AtuartigukIlulissani inissiat 24-t iserterfigeriaannanngorput
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Attartortut nutaat Namminersorlutik Oqartussat Ilulissani inissiaataannut nutaanut 2023-mi majimi isertersinnaanngornerat Ineqarnermut Attaveqaatersuutinullu Naalakkersuisup Erik Jensenip nuannaarutigalugu nalunaarutigaa.
Inissiat katillugit 48-t Namminersorlutik Oqartussat Avannaata Kommuniatalu suleqatigiinnerisigut sanaartorneqarput Namminersorlutik Oqartussat inissianik 24-nik sanaartortitsisuullutik, Avannaatalu Kommuniata aamma inissianik 24-nik sanaartortitsisuulluni.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Ilulissani inissiat 24-t naammassineqarneri nuannaarutigeqaara. Suliniutit taamaattut aqqutigalugit innuttaasunut iluaqutaasussanik kommunit Namminersorlutik Oqartussallu akornanni suleqatigiinnerisigut angusaqarluartoqarsinnaanera takutipparput.”
INI A/S inissianik ingerlatsisuusoq nalunaarpoq inissiat nutaat attartortunit iluarineqartorujussuusut inissiallu atulernerisigut illoqarfimmi inissarsiortut ikileriartinneqarsinnaasimasut.
Inissiat sanileriiaat atoruminartut - suliniummut tunngasut
Inissiat Ilulissani nutaanik inissialiortiterfiusut ilaanniipput illoqarfimmullu ikaartarfiup eqqaani inissisimallutik. Inissiat 48-t sanileriiaattunngorlugit sananeqarsimapput marlunnik, pingasunik sisamanillu initaqartiterlutik. Inissiat qaamasuullutillu inituujupput ilaqutariillu pisariaqartitaanik nutaaliaasunik aallaaviatigut atortulersorneqarsimallutik. Inissiat tamarmik peqqumaasivigineqarsinnaasunik queqartiterput isaariaqarlutik, uffarfeqarlutik/anartarfeqarlutik, ineeraqartiterlutik inimullu atasumik igaffeqartiterlutik kiisalu aneerasaartarfeqartiterlutik sissiukkamut immamullu isikkivilinnik.
Inissiat attanneqarsinnaasumik atoruminarsarlugillu sanaartorneqarnissaat suliniummi sallersaatillugit aallaavigineqarsimapput. Sanaartugassani tamani pitsaalluinnartumik sanaartornissaq kiisalu avatangiisitigut mianerisassat, najugaqartussanut atugassarititat aningaasaqarnermullu tunngassuteqartut oqimaaqatigiissinnissaat sanaartornermi tunngavigineqarsimapput. Ineqarnermut aningasartuutaasartut kiassarnermut innaallagissamullu aningaasartuutaasartut appasinnerpaamiitinniarnerisigut siunissamilu ingerlatsinermut aserfallatsaalinernullu aningaasartuutaasartussat appasinnerpaatinnissaat suliniummi immikkut aallaavigineqarsimapput.
Tamanna angusinnaajumallugu sanaartornermi atortussiat atortussiallu aserfallatsaaliuminartut atorneqarnissaat toqqarneqarsimavoq. Illut toqqavii beton-imik najukkani suliarineqarsimasunik sanaajupput ullunilu atoruminartuni tassalu siallerfiunngitsuni kuisinerit ingerlanneqartarsimallutik.
Beton-inik katitigassanik najukkami sanaartortoqarneratigut ukiup qanoq ilinera aallaavigalugu sanaartornissat pitsaanerusumik pilersaarusiorneqarsinnaasimapput, taamaasillunilu katitigassanik sanaartornerit ukiakkut ukiukkullu inini isumannaallisakkani suliffigiuminartunilu ingerlanneqarsinnaasimallutik. Ukiuunerani sanaartorfimmi beton-imik kueraasarnerit ukiuunerani piareeragassat pisariaqartut patsisigalugit (akisunerusumik) ingerlanneqartariaqartartut pinngitsoortinneqarsimapput betonit katitigassat upernaqqaarneranit aasaq naallugu ukiarnissaata tungaanut suliarineqartalernerisigut kiisalu ukiunnginnerani illut matusinnaanerisigut illut iluini suliassat suliarineqarsinnaanerisigut.
Blokkini ataasiakkaani kiassarnerit innaallagiaq orsussallu atorlugit pisinnaanngorlugit piareersarneqarsimapput, taamaaliornikkut kissarsuutit innaallagissamik ingerlatillit kiammilluunniit milluaaviit atorneqarsinnaanngorlugit ataatsimut kiassaateqarfik sillimmatitut atugassanngorlugu aaqqissorneqarsimallutik, taamaaliornikkut CO2-mik aniatitsineq annikinnerpaaffianiitinneqassaaq erngullu nukinga atorlugu nukissiorfimmit innaallagiaq pilersinneqarsimasoq atorluarneqarnerulluni.
