Atuartiguk9,3 mio. koruunit isumaginninnermi siunertalinnut agguaanneqarput
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Ukioq manna suliniutinut isumaginninnermi siunertalinnut tapiissutit agguaanneqarput. Suliniuteqarnissamut soqutiginninnerujussuaq Meeqqanut, Inuusuttunut, Ilaqutariinnut Peqqissutsimullu Naalakkersuisup, Mimi Karlsenip nuannaarutigaa.
Nunatsinni meeqqat, inuusuttut aamma ilaqutariit inuuniarnermikkut atugarliortut 9,3 mio. koruuninik tapiivigineqarput. Qinnuteqartuni 101-iusuni 53-it Isumaginninnermut Aqutsisoqarfimmit allakkamik akuersissummik tigusaqarput. Aningaasaqarnermut inatsimmi atorneqarsinnaasuniit aningaasaliissutissanik marloriaammik amerlanerusunik qinnuteqartoqarsimavoq. Qinnuteqaaterpassuit nutaanik suliniuteqarusussuseqarluartoqarneranik inuuniarnikkullu atukkanik pitsanngorsaarusussuseqarluartoqarneranik ersersitsipput.
”Innuttaasut ikiorniarlugit taama amerlatigisut allannguerusunnerat nuannaartunartorujussuuvoq. Piffissaq ungasinnerusoq isigalugu suliniutit taakku sullinniakkanut iluaqutaanerisa saniatigut inuiaqatigiinnut tamakkiisumut iluaqutaassaaq,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen oqarpoq.
Inuit innarluutillit peqatigiiffii nammineq kajumissuseq atorlugu ingerlanneqartut tapersersorniarlugit immikkut isiginiarneqarsimapput. NIIK (Nunatsinni Inuit Innarluutillit Kattuffiat) suliniummik Ikiorneqarnissamik ilisarnaammik (Solsikkesnoren)-imik aallarniinissamut ilaatigut tapiivigineqarsimavoq. Suliniut pillugu suleqatigiinneq innarluutinik ersinngitsunik takussaasunngortitsivoq naatsorsuutigineqarporlu peqatigiiffimmut patajaallisitsissasoq.
Pinaveersaartitsiniarluni suliniutinut allanut tapiisoqarsimavoq, tapiivigineqartoq tassaavoq Kommuneqarfik Sermersuumi angutinut ataataasunut oqaloqatigiittarfik. Tarnikkut sanngiilliorneq pillugu ilisimasanik avitseqatigiinnikkut angutit oqaloqatigiillutik tapersersoqatigiinnikkut ataataasunut ilaqutariinnullu tatitussusermik tunisisarpoq aamma inuuniarnikkut atugarliornermik nakuusertarnermillu pinaveersaartitsisarluni.
Qaammarsaalluni suliniut Timi Tarni aamma tapiivigineqarpoq. Suliniummi Kaassassuk aamma Qeqertalimmi angut nakuaq pillugit oqaluttuat oqaluttuareqqinneqarput.
Tamakkua saniatigut kommunini tamani qimarnguiit ingerlanneqarneri tapiivigineqarput, matumani illoqarfinni ukunani; Aasiaat, Ilulissat, Narsaq, Nuuk, Paamiut aamma Qaqortoq.
Aammattaaq ilaqutariinnut paarsisartunut suliassaqarfiup tapiivigineratigut sulianik suliarinnittarnerup pitsanngortinneqarnissaa qulakkeerneqassaaq ilaqutariillu paarsisartut patajaallisinneqassallutik.
Aammattaaq Ittoqqortoormiini, Tasiilami, Aasiaanni, Nanortalimmi Nuummilu meeqqat ornittagaat tapiivigineqarput. Ornittakkat pinaveersaartitsillutik suliaqartarput meeqqanullu sumiiffiupput ulluunerani unnukkullu isersimaarfigisinnaasaat.
Isumaginninnermi siunertalinnut tapiissutit pillugit paasissutissat sukumiinerusut Isumaginninnermut Aqutsisoqarfiup nittartagaani atuarneqarsinnaapput.
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.
Nunatsinni meeqqat, inuusuttut aamma ilaqutariit inuuniarnermikkut atugarliortut 9,3 mio. koruuninik tapiivigineqarput. Qinnuteqartuni 101-iusuni 53-it Isumaginninnermut Aqutsisoqarfimmit allakkamik akuersissummik tigusaqarput. Aningaasaqarnermut inatsimmi atorneqarsinnaasuniit aningaasaliissutissanik marloriaammik amerlanerusunik qinnuteqartoqarsimavoq. Qinnuteqaaterpassuit nutaanik suliniuteqarusussuseqarluartoqarneranik inuuniarnikkullu atukkanik pitsanngorsaarusussuseqarluartoqarneranik ersersitsipput.
”Innuttaasut ikiorniarlugit taama amerlatigisut allannguerusunnerat nuannaartunartorujussuuvoq. Piffissaq ungasinnerusoq isigalugu suliniutit taakku sullinniakkanut iluaqutaanerisa saniatigut inuiaqatigiinnut tamakkiisumut iluaqutaassaaq,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen oqarpoq.
Inuit innarluutillit peqatigiiffii nammineq kajumissuseq atorlugu ingerlanneqartut tapersersorniarlugit immikkut isiginiarneqarsimapput. NIIK (Nunatsinni Inuit Innarluutillit Kattuffiat) suliniummik Ikiorneqarnissamik ilisarnaammik (Solsikkesnoren)-imik aallarniinissamut ilaatigut tapiivigineqarsimavoq. Suliniut pillugu suleqatigiinneq innarluutinik ersinngitsunik takussaasunngortitsivoq naatsorsuutigineqarporlu peqatigiiffimmut patajaallisitsissasoq.
Pinaveersaartitsiniarluni suliniutinut allanut tapiisoqarsimavoq, tapiivigineqartoq tassaavoq Kommuneqarfik Sermersuumi angutinut ataataasunut oqaloqatigiittarfik. Tarnikkut sanngiilliorneq pillugu ilisimasanik avitseqatigiinnikkut angutit oqaloqatigiillutik tapersersoqatigiinnikkut ataataasunut ilaqutariinnullu tatitussusermik tunisisarpoq aamma inuuniarnikkut atugarliornermik nakuusertarnermillu pinaveersaartitsisarluni.
Qaammarsaalluni suliniut Timi Tarni aamma tapiivigineqarpoq. Suliniummi Kaassassuk aamma Qeqertalimmi angut nakuaq pillugit oqaluttuat oqaluttuareqqinneqarput.
Tamakkua saniatigut kommunini tamani qimarnguiit ingerlanneqarneri tapiivigineqarput, matumani illoqarfinni ukunani; Aasiaat, Ilulissat, Narsaq, Nuuk, Paamiut aamma Qaqortoq.
Aammattaaq ilaqutariinnut paarsisartunut suliassaqarfiup tapiivigineratigut sulianik suliarinnittarnerup pitsanngortinneqarnissaa qulakkeerneqassaaq ilaqutariillu paarsisartut patajaallisinneqassallutik.
Aammattaaq Ittoqqortoormiini, Tasiilami, Aasiaanni, Nanortalimmi Nuummilu meeqqat ornittagaat tapiivigineqarput. Ornittakkat pinaveersaartitsillutik suliaqartarput meeqqanullu sumiiffiupput ulluunerani unnukkullu isersimaarfigisinnaasaat.
Isumaginninnermi siunertalinnut tapiissutit pillugit paasissutissat sukumiinerusut Isumaginninnermut Aqutsisoqarfiup nittartagaani atuarneqarsinnaapput.
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.