Atuartiguk2023-mi aktiaatileqatigiiffinni Namminersorlutik Oqartussanit pigineqartuni nalinginnaasumik ataatsimeersuarnerit
Nassiussisuuvoq: Naalakkersuisut Siulittaasuata Naalakkersuisoqarfia
Ukioq manna aktiaatileqatigiiffinni Namminersorlutik Oqartussanit pigineqartuni nalinginnaasumik ataatsimeersuarnerit imatut ingerlanneqassapput.
| Ingerlatseqatigiiffik | Ulloq | Nalunaaqutaq* | Saqqummiineq | |
| Royal Greenland | Marlunngorneq 9. maj | 11:00 | Aap | 10:30 |
| Air Greenland | Tallimanngorneq 12. maj | 14:00 | Aap | 13:30 |
| Royal Arctic Line | Ataasinngorneq 15. maj | 14:00 | Aap | 13:30 |
| Tusass | Marlunngorneq 16. maj | 14:00 | Aap | 13:30 |
| Great Greenland | Pingasunngorneq 17. maj | 14:00 | -- | |
| KAIR Holding | Ataasinngorneq 22. maj | 14: 00 | Aap | 13:30 |
| Illuut | Marlunngorneq 23 . maj | 13:00 | Naamik | -- |
| INI | Marlunngorneq 23. maj | 15:00 | Naamik | -- |
| Nalik Ventures | Pingasunngorneq 24. maj | 11:30 | Aap | 11:00 |
| NunaGreen | Sisamanngorneq 25. maj | 14:00 | Aap | 13:30 |
|
Visit Greenland |
Tallimanngorneq 26. maj | 13:00 | Aap | 12:30 |
| Sikuki | Tallimanngorneq 26. maj | 15:00 | Aap | 14:30 |
*Piffissaliussat allanngortitsisoqarsinnaanera sillimaffigalugu nalunaarutigineqarput.
Saqqummiinernik aaqqissuussineq
Aktiaatileqatigiiffiit Namminersorlutik Oqartussanit pigineqartut toqqakkat ukioq manna nalinginnaasumik ataatsimeersuarnissaq sioqqullugu tamanut saqqummiinermik ingerlatsissapput.
Saqqummiinernut siunnerfigineqarput tusagassiortut aammalu innuttaasut, aaqqissuussinermi ingerlatseqatigiiffiup maannakkut ukkatarinniffiinik, ineriartortitsinissamut pilersaarutaannik, periusissiaannik imaluunniit siunissamut takorluugaannik anguniagaannillu paasisimasaqalernissamut periarfissinneqartussat.
Kikkut tamarmik peqataanissamut periarfissinneqarnissaannut, saqqummiilluni aaqqissuussineq tamatumalu kingorna nalinginnaasumik ataatsimeersuarneq livestreaming atorlugu toqqaannartumik malinnaavigineqarsinnaatinneqassapput aammalu piffissami aalaAapngersimasumi internettikkut pissarsiarineqarsinnaassallutik.
Saqqummiilluni aaqqissuussineq nalinginnaasumik ataatsimeersuarnerup aallartinnissaa nalunaaquttap akunnerata affaanik sioqqullugu aallartissasoq naatsorsuutigineqarpoq, tassani tamat killilersugaanngitsumik peqataasinnaallutik. Ataasiakkaatigut naatsorsuutigineqarpoq ataatsimeersuarneq saqqummiinerup naanerani aallartissasoq, taamaalilluni livestreaming kipitinneqarani ingerlaannassalluni.
Livestreaming-inut linkit tamaasa uani takukkit.
Paasissutissanik annertunerusunik piniarnermi ingerlatseqatigiiffiit pineqartut imaluunniit Naalakkersuisut Siulittaasuata Naalakkersuisoqarfia uani govsec@nanoq.gl attavigineqassapput.