Namminersorlutik Oqartussat Avannaata Kommuniatalu suleqatigiinnerisigut pisortat pilersaarummut aningaasaliissutaat isumatusaarnerusumik pitsaanerusumillu atorneqarsinnaasimapput suliarinnittussarsiornerit suliassallu allat ataatsimoorluni ataqatigiissaakkamillu suliarisarnerisigut. Taamaasiornikkut suliamut kinguarsaataasinnaasut taamaasillunilu akitsorsaataasinnaasut sanaartortitsisunit pinngitsoortinneqarsinnaasimapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Inissiat katillugit 48-t Namminersorlutik Oqartussat Avannaata Kommuniatalu suleqatigiinnerisigut sanaartorneqarput Namminersorlutik Oqartussat inissianik 24-nik sanaartortitsisuullutik, Avannaatalu Kommuniata aamma inissianik 24-nik sanaartortitsisuulluni.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Ilulissani inissiat 24-t naammassineqarneri nuannaarutigeqaara. Suliniutit taamaattut aqqutigalugit innuttaasunut iluaqutaasussanik kommunit Namminersorlutik Oqartussallu akornanni suleqatigiinnerisigut angusaqarluartoqarsinnaanera takutipparput.”
INI A/S inissianik ingerlatsisuusoq nalunaarpoq inissiat nutaat attartortunit iluarineqartorujussuusut inissiallu atulernerisigut illoqarfimmi inissarsiortut ikileriartinneqarsinnaasimasut.
Inissiat sanileriiaat atoruminartut - suliniummut tunngasut
Inissiat Ilulissani nutaanik inissialiortiterfiusut ilaanniipput illoqarfimmullu ikaartarfiup eqqaani inissisimallutik. Inissiat 48-t sanileriiaattunngorlugit sananeqarsimapput marlunnik, pingasunik sisamanillu initaqartiterlutik. Inissiat qaamasuullutillu inituujupput ilaqutariillu pisariaqartitaanik nutaaliaasunik aallaaviatigut atortulersorneqarsimallutik. Inissiat tamarmik peqqumaasivigineqarsinnaasunik queqartiterput isaariaqarlutik, uffarfeqarlutik/anartarfeqarlutik, ineeraqartiterlutik inimullu atasumik igaffeqartiterlutik kiisalu aneerasaartarfeqartiterlutik sissiukkamut immamullu isikkivilinnik.
Inissiat attanneqarsinnaasumik atoruminarsarlugillu sanaartorneqarnissaat suliniummi sallersaatillugit aallaavigineqarsimapput. Sanaartugassani tamani pitsaalluinnartumik sanaartornissaq kiisalu avatangiisitigut mianerisassat, najugaqartussanut atugassarititat aningaasaqarnermullu tunngassuteqartut oqimaaqatigiissinnissaat sanaartornermi tunngavigineqarsimapput. Ineqarnermut aningasartuutaasartut kiassarnermut innaallagissamullu aningaasartuutaasartut appasinnerpaamiitinniarnerisigut siunissamilu ingerlatsinermut aserfallatsaalinernullu aningaasartuutaasartussat appasinnerpaatinnissaat suliniummi immikkut aallaavigineqarsimapput.
Tamanna angusinnaajumallugu sanaartornermi atortussiat atortussiallu aserfallatsaaliuminartut atorneqarnissaat toqqarneqarsimavoq. Illut toqqavii beton-imik najukkani suliarineqarsimasunik sanaajupput ullunilu atoruminartuni tassalu siallerfiunngitsuni kuisinerit ingerlanneqartarsimallutik.
Beton-inik katitigassanik najukkami sanaartortoqarneratigut ukiup qanoq ilinera aallaavigalugu sanaartornissat pitsaanerusumik pilersaarusiorneqarsinnaasimapput, taamaasillunilu katitigassanik sanaartornerit ukiakkut ukiukkullu inini isumannaallisakkani suliffigiuminartunilu ingerlanneqarsinnaasimallutik. Ukiuunerani sanaartorfimmi beton-imik kueraasarnerit ukiuunerani piareeragassat pisariaqartut patsisigalugit (akisunerusumik) ingerlanneqartariaqartartut pinngitsoortinneqarsimapput betonit katitigassat upernaqqaarneranit aasaq naallugu ukiarnissaata tungaanut suliarineqartalernerisigut kiisalu ukiunnginnerani illut matusinnaanerisigut illut iluini suliassat suliarineqarsinnaanerisigut.
Blokkini ataasiakkaani kiassarnerit innaallagiaq orsussallu atorlugit pisinnaanngorlugit piareersarneqarsimapput, taamaaliornikkut kissarsuutit innaallagissamik ingerlatillit kiammilluunniit milluaaviit atorneqarsinnaanngorlugit ataatsimut kiassaateqarfik sillimmatitut atugassanngorlugu aaqqissorneqarsimallutik, taamaaliornikkut CO2-mik aniatitsineq annikinnerpaaffianiitinneqassaaq erngullu nukinga atorlugu nukissiorfimmit innaallagiaq pilersinneqarsimasoq atorluarneqarnerulluni.
Namminersorlutik Oqartussat Avannaata Kommuniatalu suleqatigiinnerisigut pisortat pilersaarummut aningaasaliissutaat isumatusaarnerusumik pitsaanerusumillu atorneqarsinnaasimapput suliarinnittussarsiornerit suliassallu allat ataatsimoorluni ataqatigiissaakkamillu suliarisarnerisigut. Taamaasiornikkut suliamut kinguarsaataasinnaasut taamaasillunilu akitsorsaataasinnaasut sanaartortitsisunit pinngitsoortinneqarsinnaasimapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl