerliussutsimik takutitsiniarnera ataqqigakku, taamaakkaluartoq pingaartillugu erseqqissaatigerusullugu Peqqinnissaqarfimmi sulisut piffissami sulisussaaleqiffiujartuinnartumi sinaakkutit aningaasallu politikkikkut aalajangersarneqarsimasut naapertorlugit sulimmata. Sulissussaaleqinerup kingunerisaanik peqqinnissaqarfiup aaqqissugaanera piffissami qanittumi allanngortiterneqaratarsinnaavoq, nangilluni oqarpoq.
Nunap immikkoortuini peqqinnissaqarfiit pitsaanerusumik atugassaqartinniarlugit Peqqinnissaqarfiup telemedicin atorlugu sullissisarnertik annertusaleruttorpaat, taamaasilluni telemedicin aqqutigalugu nakorsiartarnerit nakorsassaaleqinerup nalaanni amerlineqarsinnaanngorlugit. Nunap immikkoortuini napparsimavinni Nuummilu napparsimavissuarmi suliallit ataatsimoorfiusinnaasunik suliaqartarnerat Peqqinnissaqarfimmit ilutigalugu annertusarneqarlunilu pitsanngorsaaffiginiarneqarpoq. Taakku saniatigut nunarput tamakkerlugu nakorsatut atorfiit inuttaqartinniarlugit suliniutit suliallu ingerlapput.
Paasisaqarnerorusukkuit naalakkersuisumut allatsi Frederik Kristiansen attavigiuk e-mailikkut: frek@nanoq.gl imaluunniit oqarasuaatikkut: 34 56 85